যিহোশূয় 6:21 - Chakma Bible

²¹ তারা আত্যের্‌লোই মিলে-মরদ, পূঅ-বুড়ো, গোরু, ভেড়া ছাগল, গাধা সুদ্ধো বেক্‌ পরাণবলাগুনোরে শেজ্‌ গুরি দিলাক্‌।

যিহোশূয় 6:21 ပူးပေါင်းရင်းမြစ်များ

১ রাজাবলী 20:42

সে ভাববাদীবো রাজারে কলঅ, “লগেপ্রভু এ কধাগান কত্তে, ‘মুই যিবেরে ভস্ত অনার্‌ অভিশাব অধীন গোজ্যং তুই তারে ছাড়ি দুয়োচ্‌। সেনত্তে তা পরাণান বদলে তঅ পরাণান্‌ আর তা মানুচ্চুনোর্‌ বদলে তঅ মানুচ্চুনোর্‌ পরাণান্‌ যেবঅ।’”

যিরমিয় 48:18

লগেপ্রভু কোইয়্যেদে, ও দীবোনর আদাম্মেগুন, তমা বাঈনী গরেদে জাগানত্তুন্ লামি এইনে শুগুনো মাদি উগুরে বজ, কিত্তে মোয়াবর্ ভস্তগুরিয়্যেবো তমা বিরুদ্ধে এইনে তমা ঘরানি ভস্ত গুরি দিবো।

দ্বি’লম্বর বিররণ 13:16

সিদুগোর্ বেক্‌ লুদেয়্যে পযাপিরানি তুমি শঅরর-সংমোধ্যে নেযেইনে বেক্‌ পযাপিরানি আর সেই আদাম বা শঅরানি তুমি তমার লগেপ্রভুর নাঙে পুজ্যে-উৎসর্ব ধোক্ক্যেন গুরি বেক্কানি পুড়ি দিবা। সে জাগায়ান উমরত্তে যেনে এক্কান ভস্তর কুড়্ ওইনে পড়ি থায়; আর কনদিনঅ যেনে সিয়েনি বানানা ন-অয়।

দ্বি’লম্বর বিররণ 2:34

সে অক্তত্‌ আমি তার্‌ বেক্‌ আদামান আর শঅরান্‌ গজক্ গুরি নেযেলং আর তারার্‌ মরদ, মিলে আর ঝি-পূঅগুনোরে এক্কুবারে শেজ্ গুরি ফেলেলং; তারার্‌ কনজনরে আমি বাঁজেই ন রাগেলং।

দ্বি’লম্বর বিররণ 7:16

তমার গোজেন লগেপ্রভু তমা আদঅ মুদোত্‌ যিদুক্কুন্‌ জাদরে আনি দিবো বেক্কুনোরে তমাত্তুন্‌ ভস্ত গুরি ফেলা পুরিবো। তারারে তুমি মেইয়্যে ন-দেগেবা আর তারার্‌ দেবেদাগুনোরেয়ো পূজো ন-গুরিবা, কিত্যে সিয়েনি তমা পক্ষে ইদি ওইনে থেবঅ।

যিহোশূয় 10:28

যিহোশূয় সেদিন্যে মক্কেদাগান্ অধিকার গুরি নিলো। তে সে শঅরর্‌ রাজা আর বেক্‌ মানুচ্চুনোরে মারে ফেলেল আর সিদুগোর্ বেক্‌ জেদা পরাণবলাগুনোরে শেজ্‌ গুরি দিলো, কাররে বাজে ন-রাগেল। তে যিরীহো রাজার যে অবস্থা গোজ্যে মক্কেদার রাজার অবস্থায়ো সেধোক্ক্যেন্‌ গুরিলো।

