31 প্রভু দঅ উমরত্তে মান্জ্যরে ধাবেই ন-দে।
মাদিত্ পানি ঢালিলে যেন সিয়েন আর তুলি নেযেই ন-পারে সে বাবোত্যে গুরিনে দঅ আমি মুরিবোং। মাত্তর্ গোজেনে পরাণান্ কাড়ি ন-নেযায় বরং তে এমন্ বেবস্থা গুরিলো যেনে নিগিলেই দিয়্যে মানুচ্চুন্ তাত্তুন্ দূরোত্ ন-থান্।
তারার্ অবাধ্যগানর্ কারনে মুই দায়ূদোর বংশধরুনোরে নিজো গুরিম্, মাত্তর্ উমরত্তে নয়।’”
প্রভু কি উমরত্যে আমারে ছাড়ি যেইয়্যে? তে কি আমারে আর কনদিন্অ মেয়্যে ন-গুরিবো?
লগেপ্রভু কনদিন্অ তা মানুচ্চুনোরে ন-ছাড়িবো; যিগুনে তার নিজোর সোম্বোত্তি তারারে তে ফেলেই ন-দিবো।
তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।
মুই উমরত্তে মান্জ্যরে দুষি ন-গুরিম বা মঅ রাগ্কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।
যুনি উগুরে আগাজ্চানরে মাবা যায় আর তলেদি পিত্থিমীর খুদোবো তোগেইনে পাহ্ যায় সালেন্ ইস্রায়েলীয়গুনে যিয়েনি গোজ্যন সিয়েনিত্তে মুই তারারে এলাফেলা গুরি পারং। মুই লগেপ্রভু এ কধাগান কঙর্।”
মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্অ মত্তুন্ ফিরি ন-যান।
“মানুচ্চুনে যিয়েন কদন, ‘লগেপ্রভু ইস্রায়েল আর যিহূদার মানুচ্চুনোরে বেঈ নেযেয়্যে, মাত্তর্ ইক্কিনে তারারে এলাফেলা গোজ্যে,’ সিয়েন কি তুই খিয়েল্ ন-গরচ্? তারা মঅ মানুচ্চুনোরে ঈচ্ গরন আর জাদ্ ইজেবে তারারে আর ন-দেগন্।
তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্কান পুষি ন-রাগেচ্ বরং তর্ গভীন কোচ্পানা দেগাদে হুজি ওচ্।
লগেপ্রভু কত্তে, “ও যিহূদা, যুনিয়ো আসিরিয়গুনে বলেদি ঠিগ্ আগন্ আর জনেদি বেশ্ তো তারারে মারে ফেলা অবঅ। মুই তরে দুঘ্ দৈং ঠিগ, মাত্তর্ আর্ দুঘ্ ন-দিম।
লগেপ্রভু তার দাঙর্ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্লোই তমারে তার নিজোর মানুচ্ ইজেবে নেযেয়্যে।
