যিহোশূয় 16:9 - Chakma Bible

⁹ ইয়েনবাদে মনঃশি-গুট্টির সোম্বোত্তি ভিদিরে কদক্কানি শঅ‌র আর তারার্‌ কায়-কুরে আদামানি ইফ্রয়িম-গুট্টিরে দিয়্যে ওইয়্যে।

যিহোশূয় 16:9 ပူးပေါင်းရင်းမြစ်များ

২ শমূয়েল 2:9

তে ঈশ্‌বোশতরে গিলিয়দ, অশূর, যিষ্রিয়েল, ইফ্রয়িম, বিন্যামীন, এন্‌ কি, পুরো ইস্রায়েল দেজ্‌চান উগুরে রাজা বানেয়োন।

১ বংশধর 7:28

বৈথেল আর তা চেরোকিত্তে আদামানি, পূগেন্দি নারণ, পোজিমেন্দি গেষর আর তার্‌ চেরোকিত্তে আদামানি এলদে ইফ্রয়িম ভূই জোবিন্‌ আর থেবারঘর। ইয়েনিবাদে শিখিম আর তা আদামানিত্তুন্‌ অয়া আর তা আদামানি সং এলদে তারা চাগালা।

যিহিষ্কেল 48:5

ইফ্রয়িমে এক্কান ভাগ্ পেবঅ; সিয়েন অবদে পূগেদিত্তুন্ পোজিমে মনঃশি দুযির্ দোগিণে।

যিহোশূয় 16:10

গেষরত্‌ যিদুক্কুন্‌ কনানীয় বজত্তি গুরিদাক্‌ তারারে তারা ধাবেইনে নিগিলেই ন-দুয়োন্‌। এজঅ তারা ইফ্রয়িম-গুট্টির মানুচ্চুনো লগে বজত্তি গত্তন্‌; মাত্তর্‌ ইফ্রয়িম-গুট্টির চাগর ইজেবে তারার কামানি গত্তে বাধ্য গরা ওইয়্যে।

যিহোশূয় 16:8

উত্তোরেন্দি সে দুযির্‌ চিহ্নোগান তপূহত্তুন্‌ পোজিমেন্দি কান্না শুগুনো গাঙান্‌ ওইনে ভূমধ্য সাগরত্‌ যেইনে থুম্‌ অলঅ। ইয়েন অলঅ ইফ্রয়িম-গুট্টির নানান্‌ বংশর সোম্বোত্তি।

যিহোশূয় 17:9

সে পরেন্দি সে দুযির চিহ্নোগান দোগিণে কান্না শুগুনো গাঙান্‌ সং লামি গেলঅ। ইফ্রয়িম-গুট্টির কদক্কানি শঅর্‌ আর আদাম মনঃশি-গুট্টির দুযিত্‌ পোজ্যে। মনঃশি-গুট্টির দুযির চিহ্নোগান সে শুগুনো গাঙর্‌ উত্তোরেন্দি যেইনে থুম্‌ ওইয়্যে ভুমধ্য সাগরত্‌।