যিহোশূয় 13:11 - Chakma Bible

¹¹ গিলিয়দ চাগালাগান্‌, গশূরীয় আর মাখাথীয়গুনোর জাগায়ান্‌, পুরো হর্মোণ মুড়োবো আর সল্‌খা সং পুরো বাশন দেজ্‌চানঅ‌ সে ভিদিরে এলঅ।

যিহোশূয় 13:11 ပူးပေါင်းရင်းမြစ်များ

পত্থম 37:25

ইয়েন পরেদি যোষেফ ভেইয়ুনে হানা-বিনে হেবাত্তে বুয়োইনে দেগিলাক্ গিলয়দত্তুন্‌ একদল ইশ্মায়েলীয় বেবসা গুরিয়্যে এত্তন্। উদো পিদিত্‌ গুরি তারা তুম্‌বাচ্‌ মজলা, গুগ্‌গুলু আর গন্ধরসছোই মিসর দেজত্‌ যাদন্।

১ বংশধর 5:11

গাদ-গুট্টির মানুচ্চুনে রূবেণীয়গুনো কায় বাশন দেজর সলখা সং চাগালাত্‌ বজত্তি গুরিদাক্‌।

গণাণা 32:29

তে তারারে কলঅ, “গাদ আর রূবেণ-গুট্টির মরত্তুনে যুনি বেক্কুনে যুদ্ধোর্‌ পোজাক্কোই লগেপ্রভুর্‌ মুজুঙোত্‌ যুদ্ধো গুরিবাত্তে তমা লগে যর্দন্‌ গাঙান্‌ পার্‌ ওই যান্‌, মাত্তর্‌ যেক্কে দেজ্‌চান্‌ তমার্‌ অধীনোত্‌ এবঅ সেক্কে তুমি সোম্বোত্তি ইজেবে গিলিয়দ দেজ্‌চান্‌ তারারে দি দিবা।

দ্বি’লম্বর বিররণ 3:10

সেই সংজাগানর্ বেক্‌ আদামানি আর শঅরানি, বেক্‌ গিলিয়দ চাগালাগান আর বাশনর রাজা ওগর রেজ্যর্‌ সল্‌খা আর ইদ্রিয়ী শঅর্‌ সং গোদা বাশন দেজ্‌ছান আমি গজক্ গুরি নেযেয়্যেই।

যিহোশূয় 11:3

তে পূগ্‌ আর পোজিমেন্দি কনানীয়গুনোর কায়-কুরে আর মুড়ো-মুড়ি চাগালার্‌ ইমোরীয়, হিত্তীয়, পরিষীয় আর যিবূষীয়গুনো ইদু আর হর্মোণ মুড়োবোর্‌ তলে মিস্পা চাগালার হিব্বীয়গুনো ইদুয়ো হ্‌বর পাদেল।

যিহোশূয় 13:2

যে জাগায়ানি এজঅ‌ গজক্ গরা ন-অয়্‌ সে ভিদিরে রোইয়্যেদে মিসরর পূগেদি সীহোর গাঙত্তুন্‌ আরাম্ভ গুরিনে উত্তরেন্দি ইক্রোণর দুযি সং পলেষ্টীয় আর গশূরীয়গুনোর বেক্‌ চাগালাগান। এ চাগালাগান্‌ কনানীয়গুনোর জাগা বিলিনে ধরা অয়্‌। সিয়েনত্‌ ঘষা, অস্‌দোদ, অস্কিলোন, গাৎ আর ইক্রোণ নাঙে পাচজন পলেষ্টীয় শাজনগুরিয়্যের্‌ পাচছান শঅ‌র আঘে, আর দোগিণেন্দি আঘে অব্বীয়গুনোর জাগানি। ইয়েনিবাদে আরঅ‌ বোউত্‌ জাগা গজক্ গুরি নেযেবার্‌ বাগি আঘে, সিয়েনি অলঅ‌ সীদোনীয়গুনোর অধীনোত্‌ মিয়ারাত্তুন্‌ ইমোরীয়গুনোর দুযিত্‌ অফেক সং কনানীয়গুনোর বেক্‌ জাগায়ানি,

যিহোশূয় 17:5

যর্দনর পূগেন্দি গিলিয়দ আর বাশন বাদেয়ো মনঃশি-গুট্টির ভাগত্‌ পড়িলো আরঅ দশ ভাগ্‌ ভূই,

১ শমূয়েল 13:7

ভালোক্কুন ইব্রীয় যর্দন গাঙান্‌ পার ওইনে গাদ আর গিলিয়দ চাগালাত্‌ আঢি গেলাক্। শৌল গিল্‌গলদই থেই গেলঅ, আর তা সমারে সৈন্যগুনে দরে গির্‌গিরাদন।