আবিলেচ্ 4:21 - Chakma Bible

²¹ ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

আবিলেচ্ 4:21 ပူးပေါင်းရင်းမြစ်များ

পত্থম 36:28

দীশন পুয়োগুনোর্ নাঙানি এলঅ ঊষ আর অরাণ।

২ বংশধর 28:19

রাজা আহসত্তে লগেপ্রভু যিহূদারে তলে ফেলেল, কিত্তে আহসে যিহূদাত্‌ ভান্ন্যেইয়ানি বাড়েবাত্তে দিয়্যে আর নিজে লগেপ্রভু উগুরে অমকদ অবিশ্বেজি ওইয়্যে।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

গীতসংহিতা 137:7

ও লগেপ্রভু, যিরূশালেমর ভস্ত দিনোত্ ইদোমীয়গুনে যিয়েনি গোজ্যন্ সিয়েনি ইদোত্ তুলি চাহ্; তারা কোইয়োন্দে, “ভস্ত গরঅ, এক্কুবারে ইয়েনর গড়াগান সং ভস্ত গুরি ফেলঅ।”

উপদেশক 11:9

ও গাবুজ্যে, তঅ গাবুজ্যে জিংকানিত্ তুই সুগি অ, গাবুজ্যে বয়জর্ দিনুনোত্ তঅ মনানে তরে হুজিয়ে রাগোক্। তঅ মনানর্ আওজ্ মজিম্ পধেদি যাহ্ আর তঅ চোগেদি যিয়েন্ গম্ লাগে সিয়েনই গর্, মাত্তর্ মনত্ রাগেচ্, এ বেক্ কামানিত্তে গোজেনে তঅ বিচের্ গুরিবো।

যিরমিয় 49:12

লগেপ্রভু কোইয়্যেদে, “যিগুনে সাজা পেবার যগাজ্যে নয়, তারার যুনি সাজাগান্ ওইনে গলজত্ হা পড়ে সালে তুই কিত্তে সাজা ন-পেইনে থেবে? তত্তুন্ সেই গলজ্‌‌‌‌‌সোত্ হেইনে সাজা পাহ্ পুরিবো।

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিহিষ্কেল 25:6

তুমি ইস্রায়েল দেজর্ অবস্থা দেগিনে আত্‌‌‌তালি দুয়ো, নাচ্চ্য আর মনত্তুন্ তারে ইংসে গুরিনে ফুত্তি গোজ্য।

যিহিষ্কেল 25:8

পরেদি প্রভু লগেপ্রভু কোইয়্যেদে, “মোয়াব আর সেয়ীরে কত্তে, ‘চাহ্, যিহূদার মানুচ্চুনে অন্য বেক্ জাদ্‌‌‌‌‌তুনো ধোক্ক্যেন ওই যেইয়োন।’

যিহিষ্কেল 26:2

ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

ওবদিয় 1:1

ওবদিয়র দর্শন। ইদোম দেজর্ পৌইদ্যেনে প্রভু লগেপ্রভু এ বেক্ কধানি কোইয়্যে। আমি লগেপ্রভুত্তুন্ এক্কান হবর্ পেইয়্যেই। তে জাদ্‌‌‌‌‌তুনো ইধু এক্কো দূতোরে পাধেইনে এ কধাগান কবাত্তে কোইয়্যে, “উদো, আঢঅ আমি ইদোম বিরুদ্ধে যুদ্ধো গুরিবাত্তে যেই।”

মীখা 1:11

ও শাফীরোত্ বজত্তি গুরিয়্যে মানুচ্চুন, তুমি লাংটা আর লাজত্ পড়িনে যগোই। যিগুনে সাননত্ বজত্তি গরন্ তারা নিগিলি এই ন-পারিবাক। বৈৎ-এৎসলে আবিলেচ্ গরের্; তে আর তমা তপ্পে ন-থিয়্যেব।

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”