যিহোশূয় 9:21 - Chakma Bible

²¹ তারা আরঅ‌ কলাক্‌, “তারা বাঁজি থাদোক্‌।” সেনত্তেই গিবিয়োনীয়গুনো পৌইদ্যেনে নেতাগুনোর কধা মজিম তারা ইস্রায়েলীয় সমাজর বেক্‌ মানুচ্চুনোত্তে দার্‌বো কাবিবার আর পানি আনিবার মানুচ্‌ অলাক্‌।

যিহোশূয় 9:21 ပူးပေါင်းရင်းမြစ်များ

যিরমিয় 46:22

শত্রু সৈন্যগুন যেক্কে উজেই এবাক্ সেক্কে মিসরীয়গুনে সাপ ধোক্ক্যেন খস্ খস্ রঅ গুরিনে ধেই যেবাক্; গাজ্‌‌কাবিয়্যেগুনো ধোক্ক্যেন গুরি শত্রুগুনে কুড়োল্লোই মিসর বিরুদ্ধে এবাক্।

দ্বি’লম্বর বিররণ 29:10

তমার গোজেন লগেপ্রভুর মুজুঙোত্‌ এচ্চ্যে তুমি বেক্কুনে এইনে থিয়েইয়্য-থিয়্যেইয়োন্‌ তমার সদ্দারুনে আর নেতাগুনে, তমার বুড়ো নেতাগুনে আর চাগর-বাগরুনে আহ্‌ অন্য বেক্‌ ইস্রায়েলীয়গুনে।

দ্বি’লম্বর বিররণ 29:11

তমা সমারে আগন্‌ তমার ঝি-পূঅগুনে আর মিলেগুনে; আর আগন্‌ তমার তাম্বুলোত্‌ বজত্তি গোজ্যে অন্য জাদর মানুচ্চুনে যিগুনে তমার গাজ্‌ছুন কাবন্ আর পানিগানি তুলোন্‌।

যিহোশূয় 10:1

যিরূশালেমর রাজা অদোনী-ষেদকে শুনিল, যিহোশূয় অয় শঅরান গজক্ গুরি নিইনে সিয়েন এক্কুবারে ভস্ত গুরি দিয়্যে আর তে যিরীহো আহ্‌ সে রাজাবোর দযাাগান্ যেধোক্ক্যেন গোজ্যে অয় আর সে রাজাবোর দযাগান্অ সেধোক্ক্যেন্‌ গুরিলো। তে আরঅ শুনিলোদে, গিবিয়োনীগুনে ইস্রায়েলীয়গুনো লগে আঢ্ মিলেয়োন্‌ আর তারা তারার্‌ সমারে আগন্‌।

যিহোশূয় 9:15

যিহোশূয় তারা সমারে আঢ্ মিলেল আর তারারে মারে ন-ফেলেব বিলিনে এক্কান্‌ চুক্তি গুরিলো, আর ইস্রায়েলীয় সমাজর নেতাগুনেয়ো সে পৌইদ্যেনে শমক্‌ খেলাক্‌।

যিহোশূয় 9:20

তো আমি তারাত্ত্যেই এই কামান্‌ গুরিবোং, আমি তারারে পরাণে ন-মারিবোং যেনে আমি তারা ইদু যে শমক্তান্‌ গোজ্যেই সিয়েন ভাঙিবার কারনে লগেপ্রভুর রাগ্‌কান্‌ আমা উগুরে ন-পড়ে।”

যিহোশূয় 9:23

সেনত্তেই তমা উগুরে এ অভিশাপ্পান্‌ রলঅ‌, আমা গোজেনর্‌ ঘরত্তে তুমি দার্‌বো কাবিবার আর পানি আনিবার কাম্‌ গুরিবা। এ চাগরবোর্‌ কাম্‌ গরানাত্তুন তুমি কনদিনঅ রেহাই ন-পেবা।”

যিহোশূয় 9:27

যিহোশূয় গিবিয়োনীয়গুনোরে সেদিন্যে উগুম দিলো যেন তারা ইস্রায়েলীয়গুনোত্তে আর লগেপ্রভু যে জাগায়ান বেঈ নেযেব সেই জাগানত্‌ লগেপ্রভুর ডালি-পূজোত্তে দার্‌বো কাবিবার আর পানি আনিবার কাম্‌ গরন্‌। এজঅ‌ সং তারা সেই কামানি গত্তন্‌।