যিহোশূয় 4:19 - Chakma Bible

¹⁹ বজরর্‌ পত্তম মাজর দশ দিনোত্‌ মানুচ্চুনে যর্দনত্তুন উদি এইনে যিরিহোর পুগ দুযিত্‌ গিল্‌গলত্‌ যেইনে তাম্বুল্‌ ফেলেলাক,

যিহোশূয় 4:19 ပူးပေါင်းရင်းမြစ်များ

২ রাজাবলী 2:1

লগেপ্রভু যেক্কেনে এক্কান্‌ থুট্ট্যে বোইয়্যের্‌লোই এলিয়রে স্বর্গত্‌ তুলি নিবাত্তে চেলঅ সেক্কেনে এলিয় আর ইলীশায় গিল্‌গলত্তুন্‌ নিগিলি এলাক্।

আমোষ 4:4

তুমি যেক্কে বৈথেলত্ যেইনে পাপ গুরিবাত্তে চর্ সেক্কে যঅ, পাপ গরঅ; গিল্‌‌‌গলত্ যেইনে আরঅ বেশ্ গুরি গরঅ। পত্তিদিন বেন্যেমাদান্ তমা উৎসর্বর জিনস্‌চানি আর পত্তি তিন দিনোর্ দিন তমা দশ ভাগর্ এক ভাগ জিনিস নেযঅ।‌‌‌‌

আমোষ 5:5

তুমি বৈথেলত্ বা গিল্‌‌গলত্ বা বের্-শেবাত্ ন-যেয়ো, কিত্যে গিল্‌‌গল মানুচ্চুনে হামাক্কায় বন্দী ওইনে অন্য দেজত্ যেবাক্ আর বৈথেলর্ সর্বনাশ অবঅ।”

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

দ্বি’লম্বর বিররণ 1:3

লগেপ্রভু ইস্রায়েলীয়গুনোর পৌইদ্যেনে মোশিরে যেদক্কানি উগুম্‌ দিয়্যে সিয়েনি তে তারার্‌ যানার্‌ চোল্লিশ বজরে এগার মাজর্‌ পত্তম তারিগোত্‌ তারার ইদু ফগদাং গুরিলো।

দ্বি’লম্বর বিররণ 11:30

তুমি দঅ হবর্ পঅ, যর্দন গাঙর্‌ পোজিমেন্দি পথ্‌তানর্‌ পোজিমে গিল্‌গলর কায়-কুরে অরাবার আদাম্মে কনানীয়গুনোর দেজর্‌ ভিদিরেন্দি মোরির এলোন গাচ্ছুনোর্‌ ইদু সে মুড়ো দ্বিবে আগন্‌।

যিহোশূয় 10:43

ইয়েনর পরেন্দি যিহোশূয় বেক্‌ ইস্রায়েলীয়গুনোরে নিইনে গিল্‌গলর তাম্বুলোত্‌ ফিরি গেলঅ‌।

যিহোশূয় 10:6

সেক্কে গিবিয়োনীগুনে গিল্‌গলর তাম্বুলত্‌ যিহোশূয় ইদু এ হবরান পাদেলাক্‌, “তঅ চাগরুনোরে ছাড়ি ন-দিবে। তুমি যাদিমাদি এইনে আমারে রোক্ষ্যে গরগি, আমারে বল্‌ দুয়ো, কিত্যে মুড়োমুড়ি চাগালাত্তুন্‌ ইমোরীয় রাজাগুনে এইনে আমা বিরুদ্ধে তারার সৈন্যদলুন এক সমারে এগত্তর্‌ গোজ্যন।”

যিহোশূয় 15:7

সিয়েনত্তুন্ দুযির চিহ্নোগান আখোর কিঝিঙোত্তুন দবীর সং উদি গেলঅ আর সিয়েন উত্তোরেন্দি কিঝিঙোর্ দোগিণে অদুম্মীমত্‌ উদি যাইদে পদর উল্টোন্দি গিল্‌গল সং গেলঅ। গিল্‌গলত্তুন ঐন্‌-শেমশর স্রোত সং যেইনে সিয়েন ঐন্‌-রোগেলত্‌ নিগিলি এলঅ।

যিহোশূয় 24:11

“ ‘সে পরেন্দি তুমি যর্দনান্‌ পার্‌ ওইনে যিরীহোত্‌ এলা। যিরীহো শঅরর্‌ মানুচ্চুনে আর ইমোরীয়, পরিষীয়, কনানীয়, হিত্তীয়, গির্গাশীয়, হিব্বীয় আর যিবূষীয়গুনে তমা বিরুদ্ধে যুদ্ধো গুরিলাক্‌, মাত্তর্‌ মুই তারারে বেক্কুনোরে তমা আঢত্‌ তুলি দিলুং।

যিহোশূয় 4:18

সেক্কে যে ধর্মগুরুগুনে লগেপ্রভুর সাক্ষ্য-সুন্দুক্কো বুয়োই নেযাদন্‌ তারা গাঙর্‌ সং মোধ্যেত্তুন উদি এইনে শুগুনো মাদিত্‌ টেং দেনার্‌ লগে লগে গাঙর্‌ গঙার পানিগান আরঅ তুবোল্‌ উদিলো আহ্‌ আগঅ‌ ধোক্ক্যেন্‌ দ্বিপার পানিলোই ভাসি গেলঅ।

যিহোশূয় 5:10

সে মাসর চৌদ্দো দিনোত্‌ সজোন্যা অক্তত্‌ যিরীহোর সং জাগানত্‌ গিল্‌গলত্‌ তাম্বুল্‌ ফেলেইনে থেবার অক্তত্‌ ইস্রায়েলীয়গুনে উদ্ধোর-পরব্‌ পালেলাক্‌।

যিহোশূয় 5:9

ইয়েনর্ পরেন্দি লগেপ্রভু যিহোশূয়রে কলঅ‌, “মিসরত্‌ তমার যে অসর্মানান্‌ এলঅ‌ সিয়েন এচ্ছ্যে তমা ইত্তুন্‌ দূর গুরি দিলুং।” সেনত্তেই এজঅ‌ সে জাগায়ানরে গিল্‌গল বিলিনে কন্‌।

যিহোশূয় 9:6

এধোক্ক্যেনগুরি তারা গিল্‌গলত্‌ ইস্রায়েলীয়গুনো তাম্বুলোত্‌ যিহোশূয়র মুজুঙোত্‌ আঝিল্ অলাক্‌। তারা তারে আর ইস্রায়েলীয়গুনোরে কলাক্‌, “আমি বোউত্‌ দূর দেজত্তুন্‌ এচ্ছ্যেই; তুমি আমা লগে আঢ্ মিলো।”

১ শমূয়েল 10:8

“তুই মর্‌ আগেন্দি লামিনে গিল্‌গলত্‌ যাহ্। মুই পুজ্যে-উদোলোলি-উৎসর্বর অনুষ্ঠান গুরিবাত্তে তইদু এচ্ছোং। মুই ন-এজানা সং তুই সাত দিন সং মত্তে বাজ্জেই থেবে। মুই এইনে কোম্‌ তত্তুন্‌ কি গরা পুরিবো।”

১ শমূয়েল 15:33

মাত্তর্‌ শমূয়েলে কলঅ, “তর্‌ লাম্বা কিরিচ্‌ছান্দোই বোউত্‌ মিলে যেবাবোত্যে পূঅ-ছা আরা ওইয়োন, সেবাবোত্যে মিলেগুনো ভিদিরে তর্‌ মাবোয়ো পূঅ-ছা আরা অবঅ।” এই কধাগান কোইনে শমূয়েলে গিল্‌গলত্‌ লগেপ্রভুর মুজুঙোত্‌ অগাগরে কট্টা কট্টা গুরি কাবি ফেলেল।