যিহোশূয় 2:23 - Chakma Bible

²³ যেরেন্দি সে দ্বিবে ইস্রায়েলীয় ফিরি গেলাক্‌। তারা মুড়োত্তুন কামান্দি লামি এলাক্‌ আর গাঙান্‌ পার ওইনে নূনর পূঅ যিহোশূয় ইদু যেইনে তারার যিয়েনি যিয়েনি ঘোত্যে সিয়েনি বেক্কানি কলাক্‌।

যিহোশূয় 2:23 ပူးပေါင်းရင်းမြစ်များ

যিহোশূয় 2:22

সে দ্বিবে ইস্রায়েলীয় সে জাগায়ান ছাড়িনে মুড়োত্‌ গেলাক্‌ তিন দিন সং সিদু রলাক্‌। যিগুনে তারারে ধুরিবাত্তে নিগিল্যন্‌ এ ভিদিরে তারা পুরো পথ্‌তান্‌ তারারে থোগেই ন-পেইনে যেরেন্দি ফিরি গেলাক্‌।

যিহোশূয় 2:24

তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

বিচের গুরিয়্যেগুন 18:10

তুমি সিয়েনত্ যেইনে দেগিবাদে, সিদুগোর্‌ মানুচ্চুনে এক্কান দাঙর্‌ জাগাত্‌ নিচিদেগুরি বজত্তি গত্তন্‌। গোজেনে তমা আঢত্‌ জাগায়ান দিইনে রাগেয়্যে। পিত্‌থিমীর কনঅ জিনিজোর অভাব সিয়েনত্‌ নেই।”

বিচের গুরিয়্যেগুন 18:9

তারা কলাক্‌, “আমি যে জাগায়ান চেই এচ্ছেই সিয়েন ভারি দোল্‌। যেই, আমি তারারে আক্রমণ গুরিই। তুমি কি জুরো গুরি বোই থেবা? সিয়েনত্ যেইনে জাগায়ান গজক্‌ গুরি নিবাত্তে দেরি ন-গোজ্য।