যিহোশূয় 8:6 - Chakma Bible

⁶ তারা আমা পিজেন্দি লোড়েবাক্‌, কবাক্‌, ‘তারা আগঅ‌ ধোক্ক্যেন্‌ আমা কায়-কুরেত্তুন ধেই যাদন্‌।’ এধোক্ক্যেনগুরি আমি শঅ‌রত্তুন তারারে দূরোত্‌ নেযেম্‌। আমি যেক্কে তারা কায়-কুরেত্তুন ধেই যেবং,

যিহোশূয় 8:6 ပူးပေါင်းရင်းမြစ်များ

যাত্রা 14:3

ইয়েন্‌ দেগিনেই ফরৌণে মনে গুরিবো ইস্রায়েলীয়গুনে কি গুরিবাক্‌ সিয়েন্‌ ঠিগ গুরি ন-পারিনেই দেজ ভিদিরে ঘুরোঘুরি গর্‌তে গর্‌তে ধূল্যেচর চাগালাত্‌‌ আক্‌সোই যেইয়োন্।

যাত্রা 15:9

শত্রুবো কলঅ‌, মুই তারারে লোড়েম্‌, ধুরি ফেলেম আর তারার্ পযাপিরানি ভাগ গুরি নেযেম্‌; মুই নিজোরে ফেলেং ফেলেং গুরিম সেই বেক্‌ পযাপিরানিলোই। মুই লাম্বা ছুড়িলোই তারারে লোড়েম।

উপদেশক 8:11

অন্যেয় কামর্ সাজা যুনি যাদিমাদি দিয়্যে ন-অয় সালে মানুচ্চুনোর্ মনানি অন্যেয় গুরিবাত্তে পুরোপুরি যুক্কোল্ অয়।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

যিহোশূয় 8:5

মুই মঅ লগে মানুচ্চুন লোইনে শঅরন্দি উজেই যেম্‌। তারা যেক্কে আগঅ‌ ধোক্ক্যেন্‌ আমা লগে যুদ্ধো গুরিবাত্তে নিগিলি এবাক্‌ সেক্কে আমি তারা মুজুঙেত্তুন ধেই যেবং।

যিহোশূয় 8:7

সেক্কে তুমি সে গুমুরো জাগানত্তুন্ উদি যেইনে শঅ‌রান গজক্ গুরি নেযেবা। তমা গোজেন লগেপ্রভু সিয়েন তমা আদত্‌ তুলি দিবো।

বিচের গুরিয়্যেগুন 20:32

সেক্কে বিন্যামীনীয়গুনে কুয়ো ধুরিলাক্‌, “আমি তারারে আগঅ ধোক্ক্যেন্‌ অদেই দির্‌,” আর ইস্রায়েলীয়গুনে কলাক্‌, “শুনো, আমি পিজেন্দি উদি যেইনে শঅরর্‌ কায়-কুরেত্তুন তারারে সোরেনেই পথ্‌তান উগুরে নেযেই।”