যিহোশূয় 9:18 - Chakma Bible

¹⁸ মাত্তর্ ইস্রায়েলীয়গুনে তারারে আক্রমণ ন-গুরিলাক্‌, কিত্যে তারা সমাজর নেতাগুনে ইস্রায়েলীয়গুনোর গোজেন লগেপ্রভুর নাঙে তারা ইদু শমক্‌ খেইয়োন্‌। সেক্কে নেতাগুনোর বিরুদ্ধে পুরো ইস্রায়েল সমাজ্‌সোই কাঙেলাত্যে ফগদাং গরা ধুরিলো।

যিহোশূয় 9:18 ပူးပေါင်းရင်းမြစ်များ

২ শমূয়েল 21:7

শৌলর নাদিন্নোরে, অত্তাৎ যোনাথনর্ পূঅ মফীবোশতরে রাজা বাঁজেই রাগেল, কিত্যে শৌলর পূঅ যোনাথনর ইদু দায়ূদে লগেপ্রভুরে সাক্ষী রাগেইনে এক্কান্ শমক্‌ গোজ্যে।

গীতসংহিতা 15:4

ঘিনাইদে মানুচ্চুনোরে ছাড়িনে যায় আর লগেপ্রভুর্ ভক্তগুনোরে সর্মান গরে, ক্ষেতি অলেয়ো এগেমান্ রোক্ষ্যে গরে,

উপদেশক 5:2

তঅ মুয়োনে যাদিমাদি গুরিনে কধা ন-হোক্; গোজেন ইদু যাদিমাদি গুরিনে কনঅ কধা ন-কোচ্। গোজেনে স্বর্গত্ আঘে আর তুই আগচ্ পিত্‌থিমীত, সেনত্তে তঅ কধাগান্ যেন কম অয়।

উপদেশক 5:6

তঅ মুয়োনে যেনে তরে পাপ পধেদি ন-নেযায়। “মর্ মানত্ গরানা ভুল্ ওইয়্যে,” এ কধাগান্ উবোসনা ঘরর্ সেবাগুরিয়্যেবোরে ন-কবে। তঅ কধাগানত্তে কিত্তে গোজেনে বেজার্ ওইনে তঅ আঢ কামানি বর্‌বাত্ গুরিবো?

উপদেশক 9:2

বেক্কুনোর্ শেজ্ অবস্থাগান্ এক্কুই-তে গম্ ওক্ বা পাজি ওক্ আর সিজি ওক্ বা অসিজি ওক্, উৎসর্বর পরব্ গোরোক্ বা ন-গোরোক্। গম্ মান্‌জ্যত্তে যেধোক্ক্যেন্, পাপীত্তেও সেধোক্ক্যেন্; যিগুনে শমক্ খান্ তারাত্তে যেধোক্ক্যেন্, যিগুনে সিয়েন গুরিবাত্তে দরান্ তারাত্তেও সেধোক্ক্যেন্।

গণাণা 30:3

কনঅ গাবুজ্যে মিলে তা বাবর্‌ ঘরত্‌ থাগদে যুনি লগেপ্রভু ইদু কিজু মান্যে থায়্‌ বা কনঅ এগেম্ গুরি নিজোরে বাঁনি ফেলায় আর তা বাবে সেই কধাগান শুনিনেয়ো তারে কিচ্ছু ন-কয়, সালে তার্‌ মান্যেগান্‌ বা যিয়েন্‌ এগেম্ গুরি তে নিজোরে বাঁন্যে সিয়েন্‌ তাত্তুন্‌ পূরোণ গরা পুরিবো।

দ্বি’লম্বর বিররণ 23:22

মাত্তর্‌ মানত্‌ ন-গুরিলে পাপ ন-অবঅ।

দ্বি’লম্বর বিররণ 23:23

তমার মুয়োন্দি যে মান্যার্‌ কধানি কবা সিয়েনি তমাত্তুন্‌ ছিরে পুরিবো, কিত্যে তুমি নিজোর্‌ আওজে নিজোর্‌ মুয়োন্দি তমার গোজেন লগেপ্রভু ইদু সেই মান্যাগান্‌ গোজ্য।

দ্বি’লম্বর বিররণ 23:24

অন্য কারর্‌ আংগুর্‌ ক্ষেদত্‌ যেইনে তুমি আওজ মজিম আংগুর্‌ হেই পারিবা, মাত্তর্‌ সিগুন্‌ লোই যেবাত্তে কনঅ কিজুত্‌ তুলি রাগেই ন-পারিবো।

যিহোশূয় 9:17

সেক্কে ইস্রায়েলীয়গুনে তারার্‌ চাগালান্দি যাহ্ ধুরিলাক্‌ আর তিন দিনোত্‌ সিদু যেইনে লুমিলাক্‌। তারার্‌ চাগালাত্‌‌ এলাক্কে গিবিয়োন, কফীরা, বেরোৎ আর কিরিয়ৎ-যিয়ারীম শঅরান্‌।

যিহোশূয় 9:19

সেক্কে বেক্‌ নেতাগুনে তারারে কলাক্‌, “আমি ইস্রায়েলীয়গুনোর গোজেন লগেপ্রভুর নাঙে তারা ইদু শমক্‌ গোজ্যেই সেনত্তেই ইক্কিনে আমি তারার কিয়্যেত্‌ আঢ্ তুলি ন-পারিই।