যিহোশূয় 5:11 - Chakma Bible

¹¹ তার্‌ কেল্যে দিন্নোদই তারা সে দেজর্‌ ফসলত্তুন্ বানেয়্যে সদা নেইয়্যে রুটি আর ভাজেয়্যে শোজ্য হেলাক্‌।

যিহোশূয় 5:11 ပူးပေါင်းရင်းမြစ်များ

লেবীয় 23:14

গোজেন ইদু এ উৎসর্ববো গুরিবার্‌ দিন্নো সং তমার্‌ এ নূয়ো শোজ্যত্তুন্‌ হেই ন-পারিবা। সিবে বাদেয়ো সিয়োত্তুন্‌ বানেয়ে কনঅ রুটি বা সিবে আগুন্দোই পুড়িনেয়ো হেই ন-পারিবা। তুমি যিয়েনত্‌ থেদা সাৎ বংশর্‌ পর বংশ ধুরি ইবে অবঅ তমাত্তে এক্কো থিদেবর্ গোজ্যে সুদোম।

লেবীয় 23:6

সে মাসদই পন্দর তারিগোত্‌ লগেপ্রভুর নাঙে সদানেইয়্যে রুটির্‌ পরব্‌ আরাম্ভ অবঅ। সাত দিন সং তমাত্তুন সদানেইয়্যে রুটি হা পুরিবো।

যিহোশূয় 5:10

সে মাসর চৌদ্দো দিনোত্‌ সজোন্যা অক্তত্‌ যিরীহোর সং জাগানত্‌ গিল্‌গলত্‌ তাম্বুল্‌ ফেলেইনে থেবার অক্তত্‌ ইস্রায়েলীয়গুনে উদ্ধোর-পরব্‌ পালেলাক্‌।

যিহোশূয় 5:12

যেদিন্যে তারা সে দেজর হানা হেলাক্‌ তার্‌কেল্যে দিন্নোত্তুন ধুরি মান্না পড়ানা বন্ধ ওই গেলঅ‌। ইয়েনর্ পরেন্দি ইস্রায়েলীয়গুনে আর মান্না ন-পান্‌। সে বজরত্তুন ধুরি তারা কনান দেজর ফসল হা ধুরিলাক্‌।