যিহোশূয় 10:39

তারা সে শঅ‌রান, তার্‌ রাজাবো আর আদামানি গজক্ গুরি নেযেইনে সে জাগার বেক্কুনোরে মারে ফেলেল। তারা সে জাগার বেক্‌ জেদা পরাণবলাগুনোরে এক্কুবারে শেজ্‌ গুরি দিলাক্। যিহোশূয় কাররে বাঁজেই ন-রাগেল; তে লিব্‌না আর সে রাজাবো আহ্‌ হিব্রোণর অবস্থা যেধোক্ক্যেন্‌ গোজ্যে দবীর আর তার রাজাবোর অবস্থায়ো সেধোক্ক্যেন্‌ গুরিলো।

যিহোশূয় 11:11

ইস্রায়েলীয়গুনে হাৎসোরর বেক্কুনোরে এক্কুবারে ভস্ত গুরি দিলো, এক্কো জেদা প্রাণীরেয়ো বাঁজেই ন-রাগেল। ইয়েনর্ পরেন্দি যিহোশূয় শঅ‌রান পুড়ি দিলো।

যিহোশূয় 11:14

এ শঅরানিত্তুন যেদক্কানি পযাপিরা আর এ্যমানপাল লুদো ওইয়্যে সিয়েনি ইস্রায়েলীয়গুনে নিজোত্তে নেযেলাক্‌; মাত্তর্‌ বেক্‌ মানুচ্চুনোরে তারা এক্কুবারে শেজ্‌ গুরি দিলাক্‌, এক্কো জেদা প্রাণীরেয়ো তারা বাঁজেই ন-রাগেলাক্।

যিহোশূয় 8:2

যিরীহো শঅ‌রান্ আর তা রাজাবো উগুরে তুই যিয়েনি গোজ্যচ্‌ অয় শঅর আর সেই রাজাবো উগুয়ো সিয়েনই গুরিবে। মাত্তর্ সিদুগোর্ লুদেয়্যে পযাবিরেনি আর এ্যমান পালুন্‌ তুমি নিজোত্তে নেযেই পারিবা। শঅরর্‌ পিজেন্দি তুই একদল সৈন্য লুগেই রাগেবে।”

যিহোশূয় 8:22

লুগি থেইয়্যে সৈন্যগুনেয়ো অয়র মানুচ্চুনোরে আক্রমণ গুরিবাত্তে শঅ‌রত্তুন নিগিলি এলাক্‌। সেক্কে অয়র মানুচ্চুনে দ্বিবে ইস্রায়েলীয় দলর সংমোধ্যে ঘিরে পড়িলাক্‌। ইস্রায়েলীয়গুনে তারারে বেক্কুনোরে মারে ফেলেলাক্‌, কাররে বাজেই ন-রাগেলাক্‌ বা যেবাত্তেয়ো ন-দিলাক্‌।

যিহোশূয় 9:3

যিরীহো আর অয়র অবস্থা যিহোশূয় যেধোক্ক্যেন্‌ গোজ্যে সিয়েনি যেক্কে গিবিয়োন শঅরর্‌ আদাম্মে হিব্বীয়গুনে শুনিলাক্‌ সেক্কে তারা এক্কান চালাগি গুরিলাক্‌। তারার্‌ পক্ষেত্তুন একদল মানুচ্‌ যিহোশূয় ইদু যাহ্ ধুরিলাক্‌। তারা গাধাগুনো উগুরে পুরোণ বস্তাগুন্‌ আর ফাদা আর তালি দিয়্যে আংগুর-রস রাগেবাত্তে পুরোণ চামর্‌ থৈল্যেগুন্‌ রাগেলাক্‌।

ফগদাং পেইয়্যে 18:21

যেরেদি এক্কো বোলী স্বর্গদূতে দাঙর্ এক্কো পাত্তর্ লোইনে সাগরত্ ফেলেই দিইনে কলঅ, “এবাবোত্যেগুরি সেই নাঙ্-গোজ্জ্যে বাবিল শঅরানরে ফেলেই দিয়্যে অবঅ। তারে আর কনদিনঅ পাহ্ ন-যেবঅ।

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”

১ শমূয়েল 15:8

তে অমালেকীয়গুনোর রাজা অগাগরে জেদাবাদে ধুরিলো আর অন্য বেক্কুনোরে মারে ফেলেল।