29 তে ধূল্যেত্ মুয়োন ঢাগোক্, অয়ত আজা থেইয়ো পারে।
দজাত্ পড়িনে তে তার্ গোজেন্ লগেপ্রভুর দোয়্যে ভিক্ষ্যে গুরিলো আর তার্ পূরোণি মানুচ্চুনোর্ গোজেন মুজুঙোত্ নিজোরে অমকদ চিগোন্ গুরিলো।
মঅ কিয়্যেগান উগুরে মুই বস্তাপাদা বেড়েয়োং; মঅ বার্বো গরানাগান্ মুই ধূল্যেত্ ফেলেই দুয়োং।
“মুই দঅ অযোগ্য, মুই কেধোক্ক্যেন গুরিনে তরে জোব্ দিম? মর্ মুগান্ মুই আঢ্তোই চিবি দুয়োং।
সেনত্তে তর্ ভবিচ্চদত্তে আজা আঘে। তর্ ঝি-পুয়োগুনে নিজো দেজত্ ফিরি এবাক্। মুই লগেপ্রভু এ কধাগান কঙর্।
মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্অ মুয়োন ন-খুলিবে। মুই প্রভু লগেপ্রভু এ কধাগান কঙর্।”
কন্না হবর্ পায়, অয়ত তে আরঅ মনান্ বুদুলিবো আর বর্ দি যেবঅ, যেনে তুমি তমার্ গোজেন লগেপ্রভুর নাঙে শোজ্য আর পানীয়-উৎসর্বর্ অনুষ্ঠান গুরি পার।
কন্না হবর্ পাই অয়ত বা গোজেনে মন ফিরেইনে তার্ জদবদে রাগত্তুন্ ফিরিবো যেনে আমি ভস্ত ওই ন-যেই।”
ও দেজর্ বেক্ নম্র মানুচ্চুন, তুমি যিগুনে লগেপ্রভুর উগুম মজিম্ কাম গরঅ, তুমি তার্ আওজ্ মজিম্ গমেডালে আর নম্রগুরি চলঅ; সেক্কে লগেপ্রভুর রাগর্ দিন্নোত্ অয়ত তুমি আশ্রয় পেবা।
সেক্কে সেই খাজানা-তুলিয়্যেবো কিজু দূরোত্ থিয়্যেই এলঅ। আগাজ ইন্দি রিনি চেবার্অ তার সাহচ্ ন-অলঅ; তে বুগ্ চাবেরেইনে কলঅ, ও গোজেন! মুই পাপী; মরে দোয়্যে গর্।
আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।
