যিহোশূয় 8:3 - Chakma Bible

^3-4 সেক্কে অয় শঅ‌রান্‌ আক্রমণ গুরিবাত্তে যিহোশূয় ত্রিশ আজার বীর যোদ্ধা বেঈ নেযেইনে নিগিলি এলঅ‌। তে রেদোত্‌ তারারে এ উগুমান দিলো, “তুমি শুনো, তমা ভিদিরেত্তুন কিজু সৈন্য তুমি শঅরর্‌ পিজেন্দি লুগেই রাগেবা। শঅ‌রত্তুন বেশ্‌ দূরোত্‌ ন-যেবা। তুমি বেক্কুনে যুক্কোল্‌ থেবা।

যিহোশূয় 8:3 ပူးပေါင်းရင်းမြစ်များ

যাত্রা 17:9

সেক্কে মোশি যিহোশূয়োরে কলঅ‌, “তুই আমা ভিদিরেত্তুন্‌ মানুচ্‌ বেঈ লোইনে অমালেকীয়গুনো বিরুদ্ধে যুদ্ধো গুরিবাত্তে যাহ্‌। মুই কেল্যে গোজেনর সেই লুদিক্কো মঅ আদত্‌ লোইনে মুড়োবো মাদা উগুরে যেইনে ঠিয়েম্‌।”

মথি লেখ্যে গম্ হবর্ 24:39

যেদক্ বিলোন্ সং বান পানিগান্ এইনে তারারে বেক্কুনোরে ভাজেই ন-নেযেল সেদক্ বিলোন্ সং তারা কিচ্চু বুঝি ন-পারিলাক্। মান্‌জ্য পুয়োবোর্ এজানাগান ঠিগ্ সেবাবোত্যে অবঅ।

মথি লেখ্যে গম্ হবর্ 24:50

মাত্তর্ যেদিন্নো আর যে অক্তবোর্ কধা সেই চাগর্‌বো আজায়ো ন-গরে, নয়ো জানিবো, সেদিন্যে আর সে সময়োত্ তা গিরোজ্‌সো এইনে আজির্ অবঅ।

মথি লেখ্যে গম্ হবর্ 25:6

পরে রেত্ সম্বাগত্ দাঙর্ রঅ শুনো গেলঅ, উইয়ো চঅ, জামেইবো এজের্! জামেইবোরে আগ্- বাড়েই আনিবাত্তে নিগিলো।

যিহোশূয় 10:7

এ হবরান পেইনে যিহোশূয় তার পুরো সৈন্যদলুন নিইনে গিল্‌গলত্তুন উজেই গেলঅ‌। তা ভিদিরে এলাক্কে ইস্রায়েলীয়গুনোর বেক্‌ বীর যোদ্ধাগুন্‌।

যিহোশূয় 8:2

যিরীহো শঅ‌রান্ আর তা রাজাবো উগুরে তুই যিয়েনি গোজ্যচ্‌ অয় শঅর আর সেই রাজাবো উগুয়ো সিয়েনই গুরিবে। মাত্তর্ সিদুগোর্ লুদেয়্যে পযাবিরেনি আর এ্যমান পালুন্‌ তুমি নিজোত্তে নেযেই পারিবা। শঅরর্‌ পিজেন্দি তুই একদল সৈন্য লুগেই রাগেবে।”

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

বিচের গুরিয়্যেগুন 9:32

সেনত্তেই তুই আর তর মানুচ্চুনে রেদোত্‌ এইনে মাদত্‌ হাপ্‌ দি থাগগোই।