যিহোশূয় 1:14 - Chakma Bible

¹⁴ যর্দনর পূগেন্দি যে জাগায়ান মোশি তমারে দিয়্যে সিদু তমা মোক্‌, পূঅ-ঝি আর এ্যমানপালুন্‌ রাগেই পারিবো, মাত্তর্‌ তমা ভিদিরেত্তুন্‌ যিগুনে যুদ্ধো গুরি পারন্‌ তারারে বেক্কুনোরে যুদ্ধো গুরিবাত্তে যুক্কোল্‌ ওইনে তমা ভেইয়ুনোর আগে আগে গাঙান্‌ পার ওইনে যাহ্‌ পুরিবো।

যিহোশূয় 1:14 ပူးပေါင်းရင်းမြစ်များ

যাত্রা 13:18

সেনত্তেই গোজেনে ধূল্যেচর চাগালার্ ভিদিরেদি লোহিত সাগর মোক্কে লোই‌ গেলঅ। ইস্রায়েলীয়গুনে সৈন্যদল ধোক্ক্যেন গুরি মিসর দেজত্তুন্‌ নিগিলি গেলাক্।

গণাণা 32:26

আমার্‌ ঝি-পূঅ, মোক্‌, ছাগল-ভেড়াছাগল আর গোরুর পালুন্‌ সিদু গিলিয়দর্‌ শঅরানিত্‌ থেবাক।

দ্বি’লম্বর বিররণ 20:8

সে নেতাগুনে আরঅ কবাক্কে, তমা ভিদিরে যুনি কনজনে দোরেইনে থান্‌ বা সাহস আরেইনে থান্‌, মাত্তর্‌ সিয়েন দেগিনে যেনে অন্য ইস্রায়েলীয় ভেইয়ুনোর মনবল ভাঙি ন যায় সেনত্যে তে ঘরত্‌ ফিরি যোক্।

দ্বি’লম্বর বিররণ 3:19

মাত্তর্‌ তমারে যেদক্কানি আদাম আর শঅর্ দিয়্যে অলঅ সিদু তমার্‌ মোক্কুন, ঝি-পূঅগুন আর য়েমানপালুন রাগেইনে যেই পারিবা। মুই হবর্ পাং তমার্‌ য়েমান ভালোক্কুন্‌।

দ্বি’লম্বর বিররণ 33:21

বেক জাগানিত্তুন্ সেরা জাগা তে বেঈ নেযেয়ে; নেতার যগাজ্যে পাওনা তাত্যে রাগেয়্যে আঘে। যুদ্ধোত্‌ এগত্তর ওইয়্যে সর্দারুনো ভিদিরে তেয়ই লগেপ্রভুর ন্যায়ে-ভোজ্যে উগুম পালেয়্যে, পালেয়্যে ইস্রায়েলরে দিয়্যে লগেপ্রভুর সুদোমানি।”

যিহোশূয় 1:13

“লগেপ্রভুর চাগর্‌ মোশি যে শমক্তান্‌ তমা ইদু গোজ্যে সিয়েনি তুমি মনত্‌ তুলি চঅ‌। তে কোইয়্যেদে, ‘তমা গোজেন লগেপ্রভু বেক্কানিত্তুন তমারে জিরেবাত্তে দিয়্যে আর এ দেজ্‌চানঅ‌ তমারে দিয়্যে।’

যিহোশূয় 1:15

লগেপ্রভু যেদকদিন তমা ধোক্ক্যেন গুরি তমা ভেইয়ুনোরেয়ো বেক্কানিত্তুন জিরেবাত্তে ন-দে আর যেদকদিন সং তারা তমার গোজেন লগেপ্রভুর দিয়্যে দেজ্‌চান গজক্ গুরি ন-নেযান্‌ সেদকদিন সং তুমি ভেইয়ুনোরে এজাল্‌ দিবা। সে পরেন্দি তুমি ফিরি এইনে তমার নিজোর জাগায়ানি পুরোপুরিগুরিনে গজক্ গুরি পারিবা যিয়েনি লগেপ্রভুর চাগর্‌ মোশি যর্দনর পূগেন্দি তমারে দি যেইয়্যে।”

যিহোশূয় 4:12

মোশি যে উগুমানি দি যেইয়্যে সে মজিম রূবেণ আর গাদ-গুট্টির বেক্কুনে আহ্‌ মনঃশি-গুট্টির অর্দ্দেক মানুচ্‌ যুদ্ধোত্তে যুক্কোল্‌ ওইনে ইস্রায়েলীয়গুনোর আগে আগে পার্ ওই যেইয়োন।

ফগদাং পেইয়্যে 17:4

সেই মিলেবো বিগুনি আর রাঙা রংয়র্ পোজাক্ এলঅ আর তা কিয়্যেত্ সনা, মংগা মংগা পাত্তর্ আর মুক্তোর গয়না এলঅ। জঘণ্য জিনিচ্‌ আর তার্ বেভিচারর্ কজরালোই ভরা এক্কো সনার কদরা তা আঢত্ এলঅ।