যিহোশূয় 11:9 - Chakma Bible

⁹ লগেপ্রভু যিহোশূয়রে যে উগুমান দিয়্যে যিহোশূয় শত্রুগুনো উগুরে সেধোক্ক্যেন্‌ গুরিলো। তে তারার্‌ ঘোড়াগুনোর টেঙঅ‌ রক্কুন কাবি দিলো আর রথ্‌তানি পুড়ি ফেলেল।

যিহোশূয় 11:9 ပူးပေါင်းရင်းမြစ်များ

পত্থম 49:6

তারার ভিদিরে ভিদিরে কুজুরোমিগানিত্ মর্‌ কনঅ ভাগ্‌ নেই, মুই তারা দলত্‌ নয়। তারা রাগে মানুজ্‌ খুন্‌ গোজ্যন, আর নিজো মনে মন্‌‌জক্কা গুরি গোরু টেঙ রক্কুন্‌ কাবি দুয়োন্‌।

২ শমূয়েল 8:4

দায়ূদে তার এক আজার সাতশ ঘোড়াবলা সৈন্য আর কুড়ি আজার অার্মি আক্‌সোই রাগেল। তারার একশত্‌তুয়ো ঘোড়ার রথ রাগেইনে তে বাগি বেক্‌ ঘোড়ার টেঙঅ রক্কুন্‌ কাবি দিলো।

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

যিহোশূয় 11:6

সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”