যিহোশূয় 22:34 - Chakma Bible

³⁴ রূবেণীয় আর গাদীয়গুনে সে পূজোবোর্‌ নাঙান্‌ দিলাক্‌, “আমার সংমোধ্যে ইবেয়ই অলঅ সাক্ষী, লগেপ্রভুয়ই গোজেন।”

যিহোশূয় 22:34 ပူးပေါင်းရင်းမြစ်များ

পত্থম 31:47

লাবনে সে কুড়্‌‌‌বোর্‌ নাঙান্ রাগেল যিগর্‌-সাহদূথা (যিয়েনর্ ভেদ্‌তান্ “সাক্ষী-কুড়্”), মাত্তর্ যাকোবে তা নিজো কধাদি সিয়েনর নাঙান্ দিলো গল্-এদ (যিয়েনর্ অত্তয়ো “সাক্ষির-কুড়্”)।

পত্থম 31:48

লাবনে কলঅ, “এ কুড়্‌‌‌বো এচ্চ্যে আমা ভিদিরে সাক্ষী ওইনে থেলঅ।” ইয়েনত্তেই এ কুড়্‌‌‌বোর্‌ নাঙান্ দিয়া অল গল্‌-এদ।

১ রাজাবলী 18:39

ইয়েন্‌ দেগিনে মানুচ্চুনে মাদিত্‌ আদু পাড়ি পড়িনে রঅ ছাড়িনে কলাক্‌, “লগেপ্রভুই গোজেন, লগেপ্রভুই গোজেন।”

যিশাইয় 19:19

সেদিন্যে মিসর দেজ ভিদিরে লগেপ্রভুর নাঙে এক্কো পূজো আর তা দুযিত্ এক্কো খুদো থেবঅ।

যিশাইয় 43:10

লগেপ্রভু ইস্রায়েলীয়গুনোরে কোইয়্যেদে, “তুমিই মর্ সাক্ষি আর মর্ বেঈ লোইয়্যে চাগর্, যেন তুমি হবর্ পঅ আর মঅ উগুরে বিশ্বেজ্ গুরি পার আর বুঝি পার যে, মুয়ই তে। মঅ আগেদি কনঅ গোজেন বানা ন-অয় আর মঅ পরেদিয়ো অন্য কনঅ গোজেন ন-থেবঅ।

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

যিহোশূয় 22:27

ইবে তমার আর আমা ভিদিরে আর আমার বংশধরুনো ভিদিরে এ সাক্ষিগান দিবো, আমি লগেপ্রভুর মুজুঙোত্‌ আমার পুজ্যে-উৎসর্ব আর অন্য এ্যমান-উৎসর্ব আর উদোলোলি-উৎসর্বর অনুষ্ঠান গুরিনে তার তবনা গুরিবোং। সালে আগামিদি তমার বংশধরুনে আমার বংশধরুনোরে এ কধাগান কোই ন-পারিবাক্‌, লগেপ্রভু উগুরে তমার কনঅ‌ দাবি নেই।

যিহোশূয় 24:27

পরেন্দি তে বেক্‌ মানুচ্চুনোরে কলঅ্‌, “এ পাত্তর্‌বো আমা বিরুদ্ধে সাক্ষী ওই থেবঅ। লগেপ্রভু আমা ইদু যেদক্কানি কধা কোইয়্যে সিয়েনি এ পাত্তর্‌বো শুন্যে। যুনি তুমি তমার গোজেনরে অস্বীগের্‌ গরঅ সালে ইবে তমার বিরুদ্ধে সাক্ষ্য দিবো।”