যোনা 2:4 - Chakma Bible

⁴ মুই কলুং, মরে তঅ চোগো মুজুঙোত্তুন্ দূর্ গুরি দিয়্যে ওইয়্যে; তো মুই আরঅ তর্ সেই সুদ্ধো-সাংগ ঘরান ইন্দি রিনি চেইম্।

যোনা 2:4 ပူးပေါင်းရင်းမြစ်များ

১ রাজাবলী 8:48

সে দেজত্‌ যুনি তারা মনে-পরাণে তইন্দি ফিরোন্‌ আর তারার্‌ পূরোণিমানুচ্চুনোরে যে দেজ্‌ছান তুই দুয়োচ্‌ সে দেজন্দি, তর্‌ বেই লোইয়্যে শঅরর্‌ ইন্দি, তত্তেই মর্‌ বানেয়্যে এ ঘরন্দি ফিরিনে তইদু তবনা গরন,

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

২ বংশধর 6:38

সে দেজত্‌ যুনি তারা মনে-পরাণে তইন্দি ফিরোন্‌ আর যে দেজ্‌ছান তুই তারার্‌ পূরোণি মানুচ্চুনোরে দুয়োচ্‌ সে দেজছান ইন্দি, তর্‌ বেঈ নেযেয়্যে শঅরান ইন্দি, তত্তেই মর্‌ বানেয়্যে এ ঘরান ইন্দি ফিরিনে তবনা গরন্‌,

গীতসংহিতা 31:22

মুই দোরেইনে কোইয়োঙে, “তঅ মুজুঙোত্তুন্ মুই ফারগ্ ওই যেইয়োং”; মাত্তর্ বল্ পেবাত্তে যেক্কেনে মুই তরে ডাক্কোং সেক্কেনে তুই মর্ কোজোলিগান শুন্যচ্।

গীতসংহিতা 42:8

দিনোত্ লগেপ্রভু তার অমকদ কোচ্‌‌পানাগান্ মঅ উগুরে ঢালি দে; আর রেদোত্ মর্ জীংকানিগান গোজেনর ইদু মর্ তবনা আর তার বাঈনী-গান মর্ সমাজ্যে অয়।

গীতসংহিতা 5:7

মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

গীতসংহিতা 88:6

তুই মরে মরণর জাগাত্ বেগত্তুন তলে জাগানত্ রাগেয়োচ্, রাগেয়োচ্ আন্ধারর গভীন্ জাগানত।

গীতসংহিতা 88:7

তঅ রাগ্‌কান মঅ উগুরে অমকদ আঘে; তর্ বেগ রাগর টেলায় তুই মরে ভাজে নেযর্।

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিশাইয় 49:14

মাত্তর্ সিয়োনে কলঅ, “লগেপ্রভু মরে ছাড়ি যেইয়্যে, তে মরে ভুলি যেইয়্যে।”

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 7:15

মুই তমা ভেইয়ুনো উগুরে, অত্তাৎ ইফ্রয়িমর মানুচ্চুনো উগুরে যেবাবোত্যে গোজ্যং সেবাবোত্যে মঅ মুজুঙোত্তুন তমারে ঠিলিনে ফেলেই দিম।”

আবিলেচ্ 3:54

মঅ মাঢা উগুরেদি পানি বেঈ যেইয়্যে, মুই মনে গোজ্যংগে মুই মুরি যাঙর্।

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

যোনা 2:7

“ও লগেপ্রভু, মঅ পরাণান্ যেক্কে যাং যাং ওইয়্যে সেক্কে মুই তরে ইদোত্ তুলিলুং, আর মঅ তবনাগান তইদু, তঅ সুদ্ধো-সাংগ ঘরত্ উঠ্যেগোই।