যিহোশূয় 19:9 - Chakma Bible

⁹ সে সোম্বোত্তিগানি যিহূদা-গুট্টির্‌ ভাগত্তুন্‌ নেযা ওইয়্যে, কিত্যে যিহূদা-গুট্টির দরকারত্তুন্‌ বেশ্‌ জাগা তারার্‌ ভাগত্‌ পোজ্যে। সেনত্তেই যিহূদা-গুট্টির জাগায়ানি ভিদিরে শিমিয়োন-গুট্টিগুনে তারার সোম্বোত্তিগানি পেইয়োন।

যিহোশূয় 19:9 ပူးပေါင်းရင်းမြစ်များ

পত্থম 49:7

তারার্‌ এ দর্‌গরেপারা রাগ্‌‌কানি, এ চিৎনপুজ্যে রাগ্‌‌কানি অভিশাব্ পোড়োক্‌। মুই তারা গুট্টি যাকোব বংশগুনো ভিদিরে ভাগ গুরি দিম, আর ইস্রায়েলীয়গুনো ভিদিরে তারারে ছিদি দিম্।

যাত্রা 16:18

মাত্তর্‌ ওমর মাবত্‌ দেগা গেলদে, যিগুনে বেশ্‌ কুড়েয়োন্‌ তারার্‌ বেশ্‌ ন-অলঅ‌ আর যিগুনে কম কুরেয়োন্‌ তারার্‌ কম্‌ ন-পড়িলো। পত্তিজনে পরিবারর্‌ দরকার্‌ মজিম্‌ সিয়েনি কুড়েলাক্।

যিহিষ্কেল 48:7

যিহূদা এক্কান ভাগ্ পেবঅ; সিয়েন অবদে পূগেদিত্তুন্ পোজিমেদি রূবেণর্ দুযির্ দোগিণে।

গণাণা 26:54

যে গুট্টিবোর্‌ মান্‌জ্যর সোংখ্যে বেশ্‌ সেই গুট্টিবোরে বেশ্‌ আর যে গুট্টিবোর মান্‌জ্যর সোংখ্যে কম সেই গুট্টিবোরে কম্‌ জাগা দিয়া পুরিবো। পত্তি গুট্টিত্তুন্‌ তার্‌ গুণি নেযেয়ে মানুচ্চুনোর সোংখ্যে মজিম জাগানির্‌ গিরোজ অবাক্‌।

যিহোশূয় 19:10

তিন পল্লা চাম্বা চানার পরেন্দি সবূলূন-গুট্টির নাঙানি উদিলো আর তার নানান্‌ বংশর জাগায়ানি ঠিগ্‌ গুরি দিয়্যে অলঅ‌। তারার জাগায়ানির দুযি এলঅ সারীদ সং।