যিহোশূয় 18:19 - Chakma Bible

¹⁹ পরেন্দি সে দুযির্‌ চিহ্নোগান বৈৎ-হগ্লার উত্তোরেন্দি কামা জাগায়ান্‌ ধুরিনে নুন্‌ সাগরর্‌ উত্তোরেন্দি চিগোন সাগরত্‌, অত্তাৎ যর্দন গাঙর্‌ মোহনাত্‌ যেইনে পড়িলো। ইয়েনই এলদে বিন্যামীন-গুট্টির দোগিণেন্দির্‌ দুযি।

যিহোশূয় 18:19 ပူးပေါင်းရင်းမြစ်များ

পত্থম 14:3

এ পাচজন রাজা তারার সৈন্যগুন এগত্তর্ গুরিনে সিদ্দীম কলগত্ গেলাক। এ জাগানরে মরা-সাগর কন্‌।

পত্থম 19:25

তে সে শঅর দ্বিয়েনত্‌, বেক্‌ সংজাগাগান, শঅরর্‌ বেক্‌ মানুচ্চুন্‌ আর সে ভুইয়ো উগুরে জোর্মেয়্যে বেক্কানি ভস্ত গুরি দিলো।

যিশাইয় 11:15

লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

গণাণা 34:3

ইদোম দেজর্‌ দুঝিবো সং যে সীন ধূল্যেচর-চাগালাগান আঘে সিয়েনর্‌ কিজু ভাগ তমার দেজর্‌ দোগিণেদি পুরিবো। পূগেন্দি তমার্‌ এই দোগিণো দুঝিগান ধূল্যেচর-বড়গাঙর্‌ শেজ্ ভাগত্তুন্‌ আরাম্ভ ওইনে অক্রব্বীম মুড়োবোর্‌ পথ পাড় ওইনে সীন ধূল্যেচর-চাগালাত্‌ চোমেইনে কাদেশ-বর্ণেয়র দোগিণোন্দি যেবগোই। পরেদি সেই চিহ্নোগান্‌ হৎসর-অদরত্‌ এইনে অস্‌মোন সং যেবঅ।

দ্বি’লম্বর বিররণ 3:17

পোজিমেন্দি তারার্‌ শেজ্ দুঝিগান এলদে অরাবার্‌ যর্দন গাঙর্‌ যে ভাগ্‌কান কিন্নেরৎত্তুন পিস্‌গা মুড়োবোর্‌ কামাগানর্‌ তলেন্দি অরাবার দোজ্যে সাগরর্‌, অত্তাৎ ধূল্যে-সাগর সং যেয়েগোই সে ভাগ্‌কান।

যিহোশূয় 12:3

ইয়েনবাদে কিন্নেরৎ সাগরত্তুন্‌ অরাবার সাগর, অত্তাৎ নুন্‌ সাগর্‌ আর বৈৎ-যিশীমোতর পথ্‌তান্‌ সং আর দোগিণেন্দি পিস্‌গা মুড়োবোর তলেদি সং অরাবা সং জাগানর পূগেদি ভাক্কান্‌ তার শাজনর্‌ অধীনোত্‌ এলঅ‌।

যিহোশূয় 15:2

তারার্‌ দোগিণো দুযির্‌ চিহ্নোগান্‌ নুন্‌ সাগরর্‌ দোগিণো দুযির্‌ বড়গাঙত্তুন আরাম্ভ ওইনে অক্রব্বীমোত্‌ উদি যেবার পদথ্‌ দোগিণেন্দি যেইনে সীন-ধূল্যেচরর্‌-চাগালান্দিগুরি কাদেশ-বর্ণেয়র দোগিণেন্দি যেইনে লুমিলো। সিয়োত্তুন্‌ সে দুযির চিহ্নোগান্‌ হিস্রোণ পার্‌ ওইনে অদ্দর সং ঘুরি যেইনে কর্কায়ত্‌ গেলঅ‌।

যিহোশূয় 18:18

যেরেন্দি সিয়েন অরাবার উত্তোরেন্দি কামা জাগানত্‌ যেইনে অরাবাতত্‌ লামি গেলঅ‌।

যিহোশূয় 18:20

তারার্‌ পূগেন্দি দুযিগান এলঅ‌ যর্দন গাঙান্‌। ইয়েনই এলদে বিন্যামীন-গুট্টির নানান্‌ বংশর সোম্বোত্তির্‌ চেরোকিত্তে দুযিগান্‌।