যিহূদা 1:1 - Chakma Bible

¹ মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

যিহূদা 1:1 ပူးပေါင်းရင်းမြစ်များ

মথি লেখ্যে গম্ হবর্ 10:3

থোমা আর খাজানা তুলিয়্যে মথি; আল্‌ফেয় পুয়ো যাকোব আহ্ থদ্দেয়;

মথি লেখ্যে গম্ হবর্ 13:55

ইবে কি সেই গাজ কালিগরর্ পুয়োবো নয়? তা মাবো নাঙান্ কি মরিয়ম নয়? আর তা ভেইয়ুন কি যাকোব, যোষেফ, শিমোন আর যিহূদা নয়?

মার্ক 3:18

আন্দ্রিয়, ফিলিপ, বর্‌থলময়, মথি, থোমা, আলফেয়র পুয়ো যাকোব, থদ্দেয়, একবুচ্চ্যে শিমোন,

মার্ক 6:3

ইবে কি সেই গাজ মিস্ত্রি নয়? ইবে কি মরিয়ম পুয়োবো নয়? যাকোব, যোষেফ, যিহূদা আর শিমোনর ভেই নয়? তা বোনুন্ কি আমা ইধু নেই?” এবাবোত্যেগুরি যীশুরে নিইনে মানুচ্চুনো মনত্ সন্দেহ এজা ধুরিলো।

লূকে লেখ্যে গম্ হবর্ 6:16

যাকোবর্ পুয়ো যিহূদা আর যিহূদা ইস্করিয়োৎ, যে বিশ্বেজ্ ভাঙ্যে।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 14:22

সেক্কে যিহূদা (ইষ্কারিয়োৎ নয়) তারে কলঅ, “প্রভু, কিত্ত্যে তুই বানা আমা ইধু নিজোরে ফগদাং গুরিবে, জগদ মানুচ্চুনো ইধু ন-গুরিবে?”

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 17:15

মুই তরে কোজোলি ন-গরঙর্ তুই তারারে এ জগদত্তুন্ নেযাগোই, বরং কোজোলি গরঙত্তে, শদান আঢত্তুন্ তারারে রোক্ষ্যে গর্।

যোহন 17:17

সত্যলোই তর্ নাঙে তুই তারারে যুদো গুরি থঅ। তর্ কধাগানি সেই সত্য।

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

যোহন 6:39

যে মরে দিপাধেয়্যে তা আওজ্‌চান্ ইয়েন, যিগুনোরে তে মরে দিয়্যে তারাত্তুন্ একজনরেয়ো যেন মুই ন-আঝাং বরং শেজ্ দিনোত্ জেদা গুরি তুলোং।

প্রেরিত্‌ 1:13

শঅরত্ লুমিনে তারা উগুরে তলাত্ যে ঘরানত্ সেক্কে থেদাক্ সিয়েনত্ গেলাক্। এ শিচ্চ্যগুনো নাঙানি এলঅ-পিতর, যোহন, যাকোব আর আন্দ্রিয়, ফিলিপ আর থোমা, বর্‌‌থলময় আর মথি, আলফেয়র পুয়ো যাকোব আর একবুচ্চ্যে মানুচ্ শিমোন আর যাকোবর পুয়ো যিহূদা।

প্রেরিত্‌ 20:32

গোজেন ইধু আর তার্ কধানি আঢত্ ইক্কিনে মুই তমারে তুলি দোঙর্। গোজেনর্ কধানি তার্ দোয়্যের্ পৌইদ্যেনে কয়, আর তমারে দাঙর্ গুরিবার্ খেমতা সেই কধানির্ আঘে। ইয়েনি বাদে গোজেনে তার্ নিজো মানুচ্চুনোত্তে যিয়েনি থোইয়্যে সেই কধানিয়ে তমারে সিয়েনিয়ো দি পারিবো।

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 1:6

সেই মানুচ্চুনো ভিদিরে তুমিয়ো আঘ। যীশু খ্রীষ্টর্ মানুচ্‌ অবাত্যে গোজেনে তমারে ডাক্ক্যে।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

রোমীয় 8:30

যিগুনোরে তে আগেত্তুন্ ধুরি ঠিগ্ গুরি রাগেয়্যে তারারে তে ডাগিলো; যিগুনোরে ডাগিলো তারারে তে নিদ্দুজি বিলি মানিয়ো ললঅ; যিগুনোরে নিদ্দুজি বিলি মানি ললঅ তারারে তে নিজোর্ মহিমায়ো দান গুরিলো।

রোমীয় 9:24

আমি অলঙে সেই দোয়্যের্ মানুচ্চুন্। তে আমারে বানা যিহূদীগুনোত্তুন্ ন-ডাগে, অযিহূদীগুনো ভিদিরেত্তুন্-অ ডাক্ক্যে।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

ইফিষীয় 5:26

খ্রীষ্টর্ উদ্দেচ্চ্য অলঅ যেন তে মন্ডলীরে পবিত্র গুরিবাত্যে তার্ কধার মাধ্যমে পানিত্ ধোইনে মহিমালোই ভরা অবস্থায় নিজো মুজুঙোত্ আঝির্ গুরি পারে। সেলক্কে মন্ডলী ভিদিরে কনঅ কলংকর দাগ্, থুদো বা সেবাবোত্যে কনঅ কিজু ন-থেবঅ, বরং সিয়েন পবিত্র আর থুদোনেইয়্যে অবঅ।

১ থিষলনীকীয় 5:23

শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

যিহূদা 1:21

আমার প্রভু যীশু খ্রীষ্টর্ দোয়্যেগানে যেনে তমারে উমর্‌অ জিংকানিত্ নেযায় সিয়েনরে বাজ্জ্যেইনে তুমি গোজেনর্ কোচ্‌পানাত্ থাগঅ।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।