যিহোশূয় 10:20 - Chakma Bible

²⁰ এধোক্ক্যেনগুরি যিহোশূয় আর ইস্রায়েলীয়গুনে ইমোরীয়গুনোরে ভস্ত গুরি ফেলেলাক্‌। সেক্কে প্রায় বেক্কুনে মুরি গেলাক্‌; মাত্তর্ যে কয়েকজন বাদ্‌ এলাক্‌ তারা তারার দেবাল-ঘিজ্যে শঅ‌রত্‌ যেইনে চমিলাক্‌।

যিহোশূয় 10:20 ပူးပေါင်းရင်းမြစ်များ

২ শমূয়েল 20:6

সেক্কে দায়ূদে অবীশয়রে কলঅ, “অবশালোমে আমারে যেত্তমান খোতি গোজ্যে তাত্তুনো বেশ্‌ ইক্কিনে ক্ষেতি গুরিবো এ বিখ্রির পূঅ শেবঃ। ইক্কিনে তুই মঅ মানুচ্চুনোরে নেযেইনে তা পিজেন্দি লোড়েই নেযা। ঢগেনলে তে কনঅ দেবাল্লোই ঘিজ্যে শঅর্‌ তোগেইনে আমা কায়-কুরেত্তুন্‌ ধেই যেবঅ।”

১ রাজাবলী 20:21

ইস্রায়েলর রাজা উজেই যেইনে বাদবাগি ঘোড়া আর রথ্‌তানি ভস্ত গুরি দিলো আর অরামীয়গুনোরে অমকদ ক্ষোতি গুরিলো।

২ বংশধর 13:17

অবিয় আর তা মানুচ্চুনে বোউত্‌ মান্‌জ্যরে মারে ফেলেলাক্‌। সেক্কে ইস্রায়েলীয়গুনোর বেঈ-লোইয়্যে মানুচ্চুনো ভিদিরেত্তুন্‌ পাচ্‌ লাখ্‌ মানুচ্‌ মারা পড়িলাক্‌।

যিরমিয় 4:5

“তুমি যিহূদা দেজত্ আর যিরূশালেমত্ ফগদাং গুরিনে কঅ, ‘পুরো রেজ্যত্ শিঙা বাজঅ।’ জোরে রঅ ছাড়িনে কঅ, ‘তুমি এক সমারে এগত্তর্ অ। আঢঅ, আমি দেবাল ঘিজ্যে শঅরানিত্ যেই।’

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

দ্বি’লম্বর বিররণ 20:16

মাত্তর্‌ তমার গোজেন লগেপ্রভু সোম্বোত্তি ইজেবে যিদুক্কুন জাদরে আদাম বা শঅর তমারে দিবাত্তে যার্‌ সিদুগোর্ কাররে তুমি বাঁজেই ন রাগেবা।

যিহোশূয় 10:10

লগেপ্রভু ইস্রায়েলীয়গুনো মুজুঙোত্‌ তারারে এক্কান যাগুলুক্‌ অবস্থাত্‌ ফেলেই দিলো। সেক্কে লগেপ্রভু গিবিয়োনত্‌ ইস্রায়েলীয়গুনোরে দিইনে তারারে বোউত জনরে মারে ফেলেয়্যে। বৈৎ-হোরোণত্‌ উদিবার পথ্‌তান ধুরিনে লগেপ্রভু ইস্রায়েলীয়গুনোরে দিইনে তারারে লোড়েল আর অসেকা আর মক্কেদা সং গোদা পথ্‌তান তারারে মাত্তে মাত্তে নেগেল‌।

যিহোশূয় 10:19

মাত্তর্ তুমি ন-থামেয়ো; তমা শত্রুগুনোরে লোড়েই নেযঅ‌, পিজেন্দিত্তুন তারারে আক্রমণ গরঅ‌ আর তারারে নিজো শঅ‌রত্‌ ফিরি যেবাত্তে ন-দুয়ো। তমা গোজেন লগেপ্রভু তমা আঢত্‌ তারারে তুলি দিয়্যে।”

যিহোশূয় 10:21

ইয়েনর্ পরেন্দি ইস্রায়েলীয়গুনোর সৈন্যগুনে বেক্কুনে মক্কেদার তাম্বুলোত্‌ দোলেডালে যিহোশূয়র ইদু ফিরি গেলাক্‌। ইস্রায়েলীয়গুনোর বিরুদ্ধে কনজনে কনঅ‌ কধা কবার্‌ সাহস ন-পেলঅ‌।

যিহোশূয় 11:12

যিহোশূয় বেক্‌ রাজাগুনোর্‌ শঅ‌রানি গজক্ গুরি নিইনে সিদুগোর্ রাজাগুনোরে বন্দী গুরিলো। তে সেই রাজাগুনোরে আর সিদুগোর্ মানুচ্চুনোরে মারে ফেলেল। লগেপ্রভুর চাগর্‌ মোশির উগুম মজিম তে তারারে এক্কুবারে ভস্ত গুরি দিলো।

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

যিহোশূয় 8:24

যে খলাবোত্‌, অত্তাৎ যে ধূল্যেচরর্‌-চাগালাত্‌‌ অয় শঅরর্‌ মানুচ্চুনে ইস্রায়েলীয়গুনোরে লোড়েইনে নেযেয়োন্‌ সিদু অয়র মানুচ্চুনোরে বেক্কুনোরে মারে ফেলানার পরেন্দি বেক্‌ ইস্রায়েলীয়গুনে অয় শঅরত্‌ ফিরি এলাক্‌ আর শঅর ভিদিরে যিগুনে এলাক্‌ তারা তারারেয়ো মারে ফেলেলাক্‌।