যোনা 4:9 - Chakma Bible

⁹ মাত্তর্ গোজেনে যোনারে কলঅ, “সে গাজ্‌‌‌‌চো পৌইদ্যেনে রাগ গরানা কি তর্ উজিত্ অর্?” যোনা কলঅ, “সিয়েনর্ কারণ আঘে। মুই মরণ সং রাগ গুরি থেইম্।”

যোনা 4:9 ပူးပေါင်းရင်းမြစ်များ

১ রাজাবলী 21:4

“মঅ বাপ-দাদার সোম্বোত্তিগানি মুই তরে ন-দিম্‌,” যিষ্রিয়েলীয় নাবোতর এ কধানিত্তে আহাবে মুয়োন্‌ কালা গুরিলো আহ্‌ কুজুক্ ওইনে ঘরত্‌ ফিরি গেলঅ। তে বিচ্ছোনত্‌ পুরিনে মুয়োন্‌ ফিরেই রলঅ, হেবাত্তে ন-চেলঅ।

ইয়োব 18:4

তুই দঅ রাগে নিজোরে কট্টা কট্টা গরর্‌; তত্তেই কি পিত্‌মিগান ছাড়ি যাহ্ পুরিবো? নাকি মুড়োগুনোরে তা জাগানত্তুন্‌ সোরেই দিয়্যে পুরিবো?

ইয়োব 36:18

উজিয়ার থেবা যেনে তঅ রাগর্ কারনে তর্ ধন-সোম্বোত্তিগানিয়ে তরে ভান্ন্যেই পধেদি ন-নেযায়; যে দাঙর্ মাসুল তুই দুয়োচ্ সিয়েনে যেন তরে ভান্ন্যেই পধেদি ন-নেযায়।

ইয়োব 5:2

হাঙেলেত্যে জ্ঞাননেইয়্যে মানুচ্চুনোরে শেজ্‌ গুরি দে আর ইংসে-নিন্দে বেদমা মানুচ্চুনোরে মারে ফেলায়।

যোনা 4:1

মাত্তর্ যোনা ইয়েন্দোই অমকদ বেজার্ ওইনে রাগ্ তুলিলো।

যোনা 4:10

মাত্তর্ লগেপ্রভু কলঅ, তুই যুনিয়ো এ গাজ্‌‌‌‌‌চোত্তে কনঅ কাম্ ন-গরচ্ বা ইবেরে বাড়েই ন-তুলোচ্ তো গাজ্‌‌‌‌‌‌চোত্তে তর্ মেয়্যে ওইয়্যে। সিবে দঅ এক রেদো ভিদিরে লাম্বা ওইয়্যে আর এক রেদে মুরি গেলঅ।

যোনা 4:8

যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

মথি লেখ্যে গম্ হবর্ 26:38

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ থাগঅ আর মঅ সমারে জাগি থাগঅ।”

২ করিন্হীয় 7:10

গোজেনে যে দুঘ্ দে সেনত্যে পাপত্তুন্ মন ফিরে আর সিয়েনত্যে পাপত্তুন্ উদ্ধোর্ পাহ্ যায়, আর সিয়েনত্যে দুঘ্ গুরিবার কিচ্চু ন-থায়। মাত্তর্ জগদর্ দিয়্যে দুঘ্ মান্‌জ্যর মরণান্ ডাগি আনে।

ফগদাং পেইয়্যে 9:6

সেই সময়োত্ মান্‌জ্যে মরণানরে তোগেবাক্ মাত্তর্ কনমতে সিয়েন ন-পেবাক্; তারা মরিবার চেবাক্ মাত্তর্ মরণানে তারাত্তুন্ ধেই যেবঅ।

বিচের গুরিয়্যেগুন 16:16

এধোক্কেন্‌ গুরিনে দিনকে দিন তে তা কধালোই তারে এন্‌গুরি তোস্যে লাগেলদে, তা জিংকানিগান উগুরে এক্কান কাঙেলেত্যে এই গেলঅ।