যিহোশূয় 9:2 - Chakma Bible

² ইস্রায়েলীয়গুনো পৌইদ্যেনে বেক্‌ কধানি শুনিনে তারা এক মন ওইনে যিহোশূয় আর ইস্রায়েলীয়গুনোর বিরুদ্ধে যুদ্ধো গুরিবাত্তে এগত্তর্ অলাক্‌।

যিহোশূয় 9:2 ပူးပေါင်းရင်းမြစ်များ

গম্ উপদেজ্ 11:21

তুমি হামাক্কায় হবর্ পঅ পাজিগুনে সাজা পেবাক্কে পেবাক্, মাত্তর্ গোজেন ভক্তগুনে কনঅ সাজা ন-পেবাক্।

যিশাইয় 54:15

যুনি কনজনে তরে আক্রমণ গরন্ সালে বুঝো পুড়িবোদে মুই তারে ন-পাদাং। যে তরে আক্রমণ গুরিবো তত্তেই তার পতন অবঅ।

যিশাইয় 8:12

“এ মানুচ্চুনে যিয়েনিরে কুজুরোমি কন্ তুমি সিয়েনির কনগানরে কুজুরোমি ন-কোয়ো। তারা যিয়েন দরান্ তুমি সিয়েন ন-দোরেয়ো; সিয়েন দর্‌গরেপারা বিলিনে মনে ন-গোজ্য।‍

যিহোশূয় 10:5

এ কধাগান শুনিনে সেই পাঁচজন ইমোরীয় রাজা, অত্তাৎ যিরূশালেম, হিব্রোণ, যর্মূত, লাখীশ আর ইগ্লোনর রাজা তারার সৈন্যদলুনোরে এক্কান্‌ জাগাত্‌ এগত্তর্‌ গুরিলাক্‌। সে পরেন্দি তারার সৈন্যদলুন নিইনে তারা উজেই যেইনে গিবিয়োনর কায়-কুরে তাম্বুলান্‌ ফেলেলাক্‌ আর শঅরান আক্রমণ গুরিলাক্‌।

যিহোশূয় 11:1

হাৎসোরর রাজা যাবীন ইয়েনি বেক্কানি শুনিনে মাদোনর রাজা যোবব আর শিম্রোণর আহ্‌ অক্‌ষফর রাজাগুনো ইদু হবর্ পাদেল।

যিহোশূয় 11:5

এ বেক্‌ রাজাগুনে এক্কান্‌ ঠিগ্‌ গোজ্যে জাগানত্‌ এগত্তর্‌ ওইনে ইস্রায়েলীয়গুনো বিরুদ্ধে যুদ্ধো গুরিবাত্তে মেরোম নাঙে এক্কো উইফুদোর্‌ কায়কুরে তাম্বুল ফেলোক্।

যিহোশূয় 24:11

“ ‘সে পরেন্দি তুমি যর্দনান্‌ পার্‌ ওইনে যিরীহোত্‌ এলা। যিরীহো শঅরর্‌ মানুচ্চুনে আর ইমোরীয়, পরিষীয়, কনানীয়, হিত্তীয়, গির্গাশীয়, হিব্বীয় আর যিবূষীয়গুনে তমা বিরুদ্ধে যুদ্ধো গুরিলাক্‌, মাত্তর্‌ মুই তারারে বেক্কুনোরে তমা আঢত্‌ তুলি দিলুং।

ফগদাং পেইয়্যে 16:14

সেই ভান্ন্যেই আত্মাগুনে আমক্ আমক্ কাম গত্তন্। বেগত্তুন্ খেমতাবলা সেই গোজেনর দাঙর্ দিনোত্ যুদ্ধো গুরিবাত্যে তারা সারা জগদর্ রাজাগুনোরে এগত্তর্ গুরিলাক্।