যিহোশূয় 16:5 - Chakma Bible

^5-6 ইফ্রয়িম-গুট্টির্‌ নানান্‌ বংশগুনোর জাগানি অলঅ‌ ইয়েনি: পূগেন্দি তারার্‌ সোম্বোত্তির দুযির চিহ্নোগান অটারোৎ-অদ্দরত্তুন্‌ আরাম্ভ ওইনে উগুরে বৈৎ-হোরোণত্‌ যেইনে ভূমধ্য সাগর সং গেলঅ‌। সে পরেন্দি উত্তোরেন্দি সে দুযির্‌ চিহ্নোগান মিক্‌মথতত্তুন্‌ ঘুরিনে পূগেন্দি তানৎ-শীলো পার্‌ ওইনে যানোহর পূগেন্দি গেলঅ‌।

যিহোশূয় 16:5 ပူးပေါင်းရင်းမြစ်များ

২ শমূয়েল 2:9

তে ঈশ্‌বোশতরে গিলিয়দ, অশূর, যিষ্রিয়েল, ইফ্রয়িম, বিন্যামীন, এন্‌ কি, পুরো ইস্রায়েল দেজ্‌চান উগুরে রাজা বানেয়োন।

১ বংশধর 7:24

তা ঝিবো নাঙান্‌ অলদে শীরা। শীরা উগুরে আর তলেদি বৈৎ-হোরোণ আর উষেণ-শীরা আদামান্‌ বানেয়্যে।

১ বংশধর 7:28

বৈথেল আর তা চেরোকিত্তে আদামানি, পূগেন্দি নারণ, পোজিমেন্দি গেষর আর তার্‌ চেরোকিত্তে আদামানি এলদে ইফ্রয়িম ভূই জোবিন্‌ আর থেবারঘর। ইয়েনিবাদে শিখিম আর তা আদামানিত্তুন্‌ অয়া আর তা আদামানি সং এলদে তারা চাগালা।

যিহিষ্কেল 48:5

ইফ্রয়িমে এক্কান ভাগ্ পেবঅ; সিয়েন অবদে পূগেদিত্তুন্ পোজিমে মনঃশি দুযির্ দোগিণে।

যিহোশূয় 10:10

লগেপ্রভু ইস্রায়েলীয়গুনো মুজুঙোত্‌ তারারে এক্কান যাগুলুক্‌ অবস্থাত্‌ ফেলেই দিলো। সেক্কে লগেপ্রভু গিবিয়োনত্‌ ইস্রায়েলীয়গুনোরে দিইনে তারারে বোউত জনরে মারে ফেলেয়্যে। বৈৎ-হোরোণত্‌ উদিবার পথ্‌তান ধুরিনে লগেপ্রভু ইস্রায়েলীয়গুনোরে দিইনে তারারে লোড়েল আর অসেকা আর মক্কেদা সং গোদা পথ্‌তান তারারে মাত্তে মাত্তে নেগেল‌।

যিহোশূয় 16:2

বৈথেলত্তুন্‌ সিয়েন লূসত্‌ গেলঅ আর লূসত্তুন্‌ অটারোতথ্‌ অর্কীয়গুনোর জাগান সং গেলঅ‌।

যিহোশূয় 18:13

সিয়োত্তুন্‌ দুযির চিহ্নোগান লূসের, অত্তাৎ বৈথেলর দোগিণোর কামা জাগানত্‌ যেইনে তলেদি বৈৎ-হোরণর দোগিণে যে মুড়োবো আঘে সে মুড়োবো উগুরে অটারোৎ-অদ্দরত্‌ লামি গেলঅ।