যিহোশূয় 3:12 - Chakma Bible

¹² ইক্কিনে তুমি ইস্রায়েলীয় বারবো গুট্টির বেক্কুনোত্তুন একজন গুরিনে বারজন মানুচ্‌ বেঈ নেযঅ‌।

যিহোশূয় 3:12 ပူးပေါင်းရင်းမြစ်များ

গণাণা 13:2

“যে কনান দেজ্‌চান্‌ মুই ইস্রায়েলীয়গুনোরে দিবাত্তে যাঙর্‌ সিয়েন পৌইদ্যেনে খোঁজ-খবর লোই আনিবাত্তে তুই পত্তি বারবো গুট্টিত্তুন এক্কো গুরিনে নেতা পাধেই দে।”

যিহোশূয় 3:13

তুমি দেগিবা পুরো পিত্‌থিমীগানর গিরোজ্‌ লগেপ্রভুর সাক্ষ্য-সুন্দুক বোইয়্যে ধর্মগুরুগুনে যেইনে যর্দনর পানিত্‌ টেঙ্‌ দিবাক্‌ এমনে তা উগুরেত্তুন বেঈ যেইয়্যে গঙার্‌ পানি থামেই যেবঅ আর সে পানিগান অজল্‌ ওইনে থিয়্যেই যেবঅ‌।”

যিহোশূয় 4:2

“তুই পত্তি গুট্টিত্তুন একজন গুরি বেক্কুনে বারজন মানুচ্‌ বেঈ নেযা।

যিহোশূয় 4:4

যিহোশূয় ইস্রায়েলীয়গুনোর পত্তি গুট্টিত্তুন একজন গুরি যে বারজনরে নেযেল তারারে ডাগিনে কলঅ, “তুমি যর্দন গাঙত্‌ লামিনে তমা গোজেন লগেপ্রভুর সাক্ষ্য-সুন্দুগো ইদু যঅ‌ আর ইস্রায়েলীয়গুনোর বারবো গুট্টিত্তে পত্তিজনে এক্কো গুরি বেক্কুনে বারবো পাত্তর্ কানাত্‌ তুলি লঅ।

যিহোশূয় 4:9

যর্দন গাঙর্‌ যে জাগানত্‌ সাক্ষ্য-সুন্দুক্কো বুয়োই নেযেয়্যে ধর্মগুরুগুনে থিয়্যেই এলাক্‌ যিহোশূয় সিয়েনত্‌ আরঅ‌ বারবো পাত্তর্‌ রাগেল। পাত্তরুন ইয়ো সং সিয়েনত্‌ আগন্‌।