আবিলেচ্ 3:66 - Chakma Bible

⁶⁶ তুই রাগে তারারে লড়া, তর্ আগাজ তলেত্তুন্ তারারে ভস্ত গুরি ফেলা।

আবিলেচ্ 3:66 ပူးပေါင်းရင်းမြစ်များ

২ রাজাবলী 14:27

লগেপ্রভুর আওজ ন-এলঅ, আগাজ তলেত্তুন্‌ ইস্রায়েলর নাঙান্‌ তে পুজি ফেলেব। সেনত্তে তে যিহোয়াশর পুয়ো যারবিয়ামর মাধ্যমে তারারে উদ্ধোর্‌ গুরিলো।

গীতসংহিতা 115:16

স্বর্গগান অলঅ লগেপ্রভুর স্বর্গ, মাত্তর্ পিত্‌থিমীগান তে মান্‌জ্যরে দিয়্যে।

গীতসংহিতা 35:5

তারা বোইয়্যের মুয়োত্ তুজো ধোক্ক্যেন্ উড়ি যাদোক্; অয়, লগেপ্রভুর দূত্‌তো তারারে ধাবেই দুয়োক্।

গীতসংহিতা 35:6

তারার্ পথ্‌তান্ আন্ধার্ আর বিজোল্ ওক্; অয়, লগেপ্রভুর দূত্‌তো তারারে লোড়োক্।

গীতসংহিতা 73:15

যুনি এ কধানি মুই মান্‌জ্যর ইদু কদুং, সালে এ কালত্ তঅ মানুচ্চুনোর ইদু মুই অবিশ্বেজি অদুং।

গীতসংহিতা 8:3

মুই যেক্কে তঅ আঢ্‌‌তোই বানেয়্যে আগাজ ইন্দি রিনি চাং আর সিদু তর্ থিদেবর্ গোজ্যে চানান্ আহ্ তারাগুনোরে দেগং,

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

যিরমিয় 15:15

ও লগেপ্রভু, তুই দঅ বেক্কানি হবর্ পাজ্; সেনত্তে মঅ কধানি ইদোত্ তুল্ আর মঅ উগুরে মনযোগ দে। মঅ অত্যেচারীগুনো উগুরে তুয়ই হেনা সুজ্। তুই দঅ তারা উগুরে বোউত্ ধোজ্য ধুরি থাচ্, মাত্তর্ সেনত্তে তারা আঢত্ তুই মরে ভস্ত অবাত্তে ন-দিচ্; ইদোত্ তুলি চাহ্, মুই তত্তে কিবাবোত্যে ঈচ্ গরানা সোজ্য গোজ্যং।

আবিলেচ্ 3:43

তুই রাগ্‌‌কোই নিজোরে ঢাগিনেই আমারে লোড়েয়োচ্; মেয়্যে ন-গুরিনে তুই মারে ফেল্যচ্।

হোশেয় 8:3

মাত্তর্ যিয়েন গম্ ইস্রায়েলে সিয়েন এলাফেলা গোজ্যে, সেনত্তে শত্রুবো তা পিজেদি লোড়েব।

দ্বি’লম্বর বিররণ 25:19

তমার গোজেন লগেপ্রভু যে দেজ্‌ছান সোম্বোত্তি ইজেবে গজক্ গুরিবাত্তে তমারে দিবাত্তে যার্‌ সিয়েনত্‌ তমার চেরোকিত্তে শত্রুগুনো সমারে লাড়ে বাজানাত্তুন তে যেক্কে তমারে জিরেবাত্তে দিবো সেক্কে পিত্‌থিমী উগুরেত্তুন্‌ অমালেকীয়গুনোর চিহ্নোগান তমাত্তুন এক্কুবারে পুঝি ফেলা পুরিবো। এ কধাগান তুমি পুরি ন-ফেলেয়ো।

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।

দ্বি’লম্বর বিররণ 7:24

তারার্‌ রাজাগুনোরে তে তমা আঢত্‌ তুলি দিবো আর তুমি তারার্‌ নাঙানি পিত্‌থিমীত্তুন্‌ পুজি ফেলেবা। কনজনে তমারে মানা গুরিনে রাগেই ন-পারিবাক্‌; তুমি তারারে ভস্ত গুরি ফেলেবা।