আবিলেচ্ 2:20 - Chakma Bible

²⁰ ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

আবিলেচ্ 2:20 ပူးပေါင်းရင်းမြစ်များ

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

গীতসংহিতা 78:64

তলোয়ারানিত্ তারার ধর্মগুরুগুনে মুরি গেলাক্; তারার রানিমিলেগুনে আবিলেচ্ গুরি ন-পারিলাক্।

যাত্রা 32:11

মোশি সেক্কে তার গোজেন লগেপ্রভুরে কোজোলী গুরিনে কলঅ‌, “লগেপ্রভু, তর্‌ খেমতাবলা আত্তান্‌ বাবেইনে দাঙর্‌ বল্লোই যিগুনোরে তুই মিসর্‌ দেজত্তুন্‌ নিগিলেই আন্যচ্‌ তর্‌ সেই মানুচ্চুনো উগুরে কিত্তেই তর্‌ এদক্‌ রাগ্‌?”

যিশাইয় 22:2

ও যাগুলুগে ভরা শঅরান্, ও কোজ্যে বাজেয়্যে আর রঅ ছাজ্যে শঅরান্, তঅ মরা মানুচ্চুনে দঅ তলোয়ার আঘাতে ন-মরন্ বা যুদ্বোত্অ ন-মরন্।

যিরমিয় 19:9

তারার শত্রুগুন, অত্তাৎ যিগুনে তারারে মারে ফেলেবাত্তে চান তারা যেক্কে তারারে ঘিরিবাক্ সেক্কে সে দুঘোর্ সময়োত্ মুই তারার ঝি-পুয়োগুনোর য়েরাগান তারারে হেবাত্তে বাধ্য গুরিম আর তারা একজনে আর একজনর য়েরা হেবাক্।

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 4:10

দোয়্যেলু মিলেগুনে নিজো আঢে তারার্ পুয়ো-ছাগুনোরে হানা রানি দেদন্। মঅ মানুচ্চুনোর্ ভস্ত অবার্ সময় তারার্ পুয়ো-ছাগুন তারার্ হানা ওইয়োন্।

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

আবিলেচ্ 4:16

লগেপ্রভু নিজে তারারে ছিদি দিয়্যে; তে তারা উগুরে আর মনযোগ্ ন-দে। মান্‌জ্যে ধর্মগুরুগুনোরে সর্মান ন-দেগান্, দোয়্যে ন-গরন্ বুড়ো নেতাগুনোরে।

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

যিহিষ্কেল 9:7

সে পরেদি গোজেনে তারারে কলঅ, “তুমি মোজ্যন্দে মানুচ্চুন্দোই উদোনান্ ভোরেই ফেলেইনে উবোসনা-ঘরান্ অসিজি গরঅ। যঅ, কাম গরঅ।” সেনত্তে তারা নিগিলিনে শঅরত্ যেইনে মানুচ্চুনোরে মারে ফেলা ধুরিলাক্।

লেবীয় 26:29

সেক্কে পেট পড়ায়্‌ তুমি তমার্‌ ঝি-পূঅগুনোর্‌ য়েরা হেবা।

দ্বি’লম্বর বিররণ 9:26

তাইদু মুই ইয়েন্‌ কোইনে তবনা গোজ্যং, ও প্রভু লগেপ্রভু, তঅ মানুচ্চুনোরে তুই ভস্ত গুরি ন-ফেলেচ্‌। তারা দঅ তরই সোম্বোত্তি যিগুনোরে তুই তর্‌ দাঙর্‌ বল্লোই উদ্ধোর্‌ গোজ্যস্‌ আর তর্‌ বোলী আত্তান্‌ বেবহার্‌ গুরিনে মিসর দেজত্তুন্‌ নিগিলেই আন্যচ্‌।