যিহোশূয় 23:1 - Chakma Bible

¹ ইস্রায়েলীয়গুনোর চেরোকিত্তে শত্রুগুনোর আঢত্তুন্‌ লগেপ্রভু তারারে জিরেন্ দেনার্‌ পরেন্দি ভালোক্‌ দিন বিদি গেলঅ‌। এ ভিদিরে যিহোশুয়র বয়স বোউত্‌ ওই যেইয়্যে, তে বুড়ো ওই যেইয়্যে।

যিহোশূয় 23:1 ပူးပေါင်းရင်းမြစ်များ

পত্থম 25:8

এক্কান দোল্‌ আর সুগোর্ জীংকানি কাদেইনে ভালোক্ বজর বাদে তে মুরি যেইনে তা পুরোণি মানুচ্চুনো ইদু গেলগোই।

১ রাজাবলী 1:1

রাজা দায়ূদে বুড়ো ওই গেলঅ আর তার বয়জ্‌ছান বোউত্‌ ওই গেলঅ। তা কিয়্যেত্‌ বালক্কানি কাবড়লোই ঢাগি দিলেয়ো সিয়েন আর উমুম্‌ ন-অদঅ।

১ বংশধর 23:25

দায়ূদে কোইয়্যেদে, “ইস্রায়েলর গোজেন লগেপ্রভু তা মানুচ্চুনোরে সুগ্‌-শান্দি দিয়্যে আর তে জনমত্তে যিরূশালেমত্‌ বজত্তি গুরিবো।

১ বংশধর 27:1

ইগুনে অলাক্‌ ইস্রায়েলীয় বংশর নেতা, আজার্ আর শত উগুরে সৈন্যর্‌ সেনাপতি আর তারা অধীনোত্‌ কাম্‌গুরিয়্যেগুনো নাঙানি। ইগুনে নানান্‌ সৈন্যদল বেক্কানি বিষয়ে রাজারে বল্‌ দিদাক্‌। বারবো দলর্‌ এক্কোত্‌ চোব্বিশ আজার্ সৈন্য এলাক্‌। পুরো বজর্‌বো ধুরিনে এক্কো দলে এক মাস গুরিনে কাম্‌ গুরিদাক্‌।

২ বংশধর 14:1

পরেন্দি অবিয় তার্‌ পূরোণি মানুচ্চুনো ইদু গেলগোই আর তারে দায়ূদ-শঅরত্‌ গোর্ দিয়্যে অলঅ। তা জাগানত্‌ তার্‌ পুয়ো আসা রাজা অলঅ। আসার সময়োত্‌ দশ বজর সং দেজত্‌ সুঘ্-শান্দি এলঅ।

২ বংশধর 14:5

তে যিহূদা দেজর্‌ পত্তি আদাম আর শঅরর্‌ পূজোর্‌ অজল্‌ জাগায়ানি আর আগর্‌বাট্টি-ঢালিঘরানি ভস্ত গুরিলো। তা অধীনোত্‌ রেজ্যত্‌ সুগ-শান্দি এলঅ।

২ বংশধর 20:30

সেক্কে যিহোশাফটর রেজ্যগান সুগে-শান্দিয়্যে রলঅ, কিত্তে তা গোজেনে চেরোকিত্তেত্তুন্‌ তারে সুগ্‌ শান্দি দিয়্যে।

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

যিশাইয় 63:14

লগেপ্রভুর আত্মাগান কলগত্ লামি যেইয়্যে য়েমান পাল ধোক্ক্যেন তারারে জিরেবাত্তে দিয়্যে। তার বাঈনী গুরিবার নাঙান থিদেবর্ গুরিবাত্তে তে এবাবোত্যেগুরি তা মানুচ্চুনোরে পরিচালনা গোজ্যে।”

দ্বি’লম্বর বিররণ 31:2

“মর্‌ বয়স্‌ছান একশঅ কুড়ি বজর ওই যেইয়্যে। মর্‌ কামানি আর মুই গুরি ন-পারঙর্। লগেপ্রভুয়ো মরে কোইয়্যেদে, যর্দন গাঙান পার্ ওনা মর্‌ ন-অবঅ।

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 13:1

বয়স বাড়িনে যিহোশূয় যেক্কে বুড়ো ওই গেলঅ সেক্কে লগেপ্রভু তারে কলঅ‌, “তুই বুড়ো ওইয়োচ্‌, তর্‌ বয়স ওই যেইয়্যে, অদচ দেজর এমন্‌ বোউত্‌ জাগা রোই যেইয়্যে যিয়েনি এজঅ‌ গজক্ গরা ন-অয়্‌।

যিহোশূয় 21:44

তারার্‌ পূরোণিমানুচ্চুনো ইদু লগেপ্রভুর শমক্‌ মজিম্ তে চেরোকিত্তে বেক্‌ যুদ্ধোগানিত্তুন্‌ তারারে জিরেবাত্তে দিলো। কনঅ শত্রু তারার্‌ মুজুঙোত্‌ থিয়্যেই ন-পারে। লগেপ্রভু তারার্‌ বেক্‌ শত্রুগুনোরে তারা আদত্‌ তুলি দিলো।

যিহোশূয় 22:4

তমা গোজেন লগেপ্রভুর এগেম্ মজিম তে যুদ্ধোত্তুন্‌ তমা ভেইয়ুনোরে জিরেবাত্তে দিয়্যে; সেনত্তেই লগেপ্রভুর চাগর্‌ মোশি যর্দনর উইপারত্‌ তমারে যে জাগায়ান্‌ দিয়্যে সে জাগানর ঘরানত্‌ এবেরা তুমি ফিরি যঅ।

১ শমূয়েল 12:2

চঅ, ইক্কিনে তমারে চালেবাত্তে তমার এক্কো রাজা আঘে। মুই দঅ বুড়ো ওই যেইয়োং, মর্‌ চুলানিয়ো পাগি যেইয়্যে, আর মর্‌ পূঅগুনেয়ো তমা সমারে আগন্‌। সেই গাবুজ্যে বয়জত্তুন্‌ ধুরি এচ্চ্যে সং মুই তমারে চালেই এজঙর্‌।