যিহোশূয় 6:2 - Chakma Bible

² লগেপ্রভু সেক্কে যিহোশূয়রে কলঅ‌, “চাহ্‌, মুই যিরীহো শঅ‌রান্‌, সিয়েনর্‌ রাজারে আর তার বেক্‌ বীর যোদ্ধাগুনোরে তঅ‌ আঢত্‌ তুলি দুয়োং।

যিহোশূয় 6:2 ပူးပေါင်းရင်းမြစ်များ

২ শমূয়েল 5:19

দায়ূদে সেক্কে লগেপ্রভুরে পুযোর্‌ গুরিলো, “মুই কি পলেষ্টীয়গুনোরে আক্রমণ গুরিম? তুই কি তারারে মঅ আঢত্‌ তুলি দিবে?” লগেপ্রভু কলঅ, “অয়, যাহ্। মুই হামাক্কায় তঅ্‌ আঢত্‌ পলেষ্টীয়গুনোরে তুলি দিম্।”

নহিমিয় 9:24

তারার্‌ পূঅ-ছাগুনে সে দেজত্‌ যেইনে সিয়েন্‌ গজক্‌ গুরি নেযেয়োন। সে দেজত্‌ বজত্তিগুরিয়্যে কনানীয়গুনোরে তুই তারার্‌ মুজুঙোত্‌ চিগোন্‌ গোজ্যস্‌। কনানীয়গুনোরে, তারার্‌ রাজাগুনোরে আর দেজর্‌ অন্য জাদ্‌তুনোরে তুই তারার্‌ আঢত্‌ তুলি দুয়োজ্‌ যেনে তারা তারার্‌ উগুরে যিয়েনি হুজি সিয়েনি গুরি পারন্‌।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

দ্বি’লম্বর বিররণ 7:24

তারার্‌ রাজাগুনোরে তে তমা আঢত্‌ তুলি দিবো আর তুমি তারার্‌ নাঙানি পিত্‌থিমীত্তুন্‌ পুজি ফেলেবা। কনজনে তমারে মানা গুরিনে রাগেই ন-পারিবাক্‌; তুমি তারারে ভস্ত গুরি ফেলেবা।

যিহোশূয় 12:9

এই জাগায়ানির যে রাজাগুনোরে ওদেই দিয়্যে ওইয়্যে তারা অলাক্‌: যিরীহোর রাজা, বৈথেলর কায়কুরে অয়র রাজা,

যিহোশূয় 2:24

তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

যিহোশূয় 20:1

ইয়েনর্ পরেন্দি লগেপ্রভু যিহোশূয়রে কলঅ‌,

যিহোশূয় 6:1

সে সময়োত্‌ ইস্রায়েলীয়গুনোত্তে যিরীহো শঅরর্‌ গেট্টুন্‌ দর-মর গুরি বানি দিয়্যে ওইয়্যে। সিয়েনত্তুন কনজনে নিগিলিয়ো ন-এদাক্‌ আরঅ কনজনে ভিদিরেয়ো ন-চোমেদাক্‌।

যিহোশূয় 6:3

তুমি বেক্‌ সৈন্যগুনে মিলিনে শঅরর্‌ বারেন্দি চেরোকিত্তে একপল্লা ঘুরি এজঅ; ছঅ‌ দিন সং সিয়েনই গুরিবা।

যিহোশূয় 8:1

সে পরেন্দি লগেপ্রভু যিহোশূয়রে কলঅ‌, “তুই ন-দোরেচ্‌ আর আজা ন-আরেচ্‌। তর্‌ বেক্‌ সৈন্যদলুন্‌ নিইনে তুই অয় শঅ‌রান আরঅ‌ আক্রমণ গুরিবাত্তে যাহ্‌। অয় শঅরর্‌ রাজা, তা মানুচ্চুন্‌, তা শঅ‌রান্‌ আর দেজচান মুই তঅ‌ আদত্‌ তুলি দুয়োং।

বিচের গুরিয়্যেগুন 11:21

সেক্কে ইস্রায়েলীয়গুনোর গোজেন লগেপ্রভু ইস্রায়েলীয়গুনোর আঢত্‌ সীহোন আর তার বেক মানুচ্চুনোরে তুলি দিলো আর সেক্কে তারা তারারে ওদেই দিলাক্‌। সে দেজত্‌ বজত্তি গুরিয়্যে বেক্‌ ইমোরীয়গুনোর জাগায়ানি ইস্রায়েলীয়গুনে গজক্‌ গুরি নেযেলাক্‌।

বিচের গুরিয়্যেগুন 11:24

তর্‌ কমোশ-দেবেদাবো তরে যিয়েন গজক্‌ গুরিবাত্তে দিয়্যে সিয়েন কি তঅ আন্দারে নেই? ঠিগ্ সেধোক্কেন্‌গুরি আমার্‌ গোজেন লগেপ্রভু আমা মুজুঙেত্তুন্‌ যিগুনোরে ধাবেই দিয়্যে আমি তারার জাগায়ানি গজক্‌ গুরি আগিই।