যিহোশূয় 2:5 - Chakma Bible

⁵ সাজোন্যে অক্তত্‌ শঅরর্‌ দোরান্‌ বানিবার এক্কানা আগেন্দি তারা যেয়োন্দোই। তারা কন্‌ পদেন্দি যেয়োন্‌ সিয়েন মুই হ্‌বর ন-পাং। ইক্কিনে তুমি তারার্‌ পিজেন্দি গেলে অয়ত তারারে ধুরি পাবিরা।”

যিহোশূয় 2:5 ပူးပေါင်းရင်းမြစ်များ

নহিমিয় 13:19

মুই এ উগুমান্‌ দিলুঙ্‌, জিরেবার্‌ দিন্নোত্‌ পত্তমে যেক্কে যিরূশালেমর গেট্টুনো উগুরে সাজোন্যে ছাবা লামি এবঅ সেক্কে যেনে গেট্টুন্‌ বানা অয় আর জিরেবার্‌ দিন্নো থুম্‌ ন-অনা সং সিবে বানি রাগা অয়। জিরেবার্‌ দিন্নো যেনে কনঅ বুধি ভিদিরে আনা ন-অয় সিবে চেবাত্তে মুই মর্‌ নিজোর্‌ কয়েক্কো কাম্‌গুরিয়্যেরে গেট্টুনোত্‌ নেযেলুঙ্‌।

যিশাইয় 60:11

তঅ গেট্‌তুন নিত্য খুলো থেবঅ,‌‌‌ দিনে-রেদে কনদিন্অ সিগুন বন্ধ ন-থেবাক্ যেন জাদ্‌তুনোর ধন-সোম্বোত্তিগানি মান‌্‌জ্যে তইদু আনি পারন্;‌‌‌ তারার রাজাগুনোরেয়ো আনা অবঅ।

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

যিহিষ্কেল 47:12

গাঙর্ দ্বিপারত্ নানান্ বাবোত্যে গুলোগুলি গাজ্ জোর্মেব। সিগুনোর্ পাদানি শুগেই ন-যেবঅ, গুলোগুলি শেজ্ ন-অবঅ। পত্তি মাসত্ সিগুনোত্ গুলোগুলি ধুরিবো, কিত্যে উবোসনা-ঘরত্তুন্ সিয়েনত্ পানি বেঈ এবঅ। সিগুনোর্ গুলোগুলিগুন্ হেবাত্তে আর পাদানি গম্ অবাত্তে বেবহার গরা অবঅ।”

যিহোশূয় 2:4

মাত্তর্ রাহবে সে দ্বিবে মান্‌জ্যরে লুগেই রাগেল। তে কলঅ, “অয়, মানুচ্চুনে মইদু এচ্চোন্‌ ঠিগ্‌, মাত্তর তারা কুত্তুন্‌ এচ্চোন্‌ সিয়েন মুই হ্‌বর ন-পাং।

যিহোশূয় 2:6

আজলে রাহবে সে দ্বিজনরে ছালঅ উগুরে নেযেইনে সিদু তার মিলি দিয়্যে মসীনার কাবড়্‌লোই নাঢি রাগেল।

যিহোশূয় 2:7

রাহবর কধানি শুনিনে সে মানুচ্চুনে চড়ুনোরে ধুরিবাত্তে নিগিলিলাক্‌। যর্দন গাঙানর্‌ যে পথ্‌তানন্দি আদিনে পার্‌ অন্‌ তারা সিদু যেবার্‌ পথ্‌তান্‌ ধুরিনে যাহ্ ধুরিলাক্। তারা শঅরর্‌ বারেন্দি যেবার লগে লগেই শঅরর্‌ দোরান্‌ বানা গেলঅ‌।

ফগদাং পেইয়্যে 21:25

দিনোত্ সেই গেইট্‌তুন কনদিনঅ বন্ধ ন-থেবঅ আর সিয়েনত্ রেত্‌অ ন-অবঅ।

১ শমূয়েল 19:14

দায়ূদোরে ধুরিবাত্তে শৌল মানুচ্‌ পাদেলে মীখলে কলঅ, “তে অসুখ্‌।”