যিহোশূয় 18:4 - Chakma Bible

⁴ তুমি পত্তি গুট্টিত্তুন তিনজন গুরি মানুচ্‌ নেযঅ‌। দেজ্‌চান গমেডালে চেইনে বেক্কানি লিগি আনিবাত্তে মুই তারারে পাধেই দিম্‌ যেনে তারার গুট্টিগুনো ভিদিরে সোম্বোত্তি ভাগ গুরি দিয়্যে যায়। কামানি থুম্‌ গুরিনে তারা মইদু ফিরি এবাক্‌।

যিহোশূয় 18:4 ပူးပေါင်းရင်းမြစ်များ

মীখা 2:5

সেনত্তে তমা ভিদিরেত্তুন্ কনজনে লগেপ্রভুর মানুচ্চুনো সমারে ভূইয়ো ভাগ ন-পেবাক্।

গণাণা 1:4

পত্তি গুট্টিত্তুন্‌ একজন গুরি মান্‌জ্যে তরে সাহায্য গুরিবাক, আর সেই মানুচ্চোত্তুন্‌ তার্‌ বংশর্‌ নেতাবো উয়ো পরিবো।

গণাণা 13:2

“যে কনান দেজ্‌চান্‌ মুই ইস্রায়েলীয়গুনোরে দিবাত্তে যাঙর্‌ সিয়েন পৌইদ্যেনে খোঁজ-খবর লোই আনিবাত্তে তুই পত্তি বারবো গুট্টিত্তুন এক্কো গুরিনে নেতা পাধেই দে।”

যিহোশূয় 18:3

সেনত্তেই যিহোশূয় ইস্রায়েলীয়গুনোরে কলঅ‌, “তমার পূরোণি মানুচ্চুনোর গোজেন লগেপ্রভু যে দেজ্‌চান তমারে দিয়্যে তুমি সোম্বোত্তি ইজেবে সিয়েন গজক্ গত্তে আর কয়দিন দেরি গুরিবা?

যিহোশূয় 18:5

পুরো দেজ্‌চান তারা সাত ভাগে ভাগ্‌ গুরিবাক্‌। দোগিণেন্দি যিহূদা-গুট্টিরে যে জাগায়ান দিয়্যে ওইয়্যে তারা সিয়েনত্‌ থেবাক্‌, আর উত্তোরেন্দি থেবাক্‌ যোষেফর বংশধরুনে।

যিহোশূয় 18:6

দেজর সে সাত্‌ ভাগর্‌ পত্তিগানি পৌইদ্যেনে বেক্কানি লিগিনে তুমি সিয়েনি মইদু আনিবা, আর মুই আমা গোজেন লগেপ্রভুর মুজুঙোত্‌ তমাত্তে চাম্বা চেই দিম্‌।

যিহোশূয় 18:9

সেনত্তেই সে মানুচ্চুনে দেজর বেক্‌ জাগানিত্‌ গেলাক্‌। তারা দেজ্‌চানর বাদবাগি ভাগকান্‌ সাত ভাগ গুরিনে পত্তি ভাগর্‌ শঅর্‌ আর আদামর নাঙানি আর সিয়েনির পৌইদ্যেনে বেক্কানি এক্কান্‌ এক্কান্‌ গুরিনে বোইয়ো ভিদিরে লিগি আনিনে শীলোর তাম্বুলোত্‌ যিহোশূয় ইদু ফিরি এলাক্‌।

যিহোশূয় 3:12

ইক্কিনে তুমি ইস্রায়েলীয় বারবো গুট্টির বেক্কুনোত্তুন একজন গুরিনে বারজন মানুচ্‌ বেঈ নেযঅ‌।

যিহোশূয় 4:2

“তুই পত্তি গুট্টিত্তুন একজন গুরি বেক্কুনে বারজন মানুচ্‌ বেঈ নেযা।