আবিলেচ্ 4:17 - Chakma Bible

¹⁷ তো সাহায্যত্তে মিজে গুরি রিনি চেই চেই আমা চোগ্‌কুন চিবে চিবে ওইয়োন্; আমি আমিঝে এমন এক্কো জাদ ইন্দি চেই এলং যে জাদ্‌তো আমারে রোক্ষ্যে গুরি ন-পারিদো।

আবিলেচ্ 4:17 ပူးပေါင်းရင်းမြစ်များ

২ রাজাবলী 24:7

মিসরর রাজা যুদ্ধো গুরিবাত্তে তা রেজ্যগানত্তুন্‌ আর ন-নিগিলিলো, কিত্তেই বাবিলো রাজা মিসরর শুগুনো গাঙানত্তুন্‌ ইউফ্রেটিস গাঙান্‌ সং পুরো রেজ্যগান্‌ গজক্ গুরি নেযেল।

যিশাইয় 20:5

যিগুনে কূশ দেজ উগুরে বিশ্বেজ্ গোজ্যন আর মিসররে নিইনে বড়াই গোজ্যন্ তারা দোরেবাক্ আর লাজেবাক্।

যিশাইয় 28:18

মরণ লগে তুমি যে চুক্তিবো গোজ্য সিবে বাদ দিয়্যে অবঅ; মরণ জাগান লগে তমার্ যে চুক্তিবো ওইয়্যে সিবে থির্ ন-থেবঅ। ভস্তর্ চাবুক্কো যেক্কে জোরে লামি এবঅ, সেক্কে সিয়েন্দোই তমারে মারা অবঅ।

যিরমিয় 2:18

ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিরমিয় 2:36

বার বার পথ্‌তান বুদুলিনে কিত্তে তুই এদক্ ঘুরি বেড়াজ্? আসিরিয়ার পৌইদ্যেনে তুই যেবাবোত্যে লাজেয়োজ্ সেবাবোত্যে মিসরর পৌইদ্যেনেয়ো লাজেবে।‌‌‌‌

যিরমিয় 2:37

তঅ আঢ্‌তান মাঢা উগুরে দিইনে তুই সে জাগায়ান ছাড়ি এবে, কিত্তে যিগুনো উগুরে তুই বিশ্বেজ্ গরজ্ মুই লগেপ্রভু তারারে এলাফেলা গোজ্যং; তারার বলে তুই ফোলেই ন-পারিবে।” ‌‌‌‌

যিরমিয় 8:20

মঅ মানুচ্চুনে কদন্, “খেত-খেত্তি কাবিবার সময় গেলঅ, গরম কাল্‌অ থুম্ ওই গেলঅ, মাত্তর্ আমি দঅ উদ্ধোর্ ন-পেলং।”

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 1:7

যিরূশালেমানে তার দুঘোর্ আর ঘুরি বেড়েবার দিনুনোত্ তার পুরোণি দিনোর ধন-সম্পদর কধানি ইদোত্ তুল্যে। তা মানুচ্চুন যেক্কে শত্রু আঢত্ পোজ্যন সেক্কে তারে সাহায্য গুরিবার কনজন ন-এলঅ। তা শত্রুগুনে তাইন্দি রিনি চেইনে তারে ভস্ত গুরিবাত্তে ঠাট্টা-মশ্‌‌‌‌কারি গোজ্যন।

আবিলেচ্ 5:6

যগাজ্যে হানা পেবাত্তে আমি মিসর আর আসিরিয়ার অধিন্ ওইয়্যেই।

যিহিষ্কেল 29:16

ইস্রায়েলীয়গুনে আর কনদিন্‌অ মিসর উগুরে বিশ্বেজ্ ন-গুরিবাক্। মিসরর্ অবস্থাগান্ দেগিনে তারা বুঝি পারিবাক্, সাহায্যত্তে মিসর ইন্দি ফিরিনে তারা পাপ গোজ্যন্। সেক্কে তারা হবর্ পেবাক্, মুয়ই প্রভু লগেপ্রভু।’”