আবিলেচ্ 3:24 - Chakma Bible

²⁴ মুই মনে মনে কং, “লগেপ্রভু মর্ সোম্বোত্তি, সেনত্তে মুই তা উগুরে আজা রাগেম।”

আবিলেচ্ 3:24 ပူးပေါင်းရင်းမြစ်များ

১ বংশধর 5:20

ইগুনো সমারে যুদ্ধো গুরিবার্‌ সময়োত্‌ গোজেনে তারারে বল্‌ দিয়্যে। তে হাগরীয় আর তারা পক্ষেন্দি বেক্‌ মানুচ্চুনোরে তারা আদত্‌ তুলি দিয়্যে, কিত্তে যুদ্ধোত্‌ তারা গোজেন ইদু তবনা গোজ্যন্‌। তারা তা উগুরে বিশ্বেজ্ গোজ্যন্‌ বিলিনে তে তারার্‌ তবনা জোবপান্‌ দিয়্যে।

ইয়োব 13:15

তে যুনি মরে মারেয়ো ফেলায় তো তা উগুরে মুই আজা রাগেম্‌; মুই হামাক্কাই তা মুজুঙোত্‌ মঅ পক্ষেদি কধা কোম্‌।

ইয়োব 22:25

সালে বেগত্তুন্‌ খেমতাবলা গোজেনে তর্‌ সনা অবঅ, তেয়ই অবঅ তর্‌ বেগত্তুন্‌ গম্‌ রূবো।

গীতসংহিতা 119:57

ও লগেপ্রভু, তুই মর্ সোম্বোত্তি; মুই তঅ কধানি মানি চলিবাত্তে এগেম্ গোজ্যং।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 142:5

ও লগেপ্রভু, মুই তইদু কান্যং; মুই কোইয়োঙে, “তুয়ই মর্ আশ্রয়, এ পিত্‌থিমীত্ তুয়ই মর্ সোম্বোত্তি।”

গীতসংহিতা 16:5

লগেপ্রভু, তুয়ই মর্ সোম্বোত্তি; তুয়ই মর্ তিরেজর্ পানি। মঅ ভাগ্যগান্ তঅ আঢত্ আঘে।

গীতসংহিতা 31:24

তুমি যিগুনে লগেপ্রভু উগুরে আজা গুরি আগ তুমি মন বল্ আন আর বুগোত্ সাহস বান।

গীতসংহিতা 33:18

মাত্তর্ লগেপ্রভু উগুরে যিগুনোর ভক্তিবলা দর্ আঘে, যিগুনে তার্ অমকদ কোচ্‌পানাগান উগুরে আজা রাগান্, তারার্ উগুরে তার খিয়েল্ আঘে;

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

গীতসংহিতা 42:5

ও মর্ পরাণান্, কিত্তেই তুই আজা আরেয়োজ্? কিত্তেই এদক্ চোত্‌‌পোত্যে ওইয়োচ্? গোজেন উগুরে আজা রাগা, কিত্যে তেয়ই মরে উদ্ধোর্ গুরিবো; সেনত্তে মুই আরঅ তার বাঈনী গুরিম।

গীতসংহিতা 43:5

ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গীতসংহিতা 71:14

মাত্তর্ মুই নিত্য তঅ উগুরে ভরসা গুরিম, তর্ বাঈনী উগুরে বাঈনী গুরি গুরি থেম্।

গীতসংহিতা 73:26

মর্ কিয়্যে আর মনান ক্ষয় ওই যেই পারে, মাত্তর্ গোজেনে মর্ মনানর্ বল্ আর মর্ উমরর্ সোম্বোত্তির ভাগ।

গীতসংহিতা 84:12

ও বেগত্তুন্ খেমতাবলা লগেপ্রভু, যে তমা উগুরে বিশ্বেজ্ গরে তে বর্‌পেইয়্যে।

গীতসংহিতা 94:19

মর্ মনান যেক্কেনে পুযুক্-পাজাক্ অয়, সেক্কেনে তর্ দিয়্যে সান্তনাগানে মঅ মনানরে হুজি গরে।

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 51:19

যিবে যাকোবর্ পাওনা ভাগ্ তে ইগুনো ধোক্ক্যেন নয়, কিত্তে তেয়ই বেক্ জিনিস্‌‌‌‌‌‌‌‌‌‌চানির সিরিস্‌‌‌‌‌‌‌‌‌‌টিগুরিয়্যে আর ইস্রায়েল তার বিশেষ সোম্বোত্তি। তা নাঙান্ বেগত্তুন্ খেমতাবলা লগেপ্রভু।

আবিলেচ্ 3:21

তো মর্ আজা আঘে, কিত্তে মুই এ কধাগান ইদোত্ তুলোং;

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

রোমীয় 15:12

আরঅ যিশাইয় কোইয়্যেদে, যিবে যিশয়র গড়াগান্ তে এবঅ, বেক্ জাদ্‌তুনোরে শাসন গুরিবাত্তে তে থিয়্যেব। তা উগুরে বেক্ জাদর্ মানুচ্চুনোরে আজা রাগেব।

দ্বি’লম্বর বিররণ 18:2

ইস্রায়েলীয় ভেইয়ুনো ভিদিরে তারার সোম্বোত্তি বিলি কিচ্ছু ন থেবঅ। লগেপ্রভুর এগেম্ মজিম লগেপ্রভুই অবঅ তারার সোম্বোত্তি।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।