যোনা 4:5 - Chakma Bible

⁵ সেক্কে যোনা শঅর বারেদি যেইনে পূগেদি এক্কান জাগাত্ ছাল্ বানেইনে তা ছাবানত্ বুজি রলঅ। শঅরর্ কি দযা অয় সিয়েন চেবাত্তে তে বাজ্জেই থাহ্ ধুরিলো।

যোনা 4:5 ပူးပေါင်းရင်းမြစ်များ

১ রাজাবলী 19:13

এলিয় সিয়েন শুনিনে তা কিয়্যের্‌ কাবড়ানদোই মুয়োন্‌ নাঢিলো আর বারেন্দি যেইনে গাত্তো ইদু থিয়্যেল। সে পরেন্দি তে এ কধাগান শুনিলো, “এলিয়, তুই ইয়েনত্‌ কি গরর্‌?”

১ রাজাবলী 19:9

সিদু ইক্কো গাদঅ ভিদিরে সুমিনে তে রেত্তো কাদেল। সিয়েনত্‌ এলিয়োর্‌ ইদু লগেপ্রভু আঝিল্ ওইনে কলঅ, “এলিয়, তুই ইয়েনত্‌ কি গরর্‌?”

যিশাইয় 57:17

তারার্ লুভোত্তে মুই রাগে জুলি উঠ্যং, আর তারারে সাজা দিইনে অমকদ বেজার্ পেইনে মঅ মুয়োন্ ফিরেই নেযেয়োং; তো তারা তারার আওজ্ মজিম পধেদি যাহ্ ধুরিলাক্।

যিরমিয় 20:9

মাত্তর্ যুনি মুই কং, “মুই তা কধাগান কোই ন-দিম বা তা নাঙান ধুরিনে আর কিচ্চু ন-কোম্,” মাত্তর্ তা কধাগান মঅ মনত্ যেন জোল্‌‌জোল্যে আগুন ওইনে আড় ভিদিরে বন্ধ ওই থায়। মুই সিয়েন ভিদিরে রাগাদে রাগাদে বল্‌‌পোজ্যে ওই পড়ং; ঘেচ্চেকগুরি মুই আর সিয়েনি ভিদিরে রাগেই ন-পারং।‍‍‍

যোনা 1:5

ইয়েনত্ নাবিক্‌‌‌কুন বেক্কুনে দোরেইনে পত্তিজনে নিজো নিজো দেবেদা ইধু কানাকুদি গরা ধুরিলাক্। জাহাজ ভরান্ কোমেবাত্তে তারা পযাপিরানি সাগরত্ ফেলেই দিলাক্। মাত্তর্ ইয়েনর্ আগেদি যোনা জাহাজর্ তলেদি লামিনে ঘুমোত্ পড়িলো আর তার্ যদেবদে ঘুম্ অলঅ।

যোনা 4:4

জোবত্ লগেপ্রভু কলঅ, “তর্ রাগ গরানা কি উজিত্ অর্?”

যোনা 4:6

সেক্কে গোজেন লগেপ্রভু সিয়েনত্ এক্কো গাজ্ বানেই দিলো। সে গাজ্‌‌‌চো দাঙর্ ওইনে যোনার দুঘ্ কোমেবাত্তে তা মাঢাত্ ছাবা দিয়্যে ধুরিলো। সেক্কে যোনা সেই গাজ্‌‌‌চোত্তে অমকদ হুজি অলঅ।