যিহোশূয় 9:25 - Chakma Bible

²⁵ আমি ইক্কিনে তঅ আঢত্‌ আগিই; তর্‌ যিয়েন গম্‌ আর উজিত বিলিনে মনে গরচ্‌ আমা উগুরে তুই সিয়েনই গর্‌।”

যিহোশূয় 9:25 ပူးပေါင်းရင်းမြစ်များ

পত্থম 16:6

জোবত্‌ অব্রামে সারীরে কলঅ, “চাহ্‌, তঅ চাগরানীবো দঅ তঅ আদত্ আঘে। তর্‌ যিয়েন্‌ গম্‌ বিলিনে মনে অয়্‌ তা উগুরে তুই সিয়েন্‌ গর্‌।” সেক্কে সারী হাগার উগুরে এন্‌ চিৎ-নপুজ্যে বেবহার গরা ধুরিলো, হাগারে তা কায়-কুরেত্তুন্‌ ধেই গেলঅ।

২ শমূয়েল 15:26

মাত্তর্‌ যুনি তে কয়, ‘মুই তঅ উগুরে হুজি নয়,’ সালে তে যিয়েন গম্‌ মনে গরে সিয়েনই মঅ উগুরে গোরোক্‌।”

২ শমূয়েল 24:14

সেক্কে দায়ূদে গাদরে কলঅ, “মুই অমকদ দজাত্ পোজ্যং। মুই যেনে মান্‌জ্যর্ আঢত্‌ ন-পড়ং; তাত্তুন্‌ বরং এজঅ, আমি লগেপ্রভুর আঢত্‌ পুড়িই, কিত্যে তার দোয়্যে থুম্ ন-ওইয়্যে।”

২ রাজাবলী 10:5

সেনত্তে রাজঘরর্‌ কাবিদ্যঙো, শঅরর্‌ শাজন্‌গুরিয়্যেবো, বুড়ো নেতাগুনে আর আহাবর বংশধরুনোর রোক্ষ্যেগুরিয়্যেবো যেহূরে এ কধাগান কোই পাদেল, “আমি তঅ চাগর্‌। তুই যিয়েন্‌ কবে আমি সিয়েনই গুরিবোং। আমি কাররে রাজা ন-বানেবং; তুই যিয়েন্‌ গম্‌ বিলি মনে গরচ্‌ সিয়েনই গর্‌।”

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিরমিয় 26:14

চঅ, মুই দঅ তমা আঢত্ আগং; তুমি যিয়েন গম্ আর ন্যায্য মনে গরঅ সিয়েনই মঅ উগুরে গরঅ।

যিরমিয় 38:5

জোবত্ রাজা সিদিকিয় কলঅ, “তে দঅ তমা আঢত্ রোইয়্যে; রাজা তমা বিরুদ্ধে যেই ন-পারে।”

মথি লেখ্যে গম্ হবর্ 11:26

অয় বাবা, তর্ আওজ্ মজিম্ ইয়েনি ওইয়্যে।

যিহোশূয় 9:26

সেনত্তে যিহোশূয় ইস্রায়েলীয়গুনোর আঢত্তুন তারারে বাজেল; তারা তারারে মারে ন-ফেলেলাক্।

বিচের গুরিয়্যেগুন 10:15

মাত্তর্‌ ইস্রায়েলীয়গুনে লগেপ্রভুরে কলাক্‌, “আমি পাপ গোজ্যেই। তর্‌ যিয়েনি গম্‌ মনে গরচ্‌ আমা উগুরে সিয়েনোই গর্‌, মাত্তর্‌ দোয়্যে গুরিনে এবেরা তুই আমারে রোক্ষ্যে গর্‌।”

বিচের গুরিয়্যেগুন 8:15

পরেন্দি গিদিয়োনে সুক্কোতদ্‌ যেইনে সে জাগার মানুচ্চুনোরে কলঅ, এইয়্যে চঅ সেবহ আর সল্‌মুন্নরে। ইগুনোত্তেই তুমি মরে ঠাট্টা গুরিনে কোইয়্যদে, কিত্তেই আমি তমার্‌ বল্‌পোজ্যে সৈন্যগুনোরে রুটি হেবাত্তে দিবোং। সেবহ আর সল্‌মুন্নোর কাবি ফেলেয়্যে আঢ্‌‌থানি কি তমা আদর্‌ মুদোত্‌ এচ্চ্যে।

১ শমূয়েল 3:18

সেক্কে শমূয়েল এলিরে বেক্‌ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্‌ লাগে তে সিয়েনই গোরোক্।”