যিহোশূয় 22:6 - Chakma Bible

⁶ ইয়েনর্ পরেন্দি যিহোশূয় তারারে বর্ দিইন বিদেয় দিলো আর তারা ঘরত্‌ ফিরি গেলাক্‌।

যিহোশূয় 22:6 ပူးပေါင်းရင်းမြစ်များ

পত্থম 14:19

তে অব্রামরে বর্ দিইনে কলঅ, “যে দাঙর্‌ আগাজ্‌ছান্‌ আর পিত্‌থিমীগান বানেইয়্যে সে দাঙর্‌ গোজেনে অব্রামরে বর্ দুয়োক্‌।

পত্থম 47:10

ইয়েন পরেদি যাকোবে ফরৌনরে বর্ দিইনে সিয়োত্তুন্‌ বিদেয়্‌ নিলো।

পত্থম 47:7

ইয়েন পরেদি যোষেফে তা বাবপো যাকোবরে আনিনে ফরৌণ মুজুঙোত্‌ আঝিল্ গুরিলো, আর যাকোবে ফরৌণরে বর্ দিলো।

২ শমূয়েল 6:18

পুজ্যে আহ্‌ ‍উদোলোলি-উৎসর্বর অনুষ্টানান্‌ থুম্‌ গুরিনে দায়ূদ বেগত্তুন খেমতাবান্ লগেপ্রভুর নাঙে মানুচ্চুনোরে বর্ দিলো।

২ শমূয়েল 6:19

সে পরেন্দি তে বেক্‌ মানুচ্চুনোরে, অত্তাৎ এচ্ছোন্দে ইস্রায়েলীয়গুনোর বেক্‌ মরদ আর মিলেগুনোরে এক্কানত্‌ ধরে পিদে, এক দমা য়েরা আর এক বাজোন্ কিশমিশ দিলো। সে পরেন্দি বেক্কুনে তারার্‌ নিজোর্‌ নিজোর্‌ ঘরত্‌ ফিরি গেলাক্।

২ শমূয়েল 6:20

ইয়েনর্ পরেন্দি দায়ূদে তা নিজো ঘরর্‌ মানুচ্চুনোরে বর্ দিবাত্তে যেক্কে ফিরি এলঅ সেক্কে শৌল ঝি মিখলে তারে আগ্‌বারেই নেযেবাত্তে নিগিলি এলঅ আর কলদে, “ইস্রায়েল দেজ রাজাবো এচ্চ্যে নিজোরে কেধোক্ক্যেন সর্মানিত গুরিলো! তে বজং মান্‌জ্য ধোক্ক্যেন্‌ সাধারন মানুচ্চুনোর চাগরানীগুনোর্‌ মুজুঙোত্‌ কাবড়-চুগোড়ানি খুলি ফেলেল।”

১ রাজাবলী 8:66

তার্‌ কেল্যে রাজা মানুচ্চুনোরে বিদেয় দিলো। লগেপ্রভু তা চাগর্‌ দায়ূদ আর তা মানুচ্‌ ইস্রায়েলীয়গুনো উগুরে যেদক্কানি ভালেদি গোজ্যে সিয়েনত্তে অমকদ ফুত্তি আর হুজি ওইনে মানুচ্চুনে রাজারে ভালেদি জানেইনে ঘরত্‌ ফিরি গেলাক্।

২ বংশধর 30:18

ইফ্রয়িম, মনঃশি, ইষাখর আর সবূলূন-গুট্টির ভালোক্কুনে নিজোরে সিজি ন-গুরিনে সুদোমর বিরুদ্ধে উদ্ধোর্‌-পরবর্‌ হানা হেইয়োন। মাত্তর্‌ হিষ্কিয় তারাত্তে তবনা গুরিনে কলদে, “যুনিয়ো তবনা-ঘরর্‌ সুদোম্‌ মজিম্‌ তারা সিজি ন-অন্‌ তো যিগুনে তারার্‌ পূরোণি মানুচ্চুনোর্‌ গোজেন লগেপ্রভুর আওজ্ মজিম্‌ আঢিবাত্তে মনান্‌ ঠিগ্‌ গোজ্যন্‌, মংগলময় গোজেনে যেনে তারারে বেক্কুনোরে খেমা গরে।”

যাত্রা 39:43

মোশি তারার্‌ বেক্‌ কামানি দেগিনেই বুঝিলোদে, লগেপ্রভুর উগুম মজিম্‌ বেক্‌ কামানি গরা ওইয়্যে। সেক্কে মোশি ইস্রায়েলীয়গুনোরে আশিদ্‌বাদ গুরিলো।

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

লূকে লেখ্যে গম্ হবর্ 24:50

পরেদি যীশু তা শিচ্চ্যগুনোরে লোইনে বৈথনিয়া সং গেলঅ। সিয়েনত্ তে আঢ্ তুলিনে তারারে বর্ দিলো।

যিহোশূয় 14:13

এ কধাগান শুনিনে যিহোশূয় যিফুন্নির পূঅ‌ কালেবরে আশিদ্‌বাদ গুরিলো আর সোম্বোত্তি ইজেবে হিব্রোণ শঅ‌রান তারে দিলো।

যিহোশূয় 24:28

ইয়েনর্ পরেন্দি যিহোশূয় বেক্কুনোরে তারার্‌ নিজোর নিজোর জাগা-জোমিত্‌ পাধেই দিলো।

১ শমূয়েল 10:25

শমূয়েলে সেক্কে রেজ্য শাজনর্ সুদোমানি মানুচ্চুনো ইদু ফগদাং গুরিলো। তে সিয়েনি এক্কো বোইয়োত্‌ লিগিনে লগেপ্রভুর মুজুঙোত্‌ রাগেল। সে পরেন্দি তে বেক্‌ মানুচ্চুনোরে যার্ যার্ ঘরত্‌ বিদেয় গুরি দিলো।

১ শমূয়েল 2:20

সেক্কে ইল্‌কানা আর তা মোক্কোরে আশিদ্‌বাদ গুরিনে এলি কদঅ, “এই মিলেবো লগেপ্রভুর ইদু যে পূঅবোরে দিয়্যে তার বদলে লগেপ্রভু এই মিলেবোর পেদত্‌ তরে আরঅ ঝি-পূঅ দুয়োক্‌।” ইয়েনর্ পরেন্দি তারা তারার ঘরত্‌ আদি যেদাক্।