আবিলেচ্ 4:20 - Chakma Bible

²⁰ যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

আবিলেচ্ 4:20 ပူးပေါင်းရင်းမြစ်များ

পত্থম 2:7

পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

পত্থম 44:30

“সেনত্তে ইক্কিনে যুনি তঅ চাগর্‌বো ইধু, অত্তাৎ আমা বাপ্পো ইধু আমি ফিরি যেই সালে ঘেচ্চেক্ঘুরি তে মুরি যেবঅ, কিত্তে পুয়োবো সমারে তা পরানান্‌ যেন একলগে বান্যে আঘে। এবাবোত্যেগুরি তঅ চাগরুনে তারা বুড়ো বাপ্পোরে, অত্তাৎ তঅ চাগর্‌বোরে বোউত্‌ দুঘে মরণ জাগাত পাদেবাক্।

২ শমূয়েল 1:14

দায়ূদে তারে কলঅ, “লগেপ্রভুর অভিষেক গোজ্যে মানুচ্চোরে মারে ফেলেবাত্তে আত্‌ তুলোদে তুই কি এক্কেনায়ো ন-দোরেলে?”

২ শমূয়েল 1:21

ও গিল্‌বোয়োর্‌ মুড়োমুড়িগুন, তমা উগুরে শিরোপানি বা ঝড় ন-পোড়োক্‌, তমা ভিদিরে বোলি শোজ্য খেদ্‌‌অ ন-থোক্‌; কিত্যে সিয়োদোই দঅ বীরমানুচ্চুনোর ঢালানি অসর্মানিত ওইয়োন, শৌলর ঢালত্‌ আর তেল গুলোনা ন-অর্‌।

২ শমূয়েল 18:3

মাত্তর্‌ মানুচ্চুনে কলাক্, “তুই ন-যেবে। যুনি আমাত্তুন্‌ ধেই যাহ্ পড়ে সালে তারার কিচ্ছু ন-অবঅ। যুনি আমাত্তুন্‌ অদ্দেক মানুচঅ মুরি যান্‌ সেক্কেয়ো তারার কিচ্ছু ন-অবঅ, মাত্তর্‌ তুই দঅ আমা দশ আজারর সমান। তুই ইক্কিনে শঅরত্তুন্‌ আমারে বল্‌ দিলে গম অবঅ।”

২ শমূয়েল 19:21

সেক্কে সরূয়ার পূঅ অবীশয় কলদে, “লগেপ্রভুর অভিষেগ্ গোজ্যে মানুচ্চোরে শিমিয়ি গেইল্ দিয়্যে বিলিনে কি তারে মারে ফেলানা উজিত্ নয়?”

২ বংশধর 35:25

যোশিয়োত্তে যিরমিয় আবিলেজর্‌ গান রোজেল আর এজঅ সং বেক্‌ গানগেইয়্যেগুনে যোশিয়ো পৌইদ্যেনে আবিলেজর্‌-গান গরন্‌। ইস্রায়েলত্‌ ইয়েন্‌ এক্কান্‌ চলেদে সুদোম্‌ ওই গেলঅ আর আবিলেজ্‌-গানর্‌ বোইবোত্‌ সিয়েন্‌ লেগা অলঅ।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিরমিয় 39:5

মাত্তর্ বাবিলীয় সৈন্যগুনে তারা পিজেদি লোড়েইনে যিরীহোর সংজাগানত্ সিদিকিয়রে ধুরি ফেলেল। তারা তারে ধুরিনে হমাৎ দেজর্ রিব্‌লাদত বাবিল রাজা নবূখদ্‌নিৎসর ইধু নেযেলাক্। নবূখদ্‌নিৎসরে তার সাজার উগুম্ দিলো।

যিরমিয় 52:8

রাজার বেক্ সৈন্যগুন তাত্তুন্ যুদো ওই যেইনে ছিদি পড়িলাক্ আর সে সময়োত্ বাবিলীয় সৈন্যদলুন্‌অ রাজা সিদিকিয়র পিজেদি লোড়েইনে যিরীহোর সংজাগানত্ তারে ধুরি ফেলেলাক্।

যিরমিয় 52:9

তারা সিদিকিয়রে বন্দী গুরিনে হমাৎ দেজর্ রিব্‌লাত বাবিল রাজার ইধু নেযেলাক্ আর সিদু তারে সাজার্ উগুম দিয়্যে অলঅ।

আবিলেচ্ 2:9

তা গেট্‌তুন মাদিলোই নাঢি যেইয়োন; হুক্‌কুন তে ভাঙিনে বর্‌বাত গুরি দিয়্যে। তার রাজা আর নেতাগুনে জাদ্‌তুনো ভিদিরে বন্দী ওই আগন্; রীদি-সুদোম্ কধে কিচ্ছু নেই; তার ভাববাদীগুনে লগেপ্রভুত্তুন্ আর দর্শন ন-পান্।

যিহিষ্কেল 12:13

মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 17:18

তে দঅ চুক্তি ভাঙিনে শমক্তান্ ঈচ্ গোজ্যে। তে অধীনতার চুক্তি গুরিনেয়ো এ কামানি গোজ্যে বিলিনে রেহাই ন-পেবঅ।

যিহিষ্কেল 31:17

যিগুনে তা ছাবাত্ বজত্তি গুরিদাক্, অত্তাৎ জাদ্‌তুনো ভিদিরে তা সমাজ্যেগুনে তা লগে মরণ জাগাত্ যুদ্ধোত্ মোজ্যন্দে মানুচ্চুনো ইধু লামিলাক্।‌‌‌‌

দানিয়েল 4:12

তা পাদানি দোল্ এলঅ আর গুলোগুলি এলাক্ বোউত্ আর সিগুনোত্তুন্ বেক্কুনে হানা পেদাক্। সিবে তলেদি মাদ য়েমানুনে আশ্রয় নেযেদাক্ আর আগাজর্ পেগ্‌কুনে তা ডেলাগুনোত্ বজত্তি গুরিদাক্; বেক্ প্রাণিগুনে সিবেত্তুন হানা পেদাক্।‌‌

হোশেয় 13:10

তঅ রাজাবো কুদু যে তর্ বেক শঅরানিত্ তরে রোক্ষ্যে গুরি পারিবো? তর্ শাজন্‌গুরিয়্যেগুন কুদু যিগুনো পৌইদ্যেনে তুই কদে, মরে রাজা আর শাজন্‌গুরিয়্যেগুনোরে দে?

বিচের গুরিয়্যেগুন 9:15

সেক্কে কাদাঝুপ্পো তারারে কলঅ, যুনি হামাক্কাই তুমি মরে তমার্‌ রাজা ইজেবে অভিষেক্‌ গুরিবাত্তে চঅ সালে তুমি এইনে মঅ ছাবাত্‌ আশ্রয় নেযগি। সিয়েন যুনি ন-গরঅ সালে যেনে কাদাঝুবোত্তুন আগুন নিগিলি এইনে লেবাননর এরস গাছ্‌‌‌‌চুন পুড়ি দুয়ো।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”

১ শমূয়েল 12:5

শমূয়েলে তারারে কলদে, “এচ্চ্যে লগেপ্রভু সাক্ষী আর তার অভিষেগ গোজ্যে মানুচ্চোয়ো সাক্ষী, তুমি মত্তুন্‌ তমার কনঅ জিনিস ন-পঅ।” সেক্কে মানুচ্চুনে কলাক্, “তে সাক্ষী।”

১ শমূয়েল 16:6

তারা এজানার পরেন্দি শমূয়েলে ইলীয়াবরে দেগিনে মনে মনে ভাবিলো হামাক্কায় লগেপ্রভুর অভিষেগ গোজ্যে মানুচ্চো তা মুজুঙোত্‌ এইনে থিয়েইয়্যে।

১ শমূয়েল 24:10

এচ্চ্যে দঅ তুই নিজোর চোগেন্দি দেগিলে, লগেপ্রভু কেধোক্ক্যেনগুরি এ গাট্টো ভিদিরে তরে মর্‌ আঢত্‌ তুলি দিলো। মরে কয়েকজনে কোইয়োন তরে মারে ফেলেবাত্তে, মাত্তর্‌ তর্‌ উগুরে মর্‌ মেয়্যে অলঅ। মুই কোইয়োং, মর্‌ গিরোজ উগুরে মুই আঢ্ ন-তুলিম, কিত্যে তে লগেপ্রভুর অভিষেগ্ গোজ্যে মানুচ্‌।

১ শমূয়েল 24:6

তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”

১ শমূয়েল 26:16

তুই যিয়েনি গোজ্যস্‌ সিয়েনি কনমতে ঠিগ্ ন-অয়। জেদা লগেপ্রভুর নাঙে কঙর্, তুই আর তর্‌ মানুচ্চুনোর মরাণা উজিত্, কিত্যে তমার্‌ গিরোজ্‌, যিবে লগেপ্রভুর অভিষেগ্ গোজ্যে মানুচ্‌, তারে শত্রুর বিপক্ষে তুমি চুগি দিইনে ন-রাগঅ। রাজার মাদাবো ইদু তার যে সেল্‌লো আর পানির পিলেবো এলঅ সিগুন্‌ কুদু?”

১ শমূয়েল 26:9

দায়ূদে তারে কলঅ, “না, তারে মারে ন-ফেলেয়ো। লগেপ্রভুর অভিষেগ্ গোজ্যে মান্‌জ্য উগুরে আঢ তুলিনে কন্না নিদ্দুষী তেই পাজ্যে?