আবিলেচ্ 2:13 - Chakma Bible

¹³ ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

আবিলেচ্ 2:13 ပူးပေါင်းရင်းမြစ်များ

২ শমূয়েল 5:20

দায়ূদে সেক্কে বাল্‌-পরাসীমোত্‌ গেলঅ আর সিদু তারারে ওদেই দিলো। তে কলঅ, “লগেপ্রভু মঅ মুজুঙোত্‌ গোদা পানি ভাঙি যাইদে ধোক্কেন্‌ মঅ শত্রুগুনোরে ভাঙি ফেলেয়্যে।” ইয়েনত্তে সে জাগায়ানর নাঙান্‌ অলঅ বাল্‌-পরাসীম।

২ রাজাবলী 19:21

তা বিরুদ্ধে লগেপ্রভু কোইয়্যেদে, গাবুজ্যে মিলে সিয়োনে তরে ঈচ্ গুরিবো আর ঠাট্টা-তামাজা গুরিবো। যিরূশালেম মানুচ্চুনে তঅ পিজেন্দিত্তুন্‌ মাধাবো লাড়েবাক্‌।

গীতসংহিতা 60:2

তুই দেজ উগুরে ভূজোল্ আন্যচ্, ফাদা মারা ধোরেই দুয়োচ্; তুই সিয়েনর ফাদামারাগান নাঢি দে, কিত্তেই দেজ্‌ছান তলে পড়ের্।

যিশাইয় 37:22

ইয়েনত্তে তা বিরুদ্ধে লগেপ্রভু এ কধাগান কোইয়্যে, গাবুজ্যে মিলে সিয়োনে তরে ঈচ্ গুরিবো আর ঠাট্টা-মশ্‌‌কারী গুরিবো। যিরূশালেমর মানুচ্চুনে তঅ পিজেন্দিত্তুন্ মাঢাবো লাড়েবাক্।

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

যিরমিয় 9:18

তারা যাদিমাদি এইনে আমাত্তে আবিলেচ্ গোরোদোক্ যেধক্কন সং আমা চোগেদি পানি ভাসি ন-যায় আর চোগো পাদাত্তুন পানি বেই ন-যায়।

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

যিহিষ্কেল 32:31

যেক্কে ফরৌণ আর তার বেক্ সৈন্যদলুনে যুদ্ধোত্ মুরি যেবাক্ সেক্কে তে সেই বেক্ মানুচ্চুনোরে দেগিবো আর তার বেক্ মানুচ্চুনো পৌইদ্যেনে তারে বুঝো অবঅ। ‌‌‌‌

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।