যিহোশূয় 8:30 - Chakma Bible

^30-31 ইয়েনর্ পরেন্দি ইস্রায়েলীয়গুনো ইদু দিয়্যে লগেপ্রভুর চাগরবো মোশির উগুম মজিম যিহোশূয় এবল মুড়োবো উগুরে ইস্রায়েলীয়গুনোর গোজেন লগেপ্রভুর নাঙে এক্কো পূজো বানেল। মোশির রীদি-সুদোমর্ বোইবোত্‌ যেধোক্ক্যেন লেগা আঘে সে মজিম তে সিয়েন বানেল। পূজোবো বানাদে কনঅ পাত্তর্‌ কাবি নেযা ন-অয় আর সিবে উগুরে কনঅ‌ লুয়োর যন্ত্রপাতিয়ো বেবহার গরা ন-অয়। সে পূজোবো উগুরে ইস্রায়েলীয়গুনে লগেপ্রভুর নাঙে পুজ্যে আর উদোলোলি-উৎসর্বর অনুষ্ঠান গুরিলাক্‌।

যিহোশূয় 8:30 ပူးပေါင်းရင်းမြစ်များ

পত্থম 8:20

সে পরেদি নোহ লগেপ্রভুর্ নাঙে এক্কো ডালিপূজো বানেল আর পত্তি জাদর গম্‌ য়েমান্‌ আর পেগত্তুন্ কয়েক্কো নেযেনে সে ডালিপূজোবো উগুরে পুজ্যে-উৎসর্বর অনুষ্ঠান গুরিলো।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

দ্বি’লম্বর বিররণ 27:2

তুমি যর্দন গাঙান্‌ পার্‌ ওইনে তমার গোজেন লগেপ্রভুর দিয়্যে দেজত্‌ যেইনে কুদুক্কুন দাঙর্‌ দাঙর্‌ পাত্তর্‌ উজু গুরি নেযেবা আর সিগুন্‌ সিবিদি দিইনে লিবি দিবা,