যিহোশূয় 24:26 - Chakma Bible

²⁶ বেক্কানি তে গোজেনর্‌ রীদি-সুদোমর্ এক্কো বোইয়োত্‌ লিগি রাগেল। তে এক্কো দাঙর্‌ পাথর্‌ লোইনে লগেপ্রভুর পবিত্র জাগান ইদু এলোন গাজর্‌ গড়াত্‌ বোজেল।

যিহোশূয় 24:26 ပူးပေါင်းရင်းမြစ်များ

পত্থম 31:45

সেক্কে যাকোবে এক্কান পাত্তর্‌ লোইনে থুনি ধোক্কেন উজু গুরিলো আর তা কুদুম্মোগুনোরে কলঅ, “তুমি কয়েক্কো পাত্তর্‌ আনিনে থুবোগি।” সেক্কে তারা পাত্তর্‌ আনিনে একজাগাত্‌ এক্কো কুড়্ বানেলাক্‌ আর বেক্কুনে সিবে কায়-কুরে খানা-দানা গুরিলাক্।

পত্থম 35:4

সেক্কে তারা ইধু যিদুক্কুন্‌ দেবেদা মুত্তি এলাক্ সিগুন্‌ তারা যাকোব আঢত্‌ তুলি দিলাক্। সে লগে কান সনাগানিয়ো দিলাক্। যাকোবে সিয়েনি নিইনে শিখিম শঅর ইধু দাঙর্ গাজ তলে মাদিত্ গারে রাগেল।

পত্থম 35:8

এ ভিদিরে রিবিকা ওঝাবো দবোরা মুরি যেইয়্যে। তারে বৈথেল কায়কুরে এক্কো দাঙর্ গাজ তলে গোর্ দিয়্যে অলঅ। সেনত্তে সেই জাগায়ান নাঙান রাগা অলঅ অলোন্‌-বাখুৎ (যিয়েনর্ ভেদ্‌তান্ “কানেদে-গাজ”)।

যাত্রা 24:4

লগেপ্রভু যেদক্কানি কধা কোইয়্যে মোশি সিয়েনি লিগি রাগেল। তার্‌ কেল্যে মোশি বেন্যেপোত্যে উদিনে মুড়োবোর্‌ তলে এক্কো ডালিপূজো বানেল আর ইস্রায়েলীয় বারবো গুট্টির্‌ কধা মনত্‌ গুরিনে বারবো পাত্তরর্‌ খুদো বানেল।

বিচের গুরিয়্যেগুন 9:6

সে পরেন্দি শিখিম আর বৈৎ-মিল্লোর বেক মানুচ্চুনে এগত্তর্‌ ওইনে শিখিমোর থামর ইদু এলোন গাচ্ছো ইদু যেইনে অবীমেলকরে রাজা বানেলাক্‌।

১ শমূয়েল 7:12

শমূয়েলে সেক্কে এক্কো পাত্তর্‌ নেযেইনে মিস্পা আর শেন নাঙে এক্কান জাগার মধ্যে উজু গুরি রাগেল আর কলদে, “এচ্চ্যে সং লগেপ্রভু আমারে এজাল দিয়্যে।”ইয়েন কোইনে তে সিয়েনর নাঙ্‌ দিলো এবন্-এষর (যিয়েনর্ ভেদ্‌তান্ “এজালর পাত্তর্‌”)।