যিহোশূয় 4:24 - Chakma Bible

²⁴ তে এ কামান্‌ গোজ্যেদে যেনে পিত্‌থিমীর বেক্‌ জাদ্‌তুনে জানি পারন্‌, লগেপ্রভুর আত্তান্‌ বোলী আর যেনে তুমি আমিজে তমা গোজেন লগেপ্রভুরে ভক্তিবলা দোরেইনে চলঅ‌।”

যিহোশূয় 4:24 ပူးပေါင်းရင်းမြစ်များ

১ রাজাবলী 8:40

তুই সিয়েনি গুরিচ্‌ যেনে আমা পুরোণিমানুচ্চুনোরে তুই যে দেজ্‌ছান দুয়োচ্‌ সিয়েনত্‌ সারা জিংকানিবর্‌ তঅ মানুচ্চুনে তরে ভোক্তিবলা দোরেইনে চলন্‌।

১ রাজাবলী 8:60

ইয়েন্দোই পিত্তিমীর্‌ বেক্‌ জাদ্‌তুনে হবর্‌ পেবাক, লগেপ্রভু গোজেন আর তে বাদে আর্‌ কনজন গোজেন নেই।

২ রাজাবলী 19:19

ইক্কিনে ও আমা গোজেন লগেপ্রভু, আসিরিয়ার রাজা আঢত্তুন্‌ তুই আমারে রোক্ষ্যে গর্‌ যেনে পিতথিমীর্‌ বেক্‌ রেজ্যগানিয়্যে কোই পারে, তুয়ই, ও লগেপ্রভু, বানা তুয়ই গোজেন।”

২ রাজাবলী 5:15

সেক্কে নামানে আর তা লগে যেইয়্যে বেক্‌ মানুচ্চুনে গোজেনর মানুচ্চুনোর্‌ ইদু ফিরি গেলাক্‌। নামানে তা মুজুঙোত্‌ থিয়্যেইনে কলদে, “মুই ইক্কিনে হবর্‌ পেলুং, বানা ইস্রায়েলর গোজেন বাদে গোদা দুনিয়েগানত্‌ আর কনঅ গোজেন নেই। ইক্কিনে তুই তঅ চাগের্‌বোত্তুন্‌ বক্‌শিস্‌ছান গুজি লঅ।”

১ বংশধর 29:12

ধন আর সর্মান এজেদে তত্তুন্‌; তুয়ই বেক্কানি শাজন্ গুরি থাচ্‌। তঅ আদত্‌ রোইয়্যেদে বল্‌ আর খেমতা; মান্‌জ্যরে ভালেদি গুরিবার আর বল্‌ দিবার্‌ অধিকারান্‌ তর্‌।

ইয়োব 40:9

তর্ কি গোজেন ধোক্ক্যেন বল্ আঘে? তর্ রঅবো কি তা গুজুরোনিবো ধোক্ক্যেন?

গীতসংহিতা 106:8

তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

গীতসংহিতা 89:13

তঅ আঢ্‌তান খেমতালোই ভরা; তঅ আঢ্‌তানত্ আগেদে বল্, তর্ ডেন আঢ্‌তান বলেন্দি বোউত্ উগুরে।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

যাত্রা 14:31

লগেপ্রভু মিসরীয়গুনোর বিরুদ্ধে তাঁর্‌ যে দাঙর্‌ খেমতাগান্‌ বেবহার্‌ গুরিলো সিয়েন্‌ দেগিনেই ইস্রায়েলীয়গুনোর মনত্‌ তা উগুরে এক্কান্‌ দর্‌বুগ্ জাগি উদিলো। তারা লগেপ্রভু আর তাঁর্‌ চাগর্‌ মোশি উগুরে পুরো বিশ্বেজ্ রাগেইনে যাহ্ ধুরিলাক্।

যাত্রা 20:20

সেক্কে মোশি মানুচ্চুনোরে কলঅ‌, “তুমি ন-দোরেয়ো। গোজেনে তমারে পোরোক্ষেত্‌ ফেলেয়্যে যেনে তমার মনত্‌ ভক্তির্‌ মনভাব থায়্‌ আর সিয়েনর্‌ কারনে তুমি পাপ ন-গরঅ‌। সেনত্তেই তে এচ্চ্যে।”

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

দ্বি’লম্বর বিররণ 28:10

সেক্কে পিত্‌থিমীর বেক্‌ জাদ্‌তুনে দেগিবাক্কে, লগেপ্রভুর নাঙে তমার পরিচয়, আর সেক্কে তারা তমারে দোরেইনে চলিবাক।

দ্বি’লম্বর বিররণ 6:2

সেক্কে তুমি, তমা ঝি-পূঅগুনে আর তারার্‌ বংশধরুনে তমা গোজেন লগেপ্রভুরে ভোক্তি গুরিনে তার্‌ দিয়্যে এ বেক্‌ সুদোমানি আর উগুমানি সারা জিংকানিবর্‌ পালেবা আর সেনত্তে ভালোক্‌ দিন সং বাঁঝি থেবা।

১ শমূয়েল 17:46

লগেপ্রভু এচ্চ্যে দিনোত্‌ তরে মর্‌ আঢত্‌ তুলি দিবো। মুই তরে আঘাত গুরিম আর তর্‌ মাঢাবো কাবি নেযেম্‌। এচ্চ্যেই মুই পলেষ্টীয় সৈন্যগুনোর মরাকিয়্যেনি আগাজর পেক্কুনোরে আর পিত্‌থিমীর য়েমানুনোরে হেবাত্তে দিম। সিয়েনি দেগিনে পিত্‌থিমীর বেক্কুনে জানি পারিবাক্, ইস্রায়েলীয়গুনোর পক্ষে গোজেন বিলিনে একজন আঘে।