যোয়েল 3:19 - Chakma Bible

¹⁹ মাত্তর্ মিসরান ভস্তর্ জাগা অবঅ আর ইদোমান ভস্ত ওই যেইয়্যে ধূল্যেচর-চাগালা অবঅ, কিত্যে যিহূদার মানুচ্চুনো উগুরে অত্যেচার গরা ওইয়্যে আর তারার্ দেজত্ নিদ্দুজির্ লো ঝরা ওইয়্যে।

যোয়েল 3:19 ပူးပေါင်းရင်းမြစ်များ

গীতসংহিতা 137:7

ও লগেপ্রভু, যিরূশালেমর ভস্ত দিনোত্ ইদোমীয়গুনে যিয়েনি গোজ্যন্ সিয়েনি ইদোত্ তুলি চাহ্; তারা কোইয়োন্দে, “ভস্ত গরঅ, এক্কুবারে ইয়েনর গড়াগান সং ভস্ত গুরি ফেলঅ।”

যিশাইয় 11:14

তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।

যিশাইয় 11:15

লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

যিরমিয় 49:17

ইদোমের অবস্থা দেগিনে মানুচ্চুনে আমক্ অবাক্; যিগুনে তা কায়-কুরেদি যেবাক্ তারা বেক্কুনে অমকদ দোরেবাক্ আর তার্ বেক আঘাত্‌‍‍‌‌তানিত্তে তারে ঠাট্টা-মশ্‌‍‍‌‌কারি গুরিবাক্।

যিরমিয় 51:35

সিয়োনর আদাম্মেগুনে কদন্, “আমা কিয়্যেনি উগুরে যে অত্যেচার গরা ওইয়্যে সিয়েনি বাবিল উগুরেয়ো গরা ওক্। যিগুনে বাবিলোত্ বজত্তি গরন্ আমা লোগানিত্তে তারা দায়ী থাদোক্।”

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

ওবদিয় 1:1

ওবদিয়র দর্শন। ইদোম দেজর্ পৌইদ্যেনে প্রভু লগেপ্রভু এ বেক্ কধানি কোইয়্যে। আমি লগেপ্রভুত্তুন্ এক্কান হবর্ পেইয়্যেই। তে জাদ্‌‌‌‌‌তুনো ইধু এক্কো দূতোরে পাধেইনে এ কধাগান কবাত্তে কোইয়্যে, “উদো, আঢঅ আমি ইদোম বিরুদ্ধে যুদ্ধো গুরিবাত্তে যেই।”

হবক্‌‌‌‌কূক 2:17

লেবানন উগুরে তুই যে অত্যেচার গোজ্যস্ সেই অত্যেচারান্ পুরোপুরি গুরিনে তঅ উগুরে এবঅ আর সিদুগোর্ য়েমানুনোরে মারে ফেলেয়োচ্ বিলিনে ইক্কিনে য়েমানুনে তরে দর্ লাগেবাক্। তুই দঅ মান্‌‌‌‌‌জ্যর্ লো ঝোরেয়োচ্ আর দেজ্, শঅর্ আর সিদুগোর্ বেক মানুচ্চুনোরে অত্যেচার গোজ্যস্।

সখরিয় 10:10

মিসর দেজত্তুন্ মুই তারারে ফিরেই আনিম্, আসিরিয়াত্তুন্ তারারে এগত্তর্ গুরিম। গিলিয়দ আর লেবাননত্ মুই তারারে আনিম আর এদক্ মানুচ্ অবাক্কে যে, সিয়েনত্ তারার্ জাগা ন-কুলেব।

২ থিষলনীকীয় 1:6

গোজেনর্ ন্যায়বিচেরান ইয়েন-যিগুনে তমারে দুঘ্ দুয়োন তে তারারে দুঘ্ দিবো;