যিহোশূয় 6:10 - Chakma Bible

¹⁰ যিহোশূয় আগেন্দি মানুচ্চুনোরে এ উগুমান দিয়্যে, “তুমি কিজেক্‌ ন-কারিবা বা দাঙর্‌ দাঙর্‌ গুরি কধা ন-কবা বা মুয়ন্দি কনঅ‌ রঅ‌ ন-নিগিলেবা। যেদিন্যে মুই তমারে কিজেক্‌ কারিবাত্তে কোম্‌ বানা সেদিন্যে তুমি কিজেক্‌ কারিবা।”

যিহোশূয় 6:10 ပူးပေါင်းရင်းမြစ်များ

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

যিশাইয় 42:2

তে রঅ ন-ছাড়িবো বা দাঙর্ দাঙর্ গুরি কধা ন-কবঅ; তে পধে পধে তা মুয়ো রবো ন-শুনেব।

মথি লেখ্যে গম্ হবর্ 12:19

তে কোজ্যে বা রঅ ন-ছাড়িবো; তে পধে পধে তা মুয়োর্ রবুয়ো ন-শুনেব।

লূকে লেখ্যে গম্ হবর্ 24:49

চঅ, মঅ বাপ্পো যিয়েনি দিবার্ এগেম্ গোজ্যে সিয়েনি মুই তমা ইধু পাধেই দিম্। স্বর্গত্তুন্ খেমতা ন-পানা সং তুমি এই শঅরত্ থাক্ক্য।”

প্রেরিত্‌ 1:7

যীশু তারারে কলঅ, “যেদিন্নো বা সময়বো বাবা নিজো আন্‌‌‌‌‌যামে রাগেয়্যে সিবে তমারে জানিবাত্তে দিয়্যে ন-অয়।

যিহোশূয় 6:11

ইঙিরিনে যিহোশূয়র উগুমে লগেপ্রভুর সুন্দুক্কো শঅরর্‌ চেরোকিত্তে একপল্লা ঘুরেই আনা অলঅ। পরেন্দি মানুচ্চুনে তারার তাম্বুলত্‌ ফিরি গেলাক্‌ আর রেত্‌তো সিয়োদোই কাদেলাক্‌।

যিহোশূয় 6:9

যে ধর্মগুরুগুনে বাশি বাজাদন্‌ তারার্‌ আগে আগে যাহ্ ধুরিলাক আত্যের্‌ আদত্‌ একদল সৈন্য আর সুন্দুগোর্‌ পিজে পিজে যাহ্ ধুরিলাক পিজেন্দি থেইয়্যে রোক্ষেদলুন্‌। ধর্মগুরুগুনে পুরো পথ্‌তানত্‌ বাঁশি বাজা ধুরিলাক্‌।