যিহূদা 1:7 - Chakma Bible

⁷ সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।

যিহূদা 1:7 ပူးပေါင်းရင်းမြစ်များ

পত্থম 13:13

সদোম মানুচ্চুনে অমকদ বজং এলাক্ আর লগেপ্রভু মুজুঙোত্‌ তারা জদবদে পাপ গুরিলাক্।

পত্থম 18:20

সে পরেদি লগেপ্রভু কলঅ, “সদোম আর ঘমোরা বিরুদ্ধে অমকদ গন্দগুল্‌ চলের্‌, আর তারার্‌ পাপঅ বেশ্‌ ওইয়্যে।

পত্থম 19:5

তারা লোটরে ডাগিনে কলাক্, এচ্চ্যে রেদোত্‌ যে দ্বিজন মানুচ্‌ তমা ইধু এচ্চ্যন্‌ তারা কুদু? তারারে নিগিলেনে আমা ইধু আন। আমি সে দ্বিজন মরত্‌ পুয়ো সমারে বেশ্যেমি গুরিবোং।

১ রাজাবলী 22:46

তা বাপ্পো আসার রাজাগিরির্‌ পরেন্দিয়ো যিদুক্কুন্‌ মরদ্‌ মন্দির-বেশ্যে বাগি রোইয়োন্‌ তে দেজত্তুন্‌ তারারে দূর্‌ গুরি দিলো।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 13:19

বেক্ রেজ্যগানির্ মানেক্ বাবিলানরে, কলদীয়গুনোর বাঈনী গরেদে বাবিলানরে গোজেনে সদোম আর ঘমোরা ধোক্ক্যেন্ ভস্ত গুরিবো।

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিরমিয় 20:16

লগেপ্রভু মেয়্যে ন-গুরিনে যেদক্কানি শঅরর্ সর্বনাশ গোজ্যে সে মানুচ্চো সিগুনো ধোক্ক্যেন ওক্। তে বেন্যেমাদান্ কানাকুদির্ রঅ শুনোক্ আর দিবুজ্যে শুনোদোক্ দযার্ রঅ;

যিরমিয় 50:40

মুই যেবাবোত্যেগুরি কায়-কুরে আদামানিসুমুত্তো সদোম আর ঘমোরা ভস্ত গোজ্যং, সেবাবোত্যেগুরি কনজনে সিয়েনত্ বজত্তি ন-গুরিবাক্; কনঅ মান্‌‌‌জ্যে সিয়েন ভিদিরে ন-থেবাক্। মুই লগেপ্রভু এ কধাগান কঙর্।

আবিলেচ্ 4:6

যে সদোমানরে মুহূত্তো ভিদিরে উল্ল্যে ফেলা ওইয়্যে, যিবে বিরুদ্ধে কনঅ মান্‌জ্যর্ আঢ্ ন-উদে, সেই সদোমর্ পাপত্তুন্‌অ বেশ্ মঅ মানুচ্চুনোর অন্যেয়ান বেশ্।

হোশেয় 11:8

“ইফ্রয়িম, মুই কেধোক্ক্যেন্ গুরি তরে ছাড়ি যেইম? ইস্রায়েল, মুই কেধোক্ক্যেন গুরি তরে অন্য আঢত্ তুলি দিম? কিবাবোত্যেগুরি মুই তরে অদ্‌মার আর সবোয়িম ধোক্ক্যেন ভস্ত গুরিম? তত্তেই মঅ মনান্ পাগল্ অর্; মর্ বেক্ দোয়্যেগান জাগি উঠ্যে।

আমোষ 4:11

মুই তমা গোজেন যেবাবোত্যেগুরি সদোম আর ঘমোরাগানরে ভস্ত গোজ্যং সেবাবোত্যেগুরি তমারে বোউত্ জনরে ভস্ত গুরিলুং। তুমি ওইয়ো আগুনোত্তুন্ তুলি লোইয়্যে জ্বোল্‌‌‌জোল্যে দার্‌‌‌বো ধোক্ক্যেন, তো তুমি মইদু ফিরি ন-এলা।

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 11:24

মুই তমারে ঘেচ্চেক্‌গুরি কঙর্, বিচার দিনোত্ সদোমর অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।”

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

লূকে লেখ্যে গম্ হবর্ 17:29

মাত্তর্ যেদিন্ন্যে লোটে সদোম ছাড়িনে এলঅ সেদিন্ন্যে স্বর্গত্তুন্ আগুন আর গন্ধকর্ ঝড়্ পুরিনে বেক্‌ মানুচ্চুনোরে ভস্ত গুরিলো।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

২ পিতর 2:2

ভালোকজনে তারারে দেগিনে কামানি বেঙেবাক্। তারাত্যে মানুচ্চুনে সত্য পধ্‌থানরে বদনাঙ্ গুরিবাক্।

২ পিতর 2:6

সদোম আর ঘমোরা শঅরান্ আগুন্দোই ভস্ত গুরিনে গোজেনে সেই শঅর মানুচ্চুনোরে সাজা দিয়্যে আর এবাবোত্যেগুরি তে দেগেয়্যে, যিগুনে গোজেনরে ভোক্তি ন-গরন সিগুনোর্ অবস্থা কি অবঅ;

২ পিতর 3:7

আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।