যিহোশূয় 13:9 - Chakma Bible

^9-10 তারার্‌ এ জাগায়ান্‌ আরাম্ভ ওইয়্যেদে অর্ণোন কিজিঙো দুযির্ অরোয়র শঅরত্তুন্‌ আর সে কিজিঙোর্‌ সংমোধ্যে আদামত্তুন্‌। সিয়েন ভিদিরে আগেদে দীবোন সং মেদবার পুরো সং জাগায়ান আর অম্মোনীয়গুনোর দেজর দুযি সং হিষ্‌বোনর ইমোরীয় রাজা সীহোনর বেক্‌ আদামানি।

যিহোশূয় 13:9 ပူးပေါင်းရင်းမြစ်များ

২ শমূয়েল 24:5

তারা যর্দন গাঙান্‌ পার্ ওই যেইনে গাদ চাগালার কলগ ভিদিরে শঅরর্‌ দোগিণে অরোয়েরত্‌ যেইনে তাম্বুল ফেলেলাক্, সে পরেন্দি যাসেরত গেলাক্।

১ বংশধর 19:7

তারা বত্রিশ আজার্ রথ আর সৈন্যদল সুদ্ধো মাখার রাজারে ভাড়া গুরিলাক্‌। তে আর তার্‌ সৈন্যগুনে এইনে মেদবা ইদু তাম্বুলান্‌ টাঙেলাক্‌ আর এককিত্তেন্দি অম্মোনীয়গুনে নিজোর নিজোর শঅরত্তুন্‌ এগত্তর্‌ ওইনে যুদ্ধোত্তে নিগিলিলাক্‌।

নহিমিয় 11:25

যিহূদা-গুট্টির্‌ মানুচ্চুনে যেদক্কানি আদাম্‌ আর সেজাগার্‌ ক্ষেত্‌-খামারানিত্‌ বজত্তি গুরিদাক্‌ সিয়েনি অলদে কিরিয়ৎ-অর্ব আর তার্‌ কায়-কুরে আদামানি, দীবোন আর সিয়েনর্‌ কায়-কুরে আদামানি, যিকব্‌-সেল আর সিয়েনর্‌ কায়-কুরে আদামানি,

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিরমিয় 48:18

লগেপ্রভু কোইয়্যেদে, ও দীবোনর আদাম্মেগুন, তমা বাঈনী গরেদে জাগানত্তুন্ লামি এইনে শুগুনো মাদি উগুরে বজ, কিত্তে মোয়াবর্ ভস্তগুরিয়্যেবো তমা বিরুদ্ধে এইনে তমা ঘরানি ভস্ত গুরি দিবো।

যিরমিয় 48:22

দীবোন, নবো, বৈৎ-দিব্লাথয়িম,

যিরমিয় 48:8

পত্তি শঅর বিরুদ্ধে ভস্তগুরিয়্যেবো এবঅ আর কনঅ শঅর বাদ যেই ন-পারিবো। মঅ কধামজিম কলগ্‌‌‍‍‍কানি ভস্ত অবঅ আর সংজাগানির বিনাশ অবঅ।

গণাণা 21:30

মাত্তর্‌ আমি তারা বিরুদ্ধে যুদ্ধো গোজ্জ্যেই। দীবোন সং হিষ্‌বোনান্ ভস্ত ওই যেইয়্যে। মেদবা সং যেয়েগোই যে নোফঃ সেই জাগায়ান সং আমি ভস্ত গোজ্জ্যেই।”

দ্বি’লম্বর বিররণ 2:36

অর্ণোন কিঝিঙোর্‌ দুঝিত্‌ অরোয়র্‌ শঅর আর সে কিঝিঙো ভিদিরে আদামত্তুন্‌ আরাম্ভ গুরিনে গিলিয়দ সং এন্‌ কনঅ বোলী আদাম বা শঅর ন-রলঅ যিয়েন্‌ আমি জিদি নেযেই ন পারিই। আমা গোজেন লগেপ্রভু সিয়েনি বেক্কানি আমা আদত্‌ তুলি দিয়্যে।

দ্বি’লম্বর বিররণ 3:12

আমার্‌ অধিকার্‌ গোজ্যে জাগাত্তুন্‌ মুই সেক্কেনে অর্ণোন গাঙর্‌ ইদু অরোয়র শঅরর্‌ বারেন্দি উত্তোর মিক্কে চাগালাগান আর গিলিয়দর্‌ মুড়ো-মুড়ি চাগালার্‌ অদ্দেক্‌ আর সে জাগানর্‌ বেক্‌ আদামানি আর শঅরানি রূবেণ আর গাদ-গুট্টির মানুচ্চুনোরে দিলুং।

দ্বি’লম্বর বিররণ 3:16

মাত্তর্‌ গিলিয়দত্তুন্‌ অর্ণোন কিঝিঙো সং মোধ্যে দুঝির চিহ্নোগান সং বেক্‌ জাগাগান্‌ আর সিয়েনত্তুন্‌ অম্মোনীয়গুনোর্‌ দুঝি যব্বোক গাঙান্‌ সং মুই রূবেণ আর গাদ-গুট্টির মানুচ্চুনোরে দিলুং।

যিহোশূয় 12:2

ইমোরীয়গুনোর্‌ রাজা সীহোনে হিষ্‌বোনত্তুন রাজাগিরি গুরিদো। অর্ণোন কিজিঙোর্‌ পারত্‌ অরোয়রত্তুন্‌, অত্তাৎ কিজিঙোর্‌ সংমোধ্যেত্তুন অম্মোনীয়গুনোর দেজর দুযি যব্বোক গাঙান সং বেক্‌ চাগালাগান্‌ তার্‌ শাজনর অধীনোত্‌ এলঅ‌। এ চাগালাগান ভিদিরে এলঅ‌ গিলিয়দর অদ্দেক্‌ ভাগ।

যিহোশূয় 13:8

মনঃশি-গুট্টির অদ্দেক্‌ মানুচ্‌ আর রূবেণ আহ্‌ গাদ-গুট্টির মানুচ্চুনে যর্দনর পূগেন্দি জাগায়ান সোম্বোত্তি ইজেবে আগে পেইয়োন্‌। লগেপ্রভুর চাগর্‌ মোশি তারাত্তে সে জাগায়ান ঠিগ্‌ গুরি দি যেইয়্যে।