যোয়েল 3:4 - Chakma Bible

⁴ ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

যোয়েল 3:4 ပူးပေါင်းရင်းမြစ်များ

২ বংশধর 21:16

লগেপ্রভু যিহোরাম বিরুদ্ধে পলেষ্টীয়গুনোরে আর কূশীয়গুনো ইদু বজত্তি গোজ্যে আরবীয়গুনো মনত্‌ শত্রুতাভাব্‌ জাগেই দিলো।

যিশাইয় 14:29

ও পলেষ্টীয়া, যে লুদিক্কো তরে আঘাত্ গুরিদো সিবে ভাঙি যেইয়্যে বিলি তুমি কনজনে ফুত্তি ন-গোজ্য। সাপ গাদত্তুন্ নিগিলি এবঅ কেউটে সাপ, আর সেই সাপ্পোত্তুন্ নিগিলি এবঅ উড়্‌বো বিষবলা সাপ।

যিশাইয় 34:8

ইয়েনি অবঅ, কিত্তে হেনা সুজিবার্ লগেপ্রভুর এক্কো দিন আঘে, সিয়োনর্ পক্ক ওইনে সাজা দিবার্ এক্কো সময় আঘে।

যিশাইয় 59:18

মানুচ্চুনে যিয়েনি গোজ্যন সিয়েনি তে তারারে ফিরেই দিবো; তা বিপক্ষগুনো উগুরে রাগ্ ঢালি দিবো আর শত্রুগুনোর ভান্ন্যেই কামর্ সাজা দিবো। দূর দেজ মানুচ্চুনোর যিয়েনি পাওনা সিয়েনি তে তারারে দিবো।

যিরমিয় 47:1

ফরৌণে গাজা আক্রমণ গুরিবার আগেদি পলেষ্টীয়গুনো পৌইদ্যেনে লগেপ্রভুর এ কধানি ভাববাদী যিরমিয় ইধু ফগদাং অলঅ,

যিরমিয় 47:4

পলেষ্টীয়গুনোরে বেক্কুনোরে ভস্ত গুরিবার দিন আর সোর আর সীদোনর সাহায্যগুরিয়্যে বাদবাগি বেক মানুচ্চুনোরে মারে ফেলেবার দিন গোনেই এচ্চ্যে। মুই লগেপ্রভু পলেষ্টীয়গুনোরে, অত্তাৎ ক্রীৎ দ্বিবোত্তুন্ এচ্চ্যে মানুচ্চুনোরে ভস্ত গুরিম।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যোয়েল 2:10

তারা মুজুঙোত্ পিত্‌থিমীগান গির্‌গিরেই, আগাজ্‌চানে গির্‌গিরেই, চানানে আর বেলানে আন্ধার্ ওই যায় আর তারাগুনে পহ্‌র দেনা বন্ধ গুরি দুয়োন্।

যোয়েল 2:2

সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

মথি লেখ্যে গম্ হবর্ 11:22

মুই তমারে ঘেচ্চেকগুরি কঙর্, বিচের দিনোত্ সোর আর সীদোনর অবস্থা বরং তমাত্তুন্ বেশ্ বোউত্ সোজ্য গরেদে ধোক্ক্যেন্ অবঅ।

লূকে লেখ্যে গম্ হবর্ 10:13

“অভিশাব্‌ পেইয়্যে কোরাসীন! অভিশাব্‌ পেইয়্যে বৈৎসৈদা! যেদক্কানি আমক্ অবার্ কাম তমা ইধু গরা ওইয়্যে সিয়েনি যুনি সোর আর সীদোন শঅরত্ গরা অদঅ, সালে তারা ভালোক্ দিন আগে বস্তা পিনিনে ছেইয়ো উগুরে বোইনে পাপত্তুন্ মনানি ফিরেদাক্।

লূকে লেখ্যে গম্ হবর্ 10:14

ঘেচ্চেক্‌গুরি, বিচের দিনোত্ সোর আর সীদোনর্ অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?

প্রেরিত্‌ 9:4

তে মাদিত্ পড়ি গেলঅ আর শুনিলো কন্না যেন তারে কত্তে, “শৌল, শৌল, কিত্ত্যে তুই মঅ উগুরে অত্যেচার্ গরর্?”

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

২ থিষলনীকীয় 1:6

গোজেনর্ ন্যায়বিচেরান ইয়েন-যিগুনে তমারে দুঘ্ দুয়োন তে তারারে দুঘ্ দিবো;

বিচের গুরিয়্যেগুন 11:12

ইয়েনর্ পরেন্দি যিপ্তহ মানুচ্‌ পাদেইনে অম্মোনীয় রাজাবোরে এ কধাগান পুযোর্‌ গুরিলো, “তল্লোই মর্ এন্‌ কি ওইয়্যেদে যিয়েনত্তে তুই মর্‌ দেজ্‌চানরে আক্রমণ গুরিবাত্তে এচ্ছোস্‌?”