আবিলেচ্ 1:12 - Chakma Bible

¹² তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

আবিলেচ্ 1:12 ပူးပေါင်းရင်းမြစ်များ

গীতসংহিতা 88:16

তর্ দর্‌গরেপারা রাগ্‌কান মঅ উগুরেন্দি বুয়োই যেইয়্যে; তর্ দর্‌বুগ্ লাগেয়্যে আঘাত্‌তানে মরে শেজ্ গুরি দিয়্যে।

যিশাইয় 13:13

সেনত্তে মুই আগাজ্‌‌চানরে গির্‌‌‌গিরে দিম্; বেগত্তুন্ খেমতাবলা লগেপ্রভুর অমকদ রাগে তার জোল্‌জোল্যে রাগর্ দিন্নোত্ পিত্‌থিমীগানে তা জাগানত্তুন্ লুড়িবো।‌

যিরমিয় 10:19

হায়, মঅ আঘাত্‌‍তান গম্ অবার নয়! তো মুই নিজোরে কোইয়োংগে, “ইয়েন মর্ পীড়ে, মত্তুন সিয়েন সোজ্য গরা পুরিবো।” ‍

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 30:23

চঅ, লগেপ্রভুর রাগ্‌কান ঝড় ধোক্ক্যেন ফাদি পড়িবো, ধাবেই দিয়্যে এক্কান বোইয়্যেরে ঘুরি ঘুরি পাজিগুনো মাঢা উগুরে লামি এবঅ। ‌‌‌‌‍

যিরমিয় 30:24

লগেপ্রভু যেদক্কন সং তা মনর্ আজাগান্ গমেডালে কামত্ ন-লাগায় সেদক্কন সং তার্ দর্‌গরেপারা রাগ্‌কান ফিরি ন-যেবঅ। আগামিদি তুমি ইয়েন বুঝি পারিবা।‌‌‌‌‍‌‌‌‌‌‍‌

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

যিরমিয় 4:8

সেনত্তে বস্তাপাদা উরিনে আবিলেচ্ আর হাহাকার গরঅ, কিত্তে লগেপ্রভুর জ্বোল্‌‍‍‍জোল্যে রাগ্‌‌‍‍কান আমান্দিত্তুন ফিরি ন-যায়।” ‍‍‍‍‍‍‍

যিরমিয় 48:27

ও মোয়াব, ইস্রায়েলে কি তর্ আজি-ঠাট্টার্ মানুচ্ ন-এলঅ? তে কি চুরুনো ভিদিরে ধরা পোজ্যস্, তুই যেদকবার তা কধা কচ্ সেদকবার ঈচ্ গুরিনে মাঢাবো লাড়াচ্?

আবিলেচ্ 1:18

তে কত্তে, “লগেপ্রভু ন্যায়বলা, মুই দঅ তা উগুমো বিরুদ্ধে উল্লোমী গোজ্যং। বেক্ জাদ্‌‌তুনে শুনো, মঅ দুঘ্‌‌কান চঅ; মর্ গাবুজ্যে-গাবুরীগুনে বন্দী ওইনে দূরোত্ যেইয়োন।

আবিলেচ্ 2:1

হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

মথি লেখ্যে গম্ হবর্ 24:21

সেক্কে এমন্ দুঘ্ অবঅ যিয়েন্ জগদর্ আরাম্ভত্তুন্ ধুরি এ সময়ান সং কনদিন্অ ন-অয় আর নয়ো অবঅ।