আবিলেচ্ 1:1 - Chakma Bible

¹ হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 1:1 ပူးပေါင်းရင်းမြစ်များ

১ রাজাবলী 4:21

ইউফ্রেটিস গাঙত্তুন্‌ আরাম্ভ গুরিনে মিসর আর পলেষ্টীয়গুনোর দেজর্‌ ধুজি সং বেক্‌ রেজ্যগানি শলোমনর্ শাজন্ অধীনোত্‌ এলঅ। শলোমনে যেদকদিন বাঁজি এলঅ সেদকদিন এ দেজ্‌ছানি তারে চান্দা দিদো আর তা অধীনোত্‌ এলঅ।

২ রাজাবলী 23:33

ফরৌণ-নখো পেরায় চের্‌ টন রূবো আর ঊনচোল্লিশ কেজি সোনা কর্‌ ইজেবে যিহূদা দেজ উগুরে চাপি দিলো।

২ রাজাবলী 23:35

ফরৌণ-নখোর দাবি মজিম যিহোয়াকীমে তারে সেই সোনা-রূবোণি দিলো। সিয়েনি দিবাত্তে তে দেজ মানুচ্চুনো উগুরে কর্‌ চাপি দিলো আর দেজ পত্তিজন খাজানা ঠিগ্‌ গুরি দিইনে সেই সোনা-রূবোনি তে দেজ মানুচ্চুনোত্তুন্‌ আদায় গুরিলো।

২ বংশধর 9:26

তে ইউফ্রেটিস গাঙত্তুন্‌ পলেষ্টীয়গুনোর্‌ দেজ্‌ছান আর মিসরর দুযি সং বেক্‌ রাজাগুনো উগুরে রাজাগিরি গুরিদো।

ইষ্রা 4:20

খেমতাবলা রাজাগুনে ‍যিরূশালেমত্তুন্ ধুরি ইউফ্রেটিস গাঙর্ পোজিম্ পারর্ বেক জাগায়ানিত্ রাজাগিরি গুরি এচ্চ্যন্ আর সিদুগোর্ মানুচ্চুনে তারার্ খাজনা, কর্‌ আর শুল্ক দুয়োন্।

নহিমিয় 5:4

আরঅ অন্যগুনে কলাক্‌, “রাজারে খাজানা দিবাত্তে ভূইয়ানি আর আংগুর ক্ষেত্‌তানি বন্ধক রাগেইনে আমাত্তুন্‌ টেঙা নেযা পোজ্যে।

নহিমিয় 9:37

আমা পাপত্তেই যে রাজাগুনোরে তুই আমা উগুরে রাজাগিরি গুরিবাত্তে দুয়োচ্‌ দেজর্‌ ভালোক্কানি ফসল তারা ইদু যায়। তারা তারার্‌ আওজ্‌ মজিম্‌ আমা কিয়্যে উগুরে আর আমা এ্যমানুনোর্‌ উগুরে সেলা সোদেয়োন্‌। আমি অমকদ দুঘোত্‌ আগিই।”

গীতসংহিতা 122:4

সিয়োদই বেক্ গুট্টিগুনে উদোন্দোই, লগেপ্রভু মানুচ্চুনোর বেক্ গুট্টিগুন; ইস্রায়েলরে দিয়্যে উগুম্ মজিম তারা উদোন্দোই লগেপ্রভুরে ভালেদি জানেবাত্তে।

যিশাইয় 14:12

ও শুকতারা, বেন্যেমাদানর্ পুয়োবো, তুই দঅ স্বর্গত্তুন্ পোজ্যস্। তুই একদিন জাদ্‌তুনোরে ওদেই দুয়োচ্ আর তরে ইক্কিনে পিত্‌‌‌থিমীত ফেলেই দিয়্যে ওইয়্যে।

যিশাইয় 22:2

ও যাগুলুগে ভরা শঅরান্, ও কোজ্যে বাজেয়্যে আর রঅ ছাজ্যে শঅরান্, তঅ মরা মানুচ্চুনে দঅ তলোয়ার আঘাতে ন-মরন্ বা যুদ্বোত্অ ন-মরন্।

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 49:21

সেক্কে তুই মনে মনে কবে, ‘ইগুনোরে কন্না মত্তে জর্ম দিয়্যে? মুই পুয়ো-ছাগুনোরে আরেইনে ভাজ ধোক্ক্যেন ওইয়োং; মরে যেন দূর গুরি দিয়্যে ওইয়্যে, মুই যেন ধেই ধেই বেড়াঙর্। সালে কন্না ইগুনোরে পালেয়্যে? মাত্তর্ ইগুনে? ইগুনে কুত্তুন এচ্চোন্?’ ”

যিশাইয় 50:5

প্রভু লগেপ্রভু মঅ কানান্ খুলি দিয়্যে আর মুই অবাধ্য ন-অং, পিজেদিয়ো ন-যাং।

যিশাইয় 52:2

ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিশাইয় 52:7

যে মানুচ্চো গম্ হবর্ দিবাত্তে এজে, সুগ্-শান্দি ফগদাং গরে, ভালেদির হবর্ আনে, উদ্ধোরান্ ফগদাং গরে আর সিয়োনানরে কয়, তঅ গোজেনে রাজাগিরি গরে, মুড়োমুড়ি উগুরেদি এবার্ অক্তত্ সেই মানুচ্চোর টেঙান কেধোক্ক্যেন দেগায়।

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

যিরমিয় 31:7

লগেপ্রভু কোইয়্যেদে, তুমি যাকোবত্তে হুজি মনে গিদ্ গঅ; বেগত্তুন সেরা জাদত্তে হুজির্ রঅ গরঅ। তুমি নাঙ্ গিনিনে কঅ, ও লগেপ্রভু, তঅ মানুচ্চুনোরে, ইস্রায়েলর বাঁজি থেইয়্যে মানুচ্চুনোরে উদ্ধোর্ গর্।

যিরমিয় 40:9

শাফনর নাদিন, অত্তাৎ অহীকামর পুয়ো গদলিয় তারার আর তারা মানুচ্চুনো ইধু শমক্ হেইনে এ কধাগান কলঅ, “বাবিলীয়গুনোর তলে অদে তুমি ন-দোরেয়ো; দেজত্ বজত্তি গরঅ আর বাবিল রাজার অধিন অ, ইয়োত্ তমার গম্ অবঅ।

যিরমিয় 44:2

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই যিরূশালেম আর যিহূদার বেক্ আদামানি আর শঅর উগুরে যে অমকদ দজা আন্যং সিয়েনি তুমি দেখ্য। সিয়েনি এচ্চ্যে ভস্ত ওইনে পড়ি আঘে; সিয়েনিত্ কনজনে বজত্তি ন-গরন্।

যিরমিয় 44:6

সেনত্তে মর্ অমকদ রাগ্‌‍‌কান ঢালি দিয়্যে ওইয়্যে; সিয়েন যিহূদার শঅরত্ শঅরত্ আর যিরূশালেমর পধে পধে জুলি উঠ্যে আর সেনত্তে এচ্চ্যে সিয়েনি মানুচ্ নেইয়্যে আর ভস্ত ওই পড়ি আঘে।

যিরমিয় 50:23

পুরো পিত্‌থিমীর আদুড়োবু কিবাবোত্যেগুরি ভাঙিনে কট্টা কট্টা ওই গেলঅ। বাবিল অবস্থাগান্ দেগিনে বেক্ জাদ মানুচ্চুনে কেধোক্ক্যেন আমক্ ওই যেইয়োন।

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

আবিলেচ্ 2:1

হায়, লগেপ্রভু কিবাবোত্যেগুরি তার্ রাগে সিয়োন-ঝিবোরে আন্ধারত্ ঢাগি ফেলেয়্যে! ইস্রায়েলর সয়সাগোজ্যেগানি তে আগাজত্তুন্ পিত্‌‌থিমীত্ ফেলেই দিয়্যে। তার্ রাগ্ উঠ্যেদে দিন্নোত্ তা টেঙানি রাগেবার জাগায়ানরে তে ইদোত্ ন-রাগায়।

আবিলেচ্ 2:10

সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

আবিলেচ্ 4:1

হায়! সোনাগানে কিবাবোত্যেগুরি তা জোল্‌জোল্যেগান আরেয়্যে, খাটি সোনা বুদুলি যেইয়্যে। পত্তি দফদা পদথ্ ছিদি রোইয়্যেদে মংগা মংগা পাত্তরুন্।

আবিলেচ্ 5:16

আমা মাঢাত্তুন্ মুকুট পড়ি যেইয়্যেগোই। অভিশাব্ পোড়োক্ আমার্, কিত্যেই আমি পাপ গোজ্যেই!

যিহিষ্কেল 26:16

সেক্কে সাগর পাড় দেজ্‌‌‌‌‌‌‌‌চানির রাজাগুনে তারার্ সিংহাসনত্তুন্ লামিনে তারার্ রাজপোশাক্ আর নক্‌‌‌‌‌‌‌‌সা গোজ্যে পোজাক্কানি খুলি ফেলেবাক্। অমকদ দরে তারা মাদিত্ বুজিবাক্, আমিঝে গির্‌‌‌‌‌‌‌‌গিরেবাক্ আর তরে দেগিনে আমক্ অবাক্।

যিহিষ্কেল 26:2

ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

যিহিষ্কেল 5:5

মুই প্রভু লগেপ্রভু কঙর্, ইয়েন অলঅ যিরূশালেম। তারে মুই জাদ্‌‌তুনো সংমোধ্যে থিদেবর্ গোজ্যং; তা চেরোকিত্তে রোইয়্যেদে নানান্ দেজ্।

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

ফগদাং পেইয়্যে 18:7

তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’