আবিলেচ্ 5:17 - Chakma Bible

¹⁷ ইয়েনিত্তে আমা মনানি ভাঙি যেইয়্যে, ইয়েনিত্যে আমার চোগোর্ তেজ্‌চানি কমি যেইয়্যে।

আবিলেচ্ 5:17 ပူးပေါင်းရင်းမြစ်များ

ইয়োব 17:7

মঅ চোগ্‌কুন দুঘে আন্ধার্ ওই এজের্‌; মর্‌ পুরো কিয়্যেগান্‌ ছাবা ধোক্ক্যেন্ ওইয়্যে।

গীতসংহিতা 31:9

ও লগেপ্রভু, মরে দোয়্যে গর্, কিত্যে মুই দুঘোত্ আগং; দুঘে মঅ চোখকুন্ আর মঅ কিয়্যে-মনান্ ভাঙি পোজ্যে।

গীতসংহিতা 38:8

মুই বল্‌‌পোজ্যে ওইয়োং, এক্কুবারে ভাঙি পোজ্যং, মন পিড়েলোই মুই সাজুরঙর্।

গীতসংহিতা 6:7

দুঘে মর্ দেগিবার্ খেমতাগান্ কুমি যেইয়্যে; শত্রুগুনোর্ কারনে মঅ চোগো পহ্‌‌রান্ কুমি যেইয়্যে।

গীতসংহিতা 69:3

ডাগদে ডাগদে মুই বল্‌পোজ্যে ওইয়োং, মর্ মুয়োপানিগান্ শুগেয়্যে; মর্ গোজেনত্তে চেই থাগদে থাগদে মঅ চোগ্‌কুন ঝাপ্‌সা ওইয়োন।

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 38:14

চাতক, শালিক আর কঅ ধোক্ক্যেন মুই গির্‌‌‍‌‌‌গিজ্যে রলোই ডাগিলুং। উগুরেদি চাদে চাদে মঅ চোগ্‌কুন চুলোদন্। ও প্রভু, মুই দুঘ্ পাঙর্, তুই মঅ ভারান্ নেযা।‌‍‌‌‌

যিরমিয় 46:5

মুই কিত্তে ইয়েনি দেগঙর্? তারা দোরেয়োন, তারা পিজেদি যেইয়োন, তারার যোদ্ধাগুন উদিই যেইয়োন। তারা পিজেদি ন-চেইনে যাদিমাদি ধেই যাদন, আর চেরোকিত্তে অমকদ দর্।

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

আবিলেচ্ 1:13

তে উগুরেত্তুন্ মঅ আড়্‌গড়াগুনো ভিদিরে আগুন পাদেয়্যে। মঅ টেঙানিত্তে তে জাল বিজেয়্যে আর মরে পিজেদি ফিরদে বাধ্য গোজ্যে। তে মরে মানুচ্ নেইয়্যে গোজ্যে, গদাদিন্নো বল্‌‌‌পোজ্যে গুরি রাগেয়্যে।

আবিলেচ্ 1:22

তারার্ বেক্ পাজি কামানি তঅ চোগোত্ পোড়োক্। মর্ বেক্ পাপ্পানিত্তে তুই মরে যেবাবোত্যে গোজ্যস্ তারা উগুরেয়ো সেবাবোত্যে গর্। মর্ ভঅনিজেস্ বেশ্, মুই মন-মরা ওইয়োং।”

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

যিহিষ্কেল 21:15

কাবি ফেলেবাত্তে তারার্ বেক্ গেট্‌‌‌‌‌‌‌‌‌‌তুনোত্ মুই লাম্বাছুরি বোজেয়োং আর যেনে তারার্ মনানি বেক্কানি গুলি যায় আর ভালোক্কুনে মুরি যান্। অয়, সেই লাম্বা ছুরিগানে কারেন ধোক্ক্যেন ঝিমিলায়; সিয়েনে কাবি ফেলেবাত্তে ধারা ওইয়্যে।

যিহিষ্কেল 21:7

তারা যেক্কে তরে পুযোর্ গুরিবাক্, ‘কিত্তে ভঅ নিজেস্ ফেলর্?’ তুই কবে, ‘যে হবরান্ এজের্ সিয়েনত্তে ভঅ নিজেস্ ফেলাঙর্। সে অক্তত্ বেক্কুনোর মনানি গুলি যেবঅ আর বেক্কুনোর আঢ্‌‌‌‌‌‌তানি ন-লুরিবো; বেক্কুনোর মনানি ভাঙিবো আর বেক্কুনোর আঢুগুন্ বল্‌‌‌‌‌‌পোজ্যে ওই যেবাক্। প্রভু লগেপ্রভু কোইয়্যেদে, সিয়েনি এজের্; সিয়েনি অবদে অবঅ।’”

লেবীয় 26:36

তমা ভিদিরেত্তুন্‌ যিগুনে শত্রুগুনোর্‌ দেজত্‌ বাঁচি থেবাক্ তারার্‌ মনত্‌ মুই এমন্‌ দর্‌ ভোরেই দিম্‌, বোইয়্যেরত্‌ পাদা লড়িবার্‌ রঅবোলোইয়ো তারা ধেই যেবাক্। যুদ্ধোর্‌ দরে যেধোক্ক্যেন গুরি মান্‌জে ধেই যান্‌ সেধোক্ক্যেন গুরি তারা ধেই যেবাক্। পিজেন্দি কনজনে লোড়েইনে ন-গেলেয়ো তারা দাবা যাদে উজোত্‌ হেইনে পড়ি যেবাক্।

মীখা 6:13

সেনত্তে মুই তমারে পাপত্তে অমকদগুরি সাজা দিম্ আর তমারে ভস্ত গুরিম।

দ্বি’লম্বর বিররণ 28:65

সেই বেক্‌ জাদ্‌তুনো ভিদিরে তুমি শান্তি ন-পেবা, আর তমার জিরেবাত্তে কনঅ জাগা ন-থেবঅ। সিয়েনত্ লগেপ্রভু তমার মনানি ভান্ন্যেই চিদেলোই ভোরেই তুলিবো আর আজা গুরি চেই রোইয়্যে চোখ্‌কুন্‌ তমার চুলেই উদিবাক, আর তমার মনানি নিরাজাই ভোরেই দিবো।