যোয়েল 3:8 - Chakma Bible

⁸ তমা পুয়ো-ঝিগুনোরে মুই যিহূদার মানুচ্চুনো ইধু বিজি দিম আর তারা দূরোর শিবায়ীয় জাদ ইধু তারারে বিজি দিবাক্।” এ কধাগান লগেপ্রভু কোইয়্যে।

যোয়েল 3:8 ပူးပေါင်းရင်းမြစ်များ

ইয়োব 1:15

এ ভিদিরে শিবায়ীয়গুনে লুদেবাত্তে এইনে সিগুনোরে নেযেলাক্‌। তারা তঅ‌ চাগরুনোরে মারে ফেলেয়োন। তরে হবর্‌ দিবাত্তে বানা মুই রোক্ষ্যে পেইয়োং।”

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

যিহিষ্কেল 23:42

তারার্ চেরোকিত্তে এলঅ চিদেচজ্জা নেইয়্যে, রঅ চাজ্যে মানুচ্চুনোর জোল্। তারা ভিদিরে এলাক্ চিগোন মনর্ মানুচ্ আর ধূল্যেচর-চাগালার মদখুরুন্। তারা সেই দ্বিবোন আঢত্ বালা পিনেলাক্ আর তারা মাঢাত্ দিলাক্ দোল্ মুকুট।

যিহিষ্কেল 38:13

সেক্কে শিবা, দদান আর তর্শীশ আর তার বেক্ আদামানির বেবসায়ীগুনে তরে পুযোর্ গুরিবাক্, তুই লুদেবাত্তে এচ্চোস্ নাহি আর সনা-রূপা, য়েমানপাল আর পযাপিরা নেযেবাত্তে আর ভালোক্কানি পযাপিরা কাড়ি নিবাত্তে তঅ দলবল এগত্তর্ গোজ্যস্ নাহি।

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 4:2

সেনত্তেই লগেপ্রভু যাবীন নাঙে এক্কো কনানীয় রাজার আঢত্‌ তারারে তুলি দিলো। যাবীনে হাৎসোরত্‌ থেইনে রাজাগিরি গুরিদো। তা সেনাপতিবোর নাঙান্‌ অলঅ‌ সীষরা। তে হরোশৎ-হগোয়িম নাঙে এক্কান্‌ জাগাত্‌ থেদঅ‌।

বিচের গুরিয়্যেগুন 4:9

দবোরা কলদে, ঠিগ্‌ আঘে, মুই তমা লগে যেম্‌, মাত্তর্‌‌ এ যুদ্ধোত্‌ জিদিবার বাঈনীগান্ তুই ন-পেবে, কিত্যে লগেপ্রভু এক্কো মিলে আঢত্‌ সীষরারে তুলি দিবো। এ কধাগান কোইনে দবোরা বারকর লগে কেদশত্‌ গেলঅ‌